Juan 9:24 - Nuevo Testamento Toba Sur

²⁴ Nachi na judiopi qaltaq ÿi'iguelaxalec da iÿaxaneuga so shiÿaxaua mayi qanamaic co'ollaxa. Nachi qoÿiitega, qoÿiita': –Nagui qomi' ÿauaachiguilo ñi Dios, ña qomi' 'au'aqtaxaatema, cha'ayi qomi' saÿajnaqta da se'eso shiÿaxaua, somayi 'itaxaloxoic.

Nuevo Testamento Toba Sombrero Negro

²⁴ Jogaa'me judiopi lajoĝola'te yitaĝa yiyaĝata ñe'me jiyaĝaua jo'ne qanam qaedi yena't: —Nayi da'me jajoyaqa'aguet ñe'me Dios, qama'le qo'mi a'uaĝatema ga'me yataqatelegue. Qa'a da'me qo'mi jayatenaq jo'me jiyaĝaua da'me loeco lo'o. ¿Jach'e ga'me mach'e at'aqatac?

La'aqtaqa Ñim Lo'onatac 'Enauacna 2013

²⁴ Nache na lataxala'pi na judiopi, qaltaq ỹe'eguelaxalec da iỹaxaneuga so ỹale maye qanamaic co'ollaxa. Nache 'eetega, 'eeta': –Nagui qomi' 'aua'aqtaxaatema cam ỹataqta 'eesa, ỹauaachigui 'anqa'en Ñim Lo'onatac 'Enauacna. Cha'aye qomi' saỹaanaqta da se'eso ỹale, Somaye 'etaxaloxoic.

Juan 9:24 Iomraidhean Croise

Marcos 15:27

Nataq'en nachi lÿatchiyigue'm soua dos cachaxaiqa da qaiuaxaadeuo, so 'oonolec soomayi neta'ague qanqoÿin na aloic, qaq so lÿa neta'ague na n'emaq.

Lucas 15:2

Nachi nam ÿalectaigui na fariseopi qataq nam dapaxaguenataxaatapeguec na nqataxacpi nachi quetapeguelec somayi, 'eeta': –De'eda shiÿaxaua qachi ÿaconguet na 'itaxaloxoicpi qataq lqui'axaua namayipi.

Lucas 19:7

Qaq co'ollaq qaÿauaachigui de'eda, nachi qanayictega, qoÿiita': “So Jesús qachi tau'a yi lma' so qauemaic ÿale.”

Lucas 7:39

Qaq co'ollaq ÿauaachigui de'eda so fariseo mayi ÿayina'a da lqui'axaua so Jesús, nachi deuennataxaatac, 'eeta': “Ñi'iñi shiÿaxaua da ÿoqta 'eesa da l'aqtaxanaxanec ñi Dios, qaq ishíttaxa da ÿauatton añim 'alo mayi ipottau'alo naua lchil da añimayi quishiguetaxai.”

Juan 14:30

Qaq nagui sa ishit da qalota na sa'axat da qami' sa'axatema, cha'ayi mashi anac nam damaxasoxonapec ana 'alhua. Qalaxayi namayi sa ishit da huo'o ca l'añaxac da aÿim ÿaconeu'a.

Juan 16:2

Qami' qaÿamaqdauec qome da huaigui ana laponaxaqui na judiopi, qataq ivida'a qome da huo'o ca ishit da qami' ÿalaua't, nachi camayi ipi'itaxaatega da i'ottac cam l'onataxanaxac ñi Dios.

Juan 18:30

Nachi somayipi 'enapeco': –Damayi da sa ishíttaxa da qauemaic, nachi sa ishit da 'am sanaxau'a.

Juan 19:6

Qaq co'ollaq qaila'a somayi, nachi na lataxala'pi na ntaxaÿaxanaxanecpi da qaitaxaÿapegue' ñi Dios qataq nam maichi nhuataxanaqpi, somayipi i'alqagui. Nachi 'eeta': –¡Qaiuaxaneuo qome damayi! ¡Qaiuaxaneuo qome damayi! Nachi so Pilato 'enapego' somayipi, 'eeta': –Qauaviquiiuec qone' damayi, nachi maichi qauaxañiiuo, cha'ayi aÿim sa ishit da huo'o ca sanata lasouaxashit damayi.

Juan 5:23

yaqto' 'enauac na shiÿaxauapi ishit da ÿi'oxoden na llalec, 'eeta'am naq'en da 'eetec da ÿi'oxoden ñi lta'a. Qaq cam sa ishit da ÿi'oxoden na llalec, qaq camayi sa ishit nataq'en da ÿi'oxoden ñim lta'a mayi namaq namayi.

Juan 8:46

¿Négue't ca 'oonolec da qoñiita da ishit da i'axat da huo'otaq huo'o ca ÿasouaxashit? Cha'ayi da huo'otaq sa'axattac dam 'eesa lataxac, qalaq ¿tá'ainco' yi sa ishit da aÿim qau'amaqchiñi?

Juan 8:49

Nachi so Jesús 'enapeco': –Aÿim sa ishit da huo'o ca i'ec leguemaxaic. Cha'ayi dam so'ottac, shi'oxodeetac ñi ita'a, qalaxayi qami' sa ishit da aÿim qavi'oxoyiñi.

Juan 9:16

Nachi huo'o na fariseopi na 'eeta': –Se'eso shiÿaxaua mayi i'ot de'eda, somayi sa ishit da chigoqtot ñi Dios, cha'ayi sa ishit da huo'o ca ÿanaigui yi na'a'q mataxaqui. Qalaxayi huo'o na 'eeta': –¿Huá'ago' ca 'eetec da ishit da i'ot de'eda n'anec mayi sa qaÿauanapega, da huo'otaq somayi 'itaxaloxoic? Huaña, nachi nÿodacachi da lhuennataxac se'eso shiÿaxauapi.

Juan 9:25

Nachi somayi 'enapeco': –Aÿim sa ishit da saÿaten da somayi 'itaxaloxoic, huo'otaq jegatai'. Chaqdata da aÿim saÿaten da sa ñauaañi co'ollaxa, qalaxayi nagui ñauaañi.

Romanos 8:3

Cha'ayi ñi Dios i'ot co'ollaxa dam sa ishit da ÿañoxot da i'ot nam nqataxacpi mayi chigoqo'ot so Moisés. Cha'ayi na nqataxacpi qaica ca l'añaxac souaxat da lapachiyaxac na shiÿaxauapi. Nachi ñi Dios namaq so lalamaxat llalec da 'eeta'am naq'en ca shiÿaxaua, da yaqto' ishit da qaÿalauat da ishiiten da ñi'itaxaloxo. Qaq 'eda da 'eetec da huo'o mshi ñimayi namaq so llalec da 'eeta'am naq'en ca 'itaxaloxoic shiÿaxaua. Huaña, nachi ÿachigoxotchigui de'eda lapachiyaxac somayi da nlaxajñi da l'añaxac da ñi'itaxaloxo.

2 Corintios 5:21

So Cristo ÿataqta qaica ca lasouaxashit. Qalaxayi souaxat qomi', nachi ñi Dios 'eeta'am naq'en somayi ca 'itaxaloxoic, yaqto' qomi' da mashi ñi'adaqtau'a somayi, nachi saxaigui dam achaalataxac qui'itta mayi ÿaÿamaxadeeta ñi Dios.

Apocalipsis 11:13

Huaña, nachi huo'o so nacholaxanaxa, nachi nlaguiñi ñi 'oonolec nam diez noÿicpi se'eso la ciudad. Qataq ivi' na siete mil so ileu souaxat se'eso nacholaxanaxa. Qaq nam n'onañi na shiÿaxauapi ÿataqta huo'o da lcolanaxa, nachi ÿi'oxodeetac ñi Dios mayi neto'ot na piguem.