Juan 9:35 - Nuevo Testamento Toba Sur

³⁵ Qaq so Jesús l'axaÿaxac da qaÿamaqhuec som qanamaic co'ollaxa. Nachi co'ollaq nauane', nachi 'eetega, 'eeta': –¿'Am peta'a 'au'amaqten so llalec ñi Dios?

Nuevo Testamento Toba Sombrero Negro

³⁵ Mane'e ca'li Jesús dip'iyeya ñe'me qanam da'me joote qoyamaĝaye qama'le ca'li male yauana ñe'me qanam qama'le yenat joñe'me: —Da'me am, ¿qo'li auep'iya'a ñe'me Jiyaĝaua Lec'oĝot?

La'aqtaqa Ñim Lo'onatac 'Enauacna 2013

³⁵ Qaq So Jesús la'axaỹaxac da qaỹamaqauec som qanamaic co'ollaxa. Nache nmitaique, qaq co'ollaq nauane', nache 'eetega, 'eeta': –¿'Am peta'a 'aua'amaqten So Llalec Ñim Lo'onatac 'Enauacna?

Juan 9:35 Iomraidhean Croise

Mateo 14:33

Nachi soua netanguilo aso barco, soomayi i'adoto naua l-llicte so Jesús, nachi 'eeta': –Ÿoqta 'eesa da nachi'am mayi 'am llalec ñi Dios.

Mateo 16:16

Nachi so Simón Pedro 'enapeco': –Qomyi nachi'am nta'a nca'alaxaqui mayi 'am llalec ñi Dios mayi sa ishit da ileu.

Mateo 4:3

Nachi so shiÿaxaua lma'na nqo'ona so Jesús da ÿi'iguen. Nachi 'enapego', 'eeta': –Da ÿoqta 'eesa da 'am llalec ñi Dios, qaq no'on qome da nañigui pan 'anqa'en ne'ena coma'pi.

Marcos 1:1

'Eda da 'eetec co'ollaq chita'ague da no'on qad'axaÿaxac mayi i'axat da llic so llalec ñi Dios, l'enaxat Jesucristo.

Juan 1:18

Ñi Dios qaica ca ishit da ilogui, qalaxayi so 'oonolec llalec mayi ÿataqta neto'ot ñimayi, somayi nachiso so qomi' ÿauattonaxanaxanque ñi qadta'a.

Juan 1:34

Qaq aÿim mashi sauaachigui somayi, nachi sa'axattac da somayi nachiso so llalec ñi Dios.

Juan 10:36

Qaq da huo'otaq ñim Dios aÿim iÿotauga co'ollaxa, nachi aÿim namaxa ana 'alhua, qaq ¿tá'ainco' qami' yi qoñiitega da npa'agueneto naua i'aqtaqa ñimayi, souaxat da shiitega da aÿim llalec ñimayi?

Juan 11:27

Nachi asomayi 'enapeco': –Aja', sa'amaqten, 'am ÿataxala', da nachi'am nta'a nca'alaxaqui, mayi 'am llalec ñi Dios, mayi 'am qai'axatta'aguet co'ollaxa da 'auanaÿa'a ana 'alhua.

Juan 20:28

Nachi so Tomás 'enapeco': –¡'Am ÿataxala' qataq 'am ita'a Dios!

Juan 20:31

Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.

Juan 3:36

Qaq cam i'amaqten se'eso ñalec, nachi camayi huo'o da lca'alaxa chochaq tateec. Qaq cam sa ishit da i'amaqten, nachi camayi sa ishit da taÿot de'eda nca'alaxa, chaqdata da huetalec camayi dam qaica ca 'en'am da lchic lhuaxanaxanaxac ñi Dios.

Juan 5:14

Qaq so Jesús co'ollaq ilalec somayi huaigui aso n'onaxanaxaqui, nachi 'enapego', 'eeta': –Nagui mashi 'am no'oita, qalaxayi sa ishit qome da qaltaq huo'o 'anqa'en ca 'adasouaxashit, ten qom qaltaq ÿapagueec ca 'adalolaxa.

