Lucas 1:76 - Nuevo Testamento Toba Sur

⁷⁶ Qaq 'am ÿalcolec, 'am qoÿanagui qome da 'am l'aqtaxanaxanec ñim Dios mayi 'amaqtaqaic, cha'ayi 'am qai'auaxaata'ague qome na llic ca qadataxala' da yaqto' 'auqataxanai',

Nuevo Testamento Toba Sombrero Negro

⁷⁶ Qama'le, am yalec, am qoyenaqatenec qomle 'laqataĝanaĝanec ñe'me Dios 'me p'ajaye, Qa'a a'uauta, am dajoyalegue ñe'me Jaliaĝanec qaedi a'ueteta'ajalo gaa'me ladico,

La'aqtaqa Ñim Lo'onatac 'Enauacna 2013

⁷⁶ Qaq 'am ỹalcolec, 'am qoỹanagui qome da 'am: ‹La'aqtaxanaxanec Ñim Lo'onatac 'Enauacna maye 'amaqtaqaic.› 'Am 'aua'auta'ague qome da tata'ague cam Lca'aguishec Ñim Lo'onatac 'Enauacna, da 'auqataxanai' na shiỹaxauapi yaqto' lhuotta qom nvi' camaye.

Lucas 1:76 Iomraidhean Croise

Mateo 14:5

Nachi so Herodes huotaique da ÿalauat so Juan. Qalaxayi huo'o da lcolanaxa na shiÿaxauapi, cha'ayi namayipi 'eetega da so Juan ÿataqta 'eesa da l'aqtaxanaxanec ñi Dios.

Mateo 21:26

Qaq da huo'otaq shinaqpec da chochi shiÿaxaua ca ÿamaxalec, qaq huo'o da qadcolanaxa na shiÿaxauapi. Cha'ayi 'enauac namayipi ÿataqta i'amaqten so Juan da l'aqtaxanaxanec ñi Dios.

Mateo 3:11

Qaq 'eesa da aÿim nagui qami' ñachilaxanguilo na 'etaxat, qaq damayi naigui da qami' qai'axañiideec naua qan'onataxacolli'. Qalaxayi nam aÿim nca'attalec, namayi dachilaxanataxana qome ca Espíritu Santo qataq ca nodec. Qaq namayi ÿataqta ÿacteec da l'añaxac, sa ishit da aÿim 'eeta'am. Qataq sa ishit da ñalau'a da chochi sachita'pe caua lapela'te.

Mateo 3:3

Qaq se'eso Juan nachiso som ÿiyiñi co'ollaxa so l'aqtaxanaxanec ñi Dios l'enaxat Isaías, co'ollaq 'eeta': Huo'o ca shiÿaxaua chimaqtapeguelec yi tojlec 'alhua, 'eeta' da lÿaxanaxac: “Qauqataxañiÿai' qome ca nqa'aic ñi qadataxala'; ÿataqta qan'onaxachiitegue qome ca llic.”

Marcos 11:32

¿Qalqo' shinaqpec da nachina na shiÿaxauapi na ÿamaxalec? Cha'ayi somayipi ÿataqta huo'o da lli'iÿaxa na shiÿaxauapi, cha'ayi qaÿaÿaten da 'enauac da qai'amaqten so Juan da ÿoqta 'eesa da l'aqtaxanaxanec ñi Dios.

Lucas 1:32

Camayi ÿataqta 'amaqtaqaic, qataq qaÿamata'ac qome da llalec ñim Dios mayi 'amaqtaqaic. Qaq ñi qadataxala' Dios ÿanagui qome camayi da nta'a, 'eeta'am som hua'au lta'a l'enaxat David,

Lucas 1:35

Nachi so namaxashic 'enapeco': –Qomyi ca Espíritu Santo qome 'am tanguit, nachi da l'añaxac ñi Dios mayi 'amaqtaqaic 'am ipelteelec, 'eeta'am ca l'oc. Qaq ÿoqo'oyi que'eca nogotolec mayi ñiguiñi, camayi ÿataqta qoÿanot da hueto'ot ñi Dios, nachi qaÿamata'ac da llalec ñimayi.

Lucas 6:35

Qalaxayi qami' ÿataqta qauauochiic ca qami' ipa'agueeta'pe, qataq qauaÿamaxachiita ca shiÿaxaua, qataq qau'aalaxanaxañi. Qalaxayi sa ishit da chochi huo'o ca qanaquichiita'a. Qaq yaqto' ÿataqta lta'adaic ca qanshiitenaguiiqui, qataq ÿataqta qami' llalqa ñim Dios mayi 'amaqtaqaic. Cha'ayi ñimayi ÿataqta choxonnataxanaxaic, ichoxoden nam 'agaqaicpi qataq nam qauemaicpi.

Juan 1:23

Nachi so Juan 'enapeco': –Qomyi nachaÿim mayi aÿim chimaqtapeguelec ca tojlec 'alhua, qaq da iÿaxanaxac, shiita': “Qauqataxañiÿai' qome ca ÿataqta ÿashicteec nqa'aic ñi qadataxala'” –qaq damayi nachida da 'enapec co'ollaxa so l'aqtaxanaxanec ñi Dios l'enaxat Isaías.

Juan 1:27

damayi aÿim nca'attalec, qaq nai'ctaxa da damayi nal'ena da huo'o co'ollaq saxanaxa da aÿim huo'o. Qataq sa ishit da yalou'a da ñaqa't naua lapela'te lque'te.

Juan 3:28

Qaq qami' maichi qau'aqaichigui aÿim co'ollaq sa'axatta da aÿim sa ishit da nachaÿim que'eca nta'a nca'alaxaqui, chaqdata da aÿim qan'auaxaata'ague na llic camayi.

Hechos 16:17

Qaq asa'aso qa'añole nachi ca'attapiguiñi' so Pablo, nataq'en qomi'. Nachi i'alaqtai', 'eeta': –Ne'enaua shiÿaxa'u, naamayi do'onataxaatacoto ñim Dios mayi 'amaqtaqaic, qaq naamayi qami' i'axattapeguema da llic da nca'alaxa.