Lucas 1:17 - Nuevo Testamento Toba Sur

¹⁷ Qaq que'eca Juan, camayi hua'auta'ague qome da tata'ague ñi qadataxala'. Qaq ÿaatañi qome da lqui'iÿaxac qataq da l'añaxac so Dios l'aqtaxanaxanec l'enaxat Elías, da yaqto' ÿi'iguelaxateguet ca nta'a ca llalec da yaqto' saqca ca da, qataq yaqto' nam sa ishit da ÿalaq ishit da ÿaÿaten da ÿalaq. Qaq ÿaqataxanai' qome na shiÿaxauapi, da yaqto' lhuotta da ÿaconguet ca qadataxala'.

Nuevo Testamento Toba Sombrero Negro

¹⁷ Nach'eñe 'uau'tague ga'me dajo'tague ñe'me Jaliaĝanec, nataq'aen ue'tajop joñe'me Lepaqal choqoda'me lañoqotaĝanaĝac joñe'me, nach'e ena'am jo'me Dios 'laqataĝanaĝanec jo'ne Elías, qaedi netouenaĝanaĝa'n gaa'me net'al choqogaa'me c'oqo'te nataq'aen qaedi gaa'me qoleguetaĝanaĝaiquipi male yayate'n ta'le yoqochideta joñe'me Jaliaĝanec Dios. Naq'aeta da'me dojo' lajoĝoc da'me yivitaĝata't ga'me noic qaedi yacoteguet joñe'me.

La'aqtaqa Ñim Lo'onatac 'Enauacna 2013

¹⁷ Camaye nvi', qom saxanaxa da nvi' ca Nca'alaxaqui maye Lca'aguishec Ñim Lo'onatac 'Enauacna. Qaq de'era na'añaxac saqcha'a maye hueto'ot co'ollaxa so na'aqtaxanaxanec Elías, nachera da hueto'ot qome camaye. Da la'aqtaxanaxac ỹo'oteguet da ca nta'a nmaneto caua llalqa, qataq nam sa ỹalaq ila'a da lsomaxac, nache quegue da lataxac nam ỹataqta ỹalaq. Nataqa'en ỹaỹamaxaañi na Israel le'ecpi da yaqto' ỹataqta lhuotta da ỹaconeguet cam Lca'aguishec Ñim Lo'onatac 'Enauacna.

Lucas 1:17 Iomraidhean Croise

Mateo 11:14

Qaq da qami' qanshiitaique da qau'amaqchiñi, qaq so Juan nachiso som lqui'i som l'aqtaxanaxanec ñi Dios l'enaxat Elías mayi qoÿiitega da ñi'iguelaq.

Mateo 14:4

Cha'ayi so Juan 'enapego' co'olloxochiyi so Herodes, 'eeta': –Sa ishit qome da 'auadonguet añimayi.

Mateo 3:3

Qaq se'eso Juan nachiso som ÿiyiñi co'ollaxa so l'aqtaxanaxanec ñi Dios l'enaxat Isaías, co'ollaq 'eeta': Huo'o ca shiÿaxaua chimaqtapeguelec yi tojlec 'alhua, 'eeta' da lÿaxanaxac: “Qauqataxañiÿai' qome ca nqa'aic ñi qadataxala'; ÿataqta qan'onaxachiitegue qome ca llic.”

Mateo 3:4

Qaq naua alogo so Juan n'oxonqa, chigaqaiguilo na laue ana camello. Qaq so nsaataxaqui l'oc, qataq chictac ana shiiquioxoi qataq na dapic lli'i.

Lucas 1:16

Camayi i'oteguet qome da ÿataqta qalota na Israel llalaqpi na ÿi'iguelaxa ñim lataxala' Dios.

Lucas 1:76

Qaq 'am ÿalcolec, 'am qoÿanagui qome da 'am l'aqtaxanaxanec ñim Dios mayi 'amaqtaqaic, cha'ayi 'am qai'auaxaata'ague qome na llic ca qadataxala' da yaqto' 'auqataxanai',

Juan 1:13

Qaq namayipi sa ishit da 'eeta'am da lañoxoc na llalaqpi na yi'oqchigui shiÿaxauapi. Mayi da ñiguiñi, qalaq chigoqchigui da lqopitaxanaqtaic, huo'otaq da lhuennataxac namayipi, cha'ayi namayipi ÿataqta llalaqpi ñi Dios.

Juan 1:34

Qaq aÿim mashi sauaachigui somayi, nachi sa'axattac da somayi nachiso so llalec ñi Dios.

Juan 3:28

Qaq qami' maichi qau'aqaichigui aÿim co'ollaq sa'axatta da aÿim sa ishit da nachaÿim que'eca nta'a nca'alaxaqui, chaqdata da aÿim qan'auaxaata'ague na llic camayi.

Hechos 10:33

Qaq ÿoqo'oyi ÿataqta sa saÿaloxonai' da 'am samaxasoxona. Qaq nagui no'on, cha'ayi mashi 'anoviyi'. Qaq nagui qomi' souaqta'a ne'ena, sataqtau'a ca Dios, cha'ayi sauoqtaique da qomi' ñi'axaÿaxanaxa 'enauac cam 'am ÿamaxalec ñi qadataxala' da qomi' 'au'axatema.

Romanos 9:23

Cha'ayi ñimayi i'ot de'eda, cha'ayi nshitaique da qomi' ÿauattonaxanaxanque da lta'adaic lli'oxoyic, qomi' mayi qomi' nqouagueque, qataq qomi' ÿaqataxanai'salo co'ollaxa da nshitaique da ñiuanaqhua'a da lli'oxoyic ñimayi.

Colosenses 1:12

qataq da qai'añiitacot da qan'achiquiaxaqui ñi qadta'a Dios, cha'ayi ñimayi ÿaqataxaatapigui' cam qomi' ÿanema mayi ÿachaxanapeguem da ÿanem 'enauac nam lalamaxatpi, qom ivita da souaqtaigui cam l'edaxa ñimayi.

2 Timoteo 2:21

Qaq da huo'o ca nshitaique da 'ico' nogoxoshit mayi taiguet da ñi'oxoyic, qataq nshitaique da qaiqui'itaxatta, qataq nshitaique da taiguet da l'onataxanaxanec so qadataxala', qaq camayi nal'en da iÿouec 'enauac na sa ÿaÿamaxañi, qanachi ÿataqta taiguet ca camachaqca n'onataxanaxac ÿaÿamaqchiguiñi.

1 Pedro 2:9

Qalaxayi qami' ÿataqta qami' lca'aguishicpi ñi Dios, qataq qami' ltaxaÿaxanaxanecpi naq'en na shiÿaxauapi da qan'aqtaxañi' ñimayi mayi qadta'a, qataq qami' qui'itte' naq'en, qataq qami' lalamqa'te. Qaq de'eda 'eetec ñimayi, nshitaique da qami' qau'axachi na l'onataxanaxacpi mayi ÿi'oxodaq, ñim qami' ÿachigoxottoiguilo na napalaxa, da yaqto' qaunoxoñiu'a da l'edaxa mayi qaica ca 'en'am da lli'oxoyic.

1 Juan 2:28

Qaq ÿoqo'oyi qami' ÿalqolqa, nachi 'eetai' qome da qan'ayiitau'a so Cristo, yaqto' ÿataqta huo'o qome da qadpe'e qom ivita da nachaxan somayi, qaq sa ishit da huo'o ca qad'aloxo qom ivita da ñi'iguelaq.

Apocalipsis 20:4

Qaq can ime, nachi sela'a aso nso'onaxaquipi na nta'a. Qaq asomayipi nachi nso'ootangui som qoÿanem da nmit na nasouaxashitpi. Nataq'en sela'a na lqui'ipi nam qaipeteguec na lqaic co'ollaxa souaxat da i'axattac da l'aqtac ñi Dios mayi 'itchiguiñi naq'en so Jesús. Somayipi nachiso so sa ishit da ÿi'oxoden so shiguiÿac qataq som n'enaqtac lqui'i, qataq sa ishit da nashinguet aso l'anaxanaqte da yaqto' qai'an na latap, huo'otaq na lhuaq. Qaq sela'a somayipi da qaltaq qanca'alaxateec, nachi ltaua so Cristo da nta'alpi que'ecaua mil vi'iyi.