Lucas 1:32 - Nuevo Testamento Toba Sur

³² Camayi ÿataqta 'amaqtaqaic, qataq qaÿamata'ac qome da llalec ñim Dios mayi 'amaqtaqaic. Qaq ñi qadataxala' Dios ÿanagui qome camayi da nta'a, 'eeta'am som hua'au lta'a l'enaxat David,

Nuevo Testamento Toba Sombrero Negro

³² Nach'ega jiyaĝaua jo'ne p'ajaye qomle, joga'me qoyiyaĝanaĝatapec qomle Lec'oĝot joñe'me Dios jo'ne napacalegue ena'uac, jo'ne en yelolo'te qomle ga'me mach'e layipi, ena'am di'me chiyoĝoguet jo'ne let'a David,

La'aqtaqa Ñim Lo'onatac 'Enauacna 2013

³² Que'eca nogotolec ivira'a qome da ỹataqta 'amaqtaqaic, qataq camaye qome da nỹaxanataguec 'eeta' «Llalec Ñim Lo'onatac 'Enauacna maye 'amaqtaqaic.» Qaq Ñim Lo'onatac 'Enauacna ỹanagui qome camaye da Nta'a, 'eeta'am naqa'en som David maye chegoxoguet.

Lucas 1:32 Iomraidhean Croise

Mateo 1:1

Ana'ana nachana ana nanedaxalate som hua'au lta'alpi so Jesucristo som chigoxoguet so nta'a David qataq so Abraham.

Mateo 12:42

Nataq'en asom nate'e mayi neta'ague da taguiñi, asomayi qome nachajñi que'eca na'a'q qom qanmit 'enauac na shiÿaxauapi, nachi ÿauo'o ca lasouaxashit namayipi. Cha'ayi asomayi chigoqta'a co'ollaxa yim ÿataqta qaÿoqta 'alhua da n'axaÿaxana dam laÿajnec so Salomón. Qaq nagui mashi qami' huetaiguilo nam ÿataqta napacalec som Salomón.

Mateo 28:18

Nachi so Jesús nquiga somayipi, nachi 'enapega, 'eeta': –Aÿim mashi aÿim qaipataxalec da samaqpec 'enauac na hueto'ot na piguem qataq na huetalec ana 'alhua.

Mateo 3:11

Qaq 'eesa da aÿim nagui qami' ñachilaxanguilo na 'etaxat, qaq damayi naigui da qami' qai'axañiideec naua qan'onataxacolli'. Qalaxayi nam aÿim nca'attalec, namayi dachilaxanataxana qome ca Espíritu Santo qataq ca nodec. Qaq namayi ÿataqta ÿacteec da l'añaxac, sa ishit da aÿim 'eeta'am. Qataq sa ishit da ñalau'a da chochi sachita'pe caua lapela'te.

Marcos 14:61

Qalaxayi so Jesús ÿi'imaqtom, sa ishit da ÿasat. Nachi som lta'a na nataxala'pi qaltaq ÿi'iguelaxalec da inat, 'eeta': –¿Peta'a nachi'am qadta'a qadca'alaxaqui, mayi 'am llalec ñim Dios mayi qayi'oxonnatac?

Marcos 5:7

Nachi ÿataqta nlamaxaden da 'enapega, 'eeta': –¿Tá'ainco' yi aÿim 'atapegueu'a, 'am Jesús, mayi 'am llalec ñi Dios mayi 'amaqtaqaic? Ñi Dios aÿim ÿauaachigui da 'am ñachoxodeetot da sa ishit qome da 'auauo'o ca ñique'ejnaxac.

Lucas 1:15

cha'ayi que'eca 'ai'alec camayi ÿataqta 'amaqtaqaic qome naq'en ñi Dios. Camayi sa ishit qome da nÿomgui na ÿotta'a't lataxa, qataq ÿataqta nlaqchigui so Espíritu Santo qom saxanaxa da ñiguiñi.

Lucas 1:35

Nachi so namaxashic 'enapeco': –Qomyi ca Espíritu Santo qome 'am tanguit, nachi da l'añaxac ñi Dios mayi 'amaqtaqaic 'am ipelteelec, 'eeta'am ca l'oc. Qaq ÿoqo'oyi que'eca nogotolec mayi ñiguiñi, camayi ÿataqta qoÿanot da hueto'ot ñi Dios, nachi qaÿamata'ac da llalec ñimayi.

