Lucas 1:35 - Nuevo Testamento Toba Sur

³⁵ Nachi so namaxashic 'enapeco': –Qomyi ca Espíritu Santo qome 'am tanguit, nachi da l'añaxac ñi Dios mayi 'amaqtaqaic 'am ipelteelec, 'eeta'am ca l'oc. Qaq ÿoqo'oyi que'eca nogotolec mayi ñiguiñi, camayi ÿataqta qoÿanot da hueto'ot ñi Dios, nachi qaÿamata'ac da llalec ñimayi.

Nuevo Testamento Toba Sombrero Negro

³⁵ Ñe'me piyem le'ec 'yateguet: —Joñe'me Dios Lepaqal jo'ne ja 'nalegue am neda'ña qomle, nataq'aen ñe'me Dios jo'ne napacalegue ena'uac am yachalegue qomle da'me 'lañaĝac. Qo'che' ñe'me notolec jo'ne niyiñe qomle qoyiyaĝanaĝatapec ja 'nalegue, Lec'oĝot joñe'me Dios.

La'aqtaqa Ñim Lo'onatac 'Enauacna 2013

³⁵ Nache so namaxashec 'enapeco': –Qomye So Saqcha'a Na'añaxac Qui'itta anac qome da 'am tanguit, nache da la'añaxac Ñim Lo'onatac 'Enauacna maye 'amaqtaqaic 'am ipelteelec. Qaq ỹoqo'oye que'eca nogotolec, camaye da nachaalataxac ỹataqta imato'ot Ñim Lo'onatac 'Enauacna, nache camaye da le'enaxat 'eeta' «Llalec Ñim Lo'onatac 'Enauacna.»

Lucas 1:35 Iomraidhean Croise

Mateo 1:18

Da 'eetec da lañoxoc so Jesucristo 'eeta': Aso late'e María co'ollaq mashi detaxaÿapegue' so José da huotaique da lhua. Qaq co'ollaq saxanaxa da huadona't, nachi asomayi mashi hualaxai, chigoqchigui da l'añaxac so Espíritu Santo.

Mateo 1:20

Qaq co'ollaq ñaq tatapigui lauel de'eda, nachi anac so lamaxashic piguem l'ec ñi qadataxala', huaigui naq'en so l'ochaxa da nachaxana somayi. Nachi 'enapega, 'eeta': –José, 'am mayi 'auachigoxoguet so nta'a David, sa ishit qome da 'ayi'i da 'aupaca'aguet añi María da 'adhua. Cha'ayi dam llalec mayi huetagui, damayi chigoqo'ot so Espíritu Santo.

Mateo 14:33

Nachi soua netanguilo aso barco, soomayi i'adoto naua l-llicte so Jesús, nachi 'eeta': –Ÿoqta 'eesa da nachi'am mayi 'am llalec ñi Dios.

Mateo 27:54

Nachi so huataxanaq lta'a qataq som laÿipi mayi nauaatalec so Jesús co'ollaq ÿauaachigui so nacholaxanaxa qataq nam laÿipi mayi yi'oq, nachi ÿataqta qalota da lcolanaxa. Nachi somayipi 'enapeco': –Ñi'iñi shiÿaxaua ÿoqta 'eesa da llalec ñi Dios.

Mateo 4:3

Nachi so shiÿaxaua lma'na nqo'ona so Jesús da ÿi'iguen. Nachi 'enapego', 'eeta': –Da ÿoqta 'eesa da 'am llalec ñi Dios, qaq no'on qome da nañigui pan 'anqa'en ne'ena coma'pi.

Marcos 1:1

'Eda da 'eetec co'ollaq chita'ague da no'on qad'axaÿaxac mayi i'axat da llic so llalec ñi Dios, l'enaxat Jesucristo.

Marcos 1:24

–¿Tá'ainco' yi qomi' 'atapegueu'alo, 'am Jesús, Nazaret l'ec? ¿Qomi' 'auanaÿalo peta'a da qomi' 'anlaxajyiñi? Aÿim 'am sauatton, qataq saÿaten da nachi'am lalamaxat ñi Dios.

Lucas 1:27

da namaqtega naq'en aso 'alo ñaq lamaxai l'enaxat María. Asomayi mashi huotaique da huadonguet so ÿale l'enaxat José. Somayi maichi laual so nta'a l'enaxat David.

Lucas 1:34

Nachi aso María inat so lamaxashic ñi Dios, 'eeta': –¿Chaq huá'ague ca 'eetec ca lataxac de'eda? Yi aÿim saxanaxa da sauana ca ÿale.

Lucas 1:36

Nataq'en añi 'adhuo' lashi Elisabet, añimayi huo'o ca llalec, nai'ctaxa da mashi ÿi'axaina'. Añim qoÿiitegacnaxa da qaica ca llalec, qaq nagui mashi ivi' naua seis ca'agoxoiqa da hualaxai.

Juan 1:34

Qaq aÿim mashi sauaachigui somayi, nachi sa'axattac da somayi nachiso so llalec ñi Dios.

Juan 1:49

Nachi so Natanael 'enapeco': –'Am mayi 'auapaxaguenataxaatac, nachi'am llalec ñi Dios, qataq nachi'am lta'a na Israel llalaqpi.

Juan 20:31

Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.

Hechos 8:36

Qaq co'ollaq ivitra som huaña da huo'o na 'etaxat, nachi se'eso nta'a 'enapeco': –Ne'ena huo'o na 'etaxat, qaq ¿sa ishito' peta'a da aÿim qanachilaxan?

Romanos 1:4

Qalaxayi chigoqchigui so Espíritu Santo co'ollaq i'axat da somayi llalec ñi Dios qataq 'añaxaic co'ollaq ñi Dios nca'aleeguesop naq'en da nleuaxa.

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

Efesios 2:3

Qaq nataq'en 'enauac da shinaqta nachi shinaqta'am namayipi som hua'a'u vi'iyi, da qolaqtague' nam maichi shinaqtapeguecpi, qataq so'otaqtac dam lqopitaxanaqtaic da qadapachiyaxac qataq nam maichi qadhuennataxacpi. Qaq ÿoqo'oyi ÿataqta 'itchiguiñi da qomi' huetalguete da qaica ca 'en'am lchic lalemataic ñi Dios da shinaqta'am 'enauac nam laÿipi shiÿaxauapi.

Hebreos 4:15

Cha'ayi som qadtaxaÿaxanaxanec, somayi ÿataqta huo'o da lchoxonnataxanaxa da shinaqta souaxat da qaica ca qad'añaxac. Cha'ayi somayi co'ollaxa ÿataqta nque'etaxangui 'enauac na ÿotta'a't ñi'iguenataguec, 'eeta'am da shinaqta. Qalaxayi somayi sa ishit da huo'o ca lasouaxashit.