Juan 8:9 - Nuevo Testamento Toba Sur

⁹ Qalaxayi somayipi co'ollaq hua'axaÿa de'eda, nachi ÿataqta 'aloxogui yi lauel, nachi nqonaxattauec, hua'auchiguiñi na ÿi'axaiquipi. Qaq co'ollaq 'enauac somayipi da jec, nachi so Jesús nda'aguet aso 'alo mayi n'onaña yim qanayiuta'a.

Nuevo Testamento Toba Sombrero Negro

⁹ Mane'e da'me domachita da'me dojo' jo'ne nenaĝategue, qama'le jogaa'me male onolqa'tape da'me queda'ae joñe'me, jaa'me 'uaetegue nach'egaua jo'ne 'yaĝaicachidi, nataq'aen jogaa'me laqaya', chayovida'a da'me male onolec ñe'me Jesús chaqañe'me yauo.

La'aqtaqa Ñim Lo'onatac 'Enauacna 2013

⁹ Qalaxaye soomaye co'ollaq hua'axaỹa de'era, nache nqo'onaxattagui da jec, hua'auchiguiñi so ỹa'axaiquipi, choche ivitta'a da So Jesús nda'aguet aso 'alo.

Juan 8:9 Iomraidhean Croise

Lucas 13:17

Qaq co'ollaq 'enapec de'eda so Jesús, nachi 'enauac nam depa'aguenataxaatac ÿataqta huo'o da l'aloxo. Qaq nam shiÿaxauapi qalaxayi 'enauac huo'o da ntonaxac, souaxat nam ÿauaachigui i'otpi so Jesús mayi qaica ca 'en'am da lli'oxoyic.

Juan 8:10

Nachi so Jesús namatashiguem. Qaq co'ollaq qaica ca ila'a, chaqasota aso 'alo, nachi inattac asomayi, 'eeta': –'Am 'alo, ¿huéta'ague cam ÿauotaique da ÿauo'o ca 'anhuaxanaguec? ¿Qaica peta'a ca ÿañoxot da 'am ÿalauat?

Juan 8:12

Nachi so Jesús qaltaq 'enapega so shiÿaxauapi, 'eeta': –Aÿim nachaÿim lcoÿadaqte ana 'alhua. Ca aÿim ca'ategue, nachi camayi huo'o aca lcoÿadaxanaqte mayi i'ot da lca'alaxa camayi. Huaña, nachi camayi sa nauane' da huetaigui ca napalaxa.

Juan 8:2

Qaq so ña nte'etom so lÿa na'a'q, nachi somayi qaltaq ÿi'iguelaxau'a aso n'onaxanaxaqui. Nachi 'enauac na shiÿaxauapi nquigueu'a somayi, nachi somayi nso'ooñi, nachi quetot da dapaxaguenataxaatac.

Juan 8:3

Nachi nam dapaxaguenataxaatapeguec na nqataxacpi qataq na fariseopi nauegueu'a somayi aso 'alo mayi qaÿauanalec da ncachitapegue' ca sa lhua. Nachi qanachaalataxaangui na laiñi som shiÿaxauapi mayi hueta'asop somayi.

Juan 8:8

Nachi qaltaq ÿi'iguelaxalec da nqollimñi, nachi qaltaq ÿittac ana 'alhua.

Romanos 2:15

Cha'ayi da maichi lalamaxat lataxac ichoxot da de'eda nqataxac nanettalec da lquiyaqteÿaxac. Cha'ayi dam lavilÿaxac 'eesa naq'en de'eda, qataq da maichi lhuennataxac ichoxot da lasouaxashit, huo'otaq ncotatapec

Romanos 2:22

Qataq 'am mayi qonetega da sa ishit da qancachitapegue' aca sa ishit da nhua, qalaq ¿tá'ainco' yi 'ancachitapegue' aca sa 'adhua? Qataq 'am mayi 'anquiÿatega na nqolacpi, qalaq ¿tá'ainco' yi 'aucachitapega da lsallaxa na lma'pi na nqolacpi?

1 Juan 3:20

Cha'ayi da qadquiyaqteÿaxac da huo'otaq i'axat da huo'o ca qadasouaxashit, qaq saÿajnaq da ñi Dios ÿacteec da ÿaÿaten da qadquiyaqteÿaxac, qataq ñimayi ÿaÿaten 'enauac da qadataxac.