Lucas 1:76

Qaq 'am ÿalcolec, 'am qoÿanagui qome da 'am l'aqtaxanaxanec ñim Dios mayi 'amaqtaqaic, cha'ayi 'am qai'auaxaata'ague qome na llic ca qadataxala' da yaqto' 'auqataxanai',

Lucas 3:16

Qalaxayi so Juan 'enapega 'enauac so shiÿaxauapi, 'eeta': –Aÿim 'eesa da qami' ñachilaxanguilo nagui na 'etaxat, qalaxayi huo'o na aÿim nca'attalec, namayi qami' nachilaxanguilo qome ca Espíritu Santo qataq ca nodec. Qaq namayi ÿataqta ÿacteec da l'añaxac, qaq sa ishit da shin'am, qataq aÿim sa ishit da yalou'a da ñaqat naua lapela'te lque'te.

Lucas 6:35

Qalaxayi qami' ÿataqta qauauochiic ca qami' ipa'agueeta'pe, qataq qauaÿamaxachiita ca shiÿaxaua, qataq qau'aalaxanaxañi. Qalaxayi sa ishit da chochi huo'o ca qanaquichiita'a. Qaq yaqto' ÿataqta lta'adaic ca qanshiitenaguiiqui, qataq ÿataqta qami' llalqa ñim Dios mayi 'amaqtaqaic. Cha'ayi ñimayi ÿataqta choxonnataxanaxaic, ichoxoden nam 'agaqaicpi qataq nam qauemaicpi.

Juan 12:34

Nachi na shiÿaxauapi 'enapega somayi, 'eeta': –Qomi' sa'axasoqtega naxa da qaitaxaÿaxaatac ana nede mayi lmalate naua nqataxaco da que'eca nta'a nca'alaxaqui qoÿinapec yi nachi 'eetai' da nca'altauec. Qalaq ¿tá'ainco' yi 'am qonapec da que'eca shiÿaxaua llalec, camayi qananotshiguem? Qaq ¿chaq négue'to' que'eca shiÿaxaua llalec?

Juan 6:69

Qomi' mashi sogote da sa'amqajnataxanaq, qataq saÿajnaq da nachi'am mayi 'am nta'a nca'alaxaqui mayi 'am llalec ñi Dios mayi nachi 'eetai' da nca'altauec.

Hechos 16:17

Qaq asa'aso qa'añole nachi ca'attapiguiñi' so Pablo, nataq'en qomi'. Nachi i'alaqtai', 'eeta': –Ne'enaua shiÿaxa'u, naamayi do'onataxaatacoto ñim Dios mayi 'amaqtaqaic, qaq naamayi qami' i'axattapeguema da llic da nca'alaxa.

Hechos 2:30

Qalaxayi so David, somayi l'aqtaxanaxanec ñi Dios. Qataq somayi ÿaÿaten da ñi Dios ÿanem somayi da l'aqtac da 'enapec ipacchigui, da ca 'oonolec nam llalaqpi, camayi nachica cam nta'a qadca'alaxaqui, qataq nachica ca qoÿanagui da l'onataxanaxac somayi da nta'a.

Hechos 2:36

Ÿoqo'oyi 'enauac na llalaqpi so Israel iuen da ÿataqta ÿaÿateeta de'eda, da se'eso Jesús mayi qami' qauaxañiiuo co'ollaxa, nachiso som ÿanagui ñi Dios da qadataxala' qataq nta'a qadca'alaxaqui.

Hechos 7:48

Qaq nai'ctaxa da ñim Dios mayi 'amaqtaqaic sa ishit da netaigui ca chochi l'onatac noÿic ca shiÿaxaua. Cha'ayi nachi 'enapec naua nanettrañi l'aqtaqa som l'aqtaxanaxanec, mayi 'eeta':

Romanos 1:4

Qalaxayi chigoqchigui so Espíritu Santo co'ollaq i'axat da somayi llalec ñi Dios qataq 'añaxaic co'ollaq ñi Dios nca'aleeguesop naq'en da nleuaxa.

Apocalipsis 3:7

Nataq'en 'auamaxa aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Filadelfia. Qoneta': “'Eeta' da l'aqtac nam ÿataqta qui'itta qataq 'eesa, nam hueto'ot ana lvinaqte ca lma' so nta'a David, nam da ÿauatoigui ca lasom qalaq sa ishit da huo'o ca ishit da ÿapogui, qataq da ÿapogui ca lasom qalaq sa ishit da huo'o ca ishit da ÿauatoigui: