Juan 9:4 - Nuevo Testamento Toba Sur

⁴ Cha'ayi llaxatemallaxa nagui da ñaq huo'o na na'a'q, nachi aÿim ishit da so'ot da l'onataxanaxac ñim aÿim namaq. Cha'ayi anata cam pe mayi huaigui da sa ishit da huo'o ca qai'ot.

Nuevo Testamento Toba Sombrero Negro

⁴ da'me yatemaliaĝa cha'li je'etaq jenjo' nolo' ga'me 'lonatac ñe'me jo'ne jayem namaĝaquena. Qa'a nayi yamta'le pi'yaq, qama'le ja yitaĝa 'uo ga'me yaqanatet ta'le t'onataĝan.

La'aqtaqa Ñim Lo'onatac 'Enauacna 2013

⁴ Cha'aye nagui da ñaq qami' soota'agueta, nache iuen da so'otaq da lo'onataxanaxac maye Aỹem ỹamaxalec Ñim Lo'onatac 'Enauacna maye Ita'a; qalaxaye anata ca na'a'q maye qaica ca ishet da do'onataxan.

Juan 9:4 Iomraidhean Croise

Mateo 20:7

Nachi somayipi 'enapeco': “Cha'ayi qaica ca qomi' i'onataxanaxa'n ÿoqo'oyi.” Nachi se'eso 'aco' 'enapeco': “Qami' nataq'en qanqo'oñiuga qome yi ÿanaxanqa' da qauqataxañi. Aÿim ÿataqta sepagaqchiichigui qome aca lashiue ca qad'onataxanaxaqui.”

Marcos 3:3

Nachi so Jesús 'enapego' se'eso shiÿaxaua mayi daqaqta na lhuaq, 'eeta': –Ña qoñishiguem, 'anachajñigui na laiñi.

Juan 10:32

Nachi so Jesús 'enapeco': –Aÿim ÿataqta qalota na so'ot ÿaÿamaqchiguiñi da qami' qauauañiichigui, chigoqchigui da l'añaxac ñi ita'a. Qaq ¿chaq négue't cam sasoilec namayipi da huo'o mshi qanshiitaique da aÿim qauasaqai?

Juan 10:37

Da huo'otaq sa ishit da so'ot dam l'onataxanaxac ñi Dios, nachi sa ishíttaxa da aÿim qau'amaqchiñi.

Juan 12:35

Nachi so Jesús 'enapega somayipi, 'eeta': –Ñaq cada'acolec da qami' hueta'agueta nam lcoÿadaqte ana 'alhua, qalaxayi sa qaÿadauec caua na'axa'te da qami' hueta'agueta. Qaq ÿoqo'oyi qauqueuoitapigui' qome, llaxatemallaxa da ñaq huo'o na yi'oqchiguiñi, yaqto' sa ishit qome da qami' ique'elaxa't ca napalaxa. Cha'ayi cam queuotapigui na napalaxa, camayi sa ishit da ÿaÿaten cam tata'ague.

Juan 17:4

Qaq aÿim ÿataqta 'am shi'oxodeetac nagui da soota'a ana 'alhua, qataq ÿataqta sematta da aÿim 'auamaxalec da so'ot.

Juan 4:34

Qalaxayi so Jesús 'enapeco': –Dam anoq, nachida da 'eetapeguec ñi ita'a mayi aÿim namaq, da yaqto' semat da l'onataxanaxac.

Juan 5:19

Nachi so Jesús 'enapega somayipi, 'eeta': –Ÿataqta 'eesa de'eda qami' sa'axatema, da ne'ena llalec ñi Dios, namayi sa ishit da huo'o ca i'ot da huo'otaq maichi ndojlec, cha'ayi namayi i'ot cam ÿauaachigui da i'ot ñi lta'a. Qaq ÿoqo'oyi 'enauac nam i'otpi ñi lta'a, qaq nataq'en i'ot nam llalec.

Juan 5:36

Qalaxayi aÿim huo'o da ñi'aqtaguec mayi ÿataqta napacalec da l'aqtaxanaxac so Juan. Cha'ayi nam so'otpi, nachina na aÿim ÿamaxalecpi ñi ita'a. Qaq nachina na ÿoqta ichoxot da 'eesa da aÿim namaq ñimayi.

Juan 7:33

Nachi so Jesús 'enapeco': –Aÿim ñaq cada'acolec da qami' soota'agueta. Qaq qom ime, nachi aÿim shi'iguelaxa ñi aÿim namaq.

Hechos 4:20

Cha'ayi qomi' sa ishit da saxanaxañi da sa'axataqtac cam sauanaqchigui qataq ca sa'axasoqchigui.

Gálatas 6:10

Qaq ÿoqo'oyi da ivita da huo'o ca qaddaqa', nachi 'enauac so'otaxac ca ÿaÿamaqchiguiñi na shiÿaxauapi, lamaaxa da nachina na qad'amqajnataxanaxauapi.

Efesios 5:16

Qataq ÿataqta qauqopitaxañiÿa'pe naua na'axa'te da qau'ochi ca ÿaÿamaqchiguiñi, cha'ayi naua na'axa'te ÿataqta yiloxoiqa.

Colosenses 4:5

Qataq ÿataqta qanaÿajnaxanaqchiñi da qautaqaitague' nam saxanaxa da da'amqajnataxan. Ÿataqta qauqopitaxañiÿapec naua no'on na'axa'te, da huo'o ca qaddaqa'ai.