Lucas 1:74 - Nuevo Testamento Toba Sur

⁷⁴ da qomi' nca'alaxateeguesopa nam qomi' ipa'agueeta'pe, yaqto' sa ishit da huo'o ca shi'oqtaique da shi'oxodenaqtac ñimayi,

Nuevo Testamento Toba Sombrero Negro

⁷⁴ Da'me qo'mi yachiyoĝotauelo gaa'me qadaute'upi qaedi qaya'te qadoqolanaĝa da'me jo'onataĝanaĝauo'o joñe'me,

La'aqtaqa Ñim Lo'onatac 'Enauacna 2013

⁷⁴ da Ñimaye qomi' nca'alaxateeguesopa nam qomi' ipa'agueeta'ape. Yaqto' saishet da huo'o ca sho'oqtaique da so'onataxanaqtacot Ñimaye,

Lucas 1:74 Iomraidhean Croise

Lucas 1:71

da ÿauotaique qomi' nca'alaxateeguesopa nam qomi' ipa'agueeta'pe qataq 'enauac nam qomi' nquiÿatapegalo,

Lucas 1:73

Qaq 'eda dam ÿachaxanapec ñi Dios co'ollaq ÿan so l'aqtac da ÿami' so qadta'a Abraham:

Lucas 1:75

nataq'en da yaqto' qomi' ÿaÿamaxadeete' da ñañanqot ñimayi da qomi' qui'itte' 'enauaque naua na'axa'te da qanachaalataxac.

Romanos 6:22

Qalaxayi nagui da mashi qansoiueguesop da l-lataxanaxac da ñi'itaxaloxo, nachi qami' qaunoxoñiu'a da qami' l-lataqa ñi Dios. Qaq 'eda mayi ÿataqta huo'o ca naigui. Qaq dam naigui nachida da achaalataxac qui'itta mayi qoÿanot ñi Dios qataq dam achaalataxac mayi qaica ca loga't.

Romanos 8:15

Cha'ayi som Espíritu mayi qami' qauacoñiiguet, somayi sa ishit da i'ot da qami' nlataqa naq'en, qataq sa ishit da ÿoltaq ÿauo'o ca qadcolanqai. Chaqdata da somayi qami' i'otegueta da qami' llalqa naq'en ñi Dios. Qataq se'eso Espíritu itaxaÿaxanaxanec naq'en ñi 'oonolec da shinaqta da 'eeta': “'Am ita'a Dios.”

2 Timoteo 1:7

Cha'ayi ñi Dios sa ishit da ÿan ca colanqaic da nshitaxat naq'en ca shiÿaxaua. Chaqcata ca i'ot ca n'añaxac naq'en, qataq ca lsoxoyic, qataq ishit da ntel-la't.

Hebreos 2:15

Qaq 'eda da 'eetec da huesouec naq'en 'enauac nam 'ico' l-latacpi da lcolanaxa da nleuaxa nagui da ña nca'altauec.

Hebreos 9:14

Qaq da nachi 'eetec de'eda, qaq ¡huá'ago' da saq ÿacteec da l'añaxac soua ltago'q so Cristo! Cha'ayi chigoqchigui da l'añaxac som Espíritu mayi chochaq tateec da so Cristo maichi nañanot ñi Dios, 'eeta'am aca nachitaqtaxanaqte mayi ÿataqta qui'itta. Nachi naua ltago'q somayi ishit da iÿoueguesop da qadvilÿaxac na qadasouaxashitpi mayi taÿa'a da nleuaxa, da yaqto' ishit da so'onataxanqot ñim Dios mayi nachi 'eetai' da nca'altauec.

Apocalipsis 2:10

Qaq sa ishit qome da 'ayi'iÿa cam 'anque'ejnaxac. Cha'ayi so shiÿaxaua lma'na huo'o qome ca ÿamaxaigui añi ncoñitaxanaxaqui da qoñiita, da yaqto' 'enauac da qoñiita qaÿauo'o ca qañi'iguenaguiiqui. Nachi ÿataqta huo'o ca qanque'ejnaxaqui, ivittreec caua diez na'axa'te. Qalaxayi qoquiitot da qadpi'iÿaxaqui, chochi ivitta'a da qami' qadellivi. Nachi aÿim qami' sanema da achaalataxac, 'eeta'am aca qanshiitenaqchi.