Juan 6:69

Qomi' mashi sogote da sa'amqajnataxanaq, qataq saÿajnaq da nachi'am mayi 'am nta'a nca'alaxaqui mayi 'am llalec ñi Dios mayi nachi 'eetai' da nca'altauec.

Juan 9:22

Qaq 'enapec de'eda soua lta'al, souaxat da huo'o da lcolanqa', cha'ayi na judiopi mashi sogote da qanmachigui da ishit da qai'odauec da huo'otaq huetaigui aca laponaxaqui namayipi ca camachaqca shiÿaxaua da huo'otaq 'eetega so Jesús da nachiso so nta'a nca'alaxaqui.

Juan 9:34

Nachi qoÿinapego' somayi, qoÿiita': –'Am mayi ÿataqta 'ananacteueegue' na 'adasouaxashitpi, qalaq ¿tá'ainco' yi 'anshitaique da qomi' 'auapaxague'n? Huaña, nachi qaÿamaqhuec somayi asom laponaxaqui namayipi.

Hechos 8:36

Qaq co'ollaq ivitra som huaña da huo'o na 'etaxat, nachi se'eso nta'a 'enapeco': –Ne'ena huo'o na 'etaxat, qaq ¿sa ishito' peta'a da aÿim qanachilaxan?

Hechos 8:37

Nachi so Felipe 'enapego' somayi, 'eeta': –Da ÿataqta imauec da 'adquiyaqteÿaxac da 'au'amqajnataxan, nachi ishit. Nachi se'eso shiÿaxaua 'enapeco': –Aÿim sa'amaqten so Jesucristo da nachiso so llalec ñi Dios.

Hechos 9:20

Qaq co'ollaq ime de'eda, nachi so Saulo da'aqtaxaatapoigui ana laponaxaquipi na judiopi, i'axattac so Jesús da nachiso so llalec ñi Dios.

Romanos 1:4

Qalaxayi chigoqchigui so Espíritu Santo co'ollaq i'axat da somayi llalec ñi Dios qataq 'añaxaic co'ollaq ñi Dios nca'aleeguesop naq'en da nleuaxa.

Romanos 10:20

Ime, qataq so Isaías ÿataqta qaica ca lyiÿaxac co'ollaq ÿiyiñi da l'aqtac ñi Dios, mayi 'eeta': Nam sa ishit co'ollaxa da aÿim nmittaique, qalaq aÿim ÿanata, qataq ñachaxana nam sa ishit co'ollaxa da aÿim denataxanaique.

1 Juan 4:15

Qaq cam 'eesa naq'en so Jesús da nachiso so llalec ñi Dios, camayi n'attau'a ñi Dios, qataq ñimayi hueta'aguet camayi.

1 Juan 5:10

Qaq cam i'amaqten so llalec ñi Dios, nachi camayi huetaigui añi lquiyaqte de'eda n'aqtaxanaxac. Qaq cam sa ishit da i'amaqten ñi Dios, nachi camayi 'eeta'am da shipecaic naq'en ñimayi. Cha'ayi sa ishit da i'amaqten da l'aqtaxanaxac ñi Dios co'ollaq i'axat so llalec.

1 Juan 5:13

Qaq shiyiñi ana'ana ÿide da qami' samaxalo, qami' mayi qau'amaqchiñi so llalec ñi Dios, da yaqto' qauaÿajñiita da qami' hueto'oto da nca'alaxa mayi chochaq tateec.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

1 Juan 5:5

Qaq ÿoqo'oyi cam huo'o da lpi'iÿaxac so Jesús da nachiso so llalec ñi Dios, mayi nachicata ishit da loxonec na 'onataxacpi.

3 Juan 1:10

Qaq ÿoqo'oyi da ivita da ashic, qaq ÿataqta ñi'axatshiguem damayi, souaxat da aÿim quetapeguelec camayi qataq souaxat da latenataxanaxac. Qataq saqdata de'eda i'ottac, nataq'en sa ishit da ÿaconguet na qadqaÿañicpi. Qataq nam huotaique da ÿaconguet namayipi ÿataqta sa ÿashinem qataq ÿamaqhuec da ca'ai naq'en na 'amqajnataxanaxaicpi.