Juan 7:4 - Nuevo Testamento Toba Sur

⁴ Cha'ayi ca shiÿaxaua da nshitaique da qaÿauatton, nachi sa ishit da nqañoxottañi da huo'o ca i'ot. Cha'ayi 'am mashi sogote da 'au'ottac de'eda 'ad'onataxanaxac, qaq no'on da 'am 'anachaxana 'enauac na shiÿaxauapi.

Nuevo Testamento Toba Sombrero Negro

⁴ Qa'a qom jetaque 'uo da'me anatetonaguec, qama'le ja auoĝotetapiñe gaa'me uo'oe jo'ne a'uete'tape. Qa'a qalaqach'ele a'uetetac qaedi qoyauana da'me at'onatac, qama'le nach'eda aue'et da'me auajoya'agueta ena'uaque jogaa'me aleua laje'pi.

La'aqtaqa Ñim Lo'onatac 'Enauacna 2013

⁴ Cha'aye ca shiỹaxaua da nshetaique da qaỹauatton, nache saishet da nqañoxottañi da huo'o ca ỹo'ot. Qaq 'am, no'on da 'auachaxana 'enauac na shiỹaxauapi nam 'auo'otpi.

Juan 7:4 Iomraidhean Croise

Mateo 23:5

Qaq 'enauac ne'ena i'ot, cha'ayi nshitaique da na shiÿaxauapi imeteetac namayipi. Cha'ayi namayipi nqopita da ÿachitalec na latap qataq da ÿaxattagui na lhuaq naua ñiyigui'shi l'aqtaqa ñi Dios, da qoÿittalec na logodaic hualoq laÿi, qataq da ÿataqta logodaiqa naq'en naua lauoxol naua lapo'te, saq 'en'am na laÿipi shiÿaxauapi.

Mateo 4:6

Nachi 'enapega, 'eeta': –Qom ÿataqta 'eesa da 'am llalec ñi Dios, qaq 'aupadenaxaneec qome. Cha'ayi yi l'aqtac ñi Dios mayi nanettañi 'eeta': Ñi Dios namaq qome ca lamaxashic piguem l'ec, da yaqto' 'am ntela'a. Nachi 'am ÿachitalguete qome naua lhua'q camayipi, da yaqto' sa ishit da ntoqneto naua 'adchil na coma'pi.

Mateo 6:16

Qaq da ivita da qami' qanqouaqchichi, qalaq sa ishit qome da yi'oqta da daquico da qadashiguiÿaxaqui, da qoñiita'am nam shiÿaxauapi mayi chochi nachaxaata. Cha'ayi namayipi 'eetec de'eda, cha'ayi nshitaique da qaÿaÿaten da nqouaqchitta. Qaq aÿim qami' shinapegalo da namayipi sogote huo'o da nshiitenaguec.

Mateo 6:5

Qaq da ivita da qanatamñi, qalaq sa ishit qome da qoñiita'am nam chochi nachaxanaxaicpi da natamen mayi nqopita da nachatchiguiñi da huaigui anam laponaxaquipi na judiopi huo'otaq acam lamaxa ca nqa'aic da 'enauac na shiÿaxauapi ÿataqta ilochigui. Qaq aÿim qami' shinapegalo da namayipi sogote huo'o da nshiitenaguec.

Lucas 6:45

Qaq nachi 'eetec ca no'on shiÿaxaua, da detaqa qalaq no'on cam 'enapec, cha'ayi dam ÿaÿamaqchiguiñi huetagui añi lquiyaqte. Qaq nachi 'en'am ca qauem shiÿaxaua, da detaqa qalaq qauema naua 'ena'pe, cha'ayi dam qauem huetagui añi lquiyaqte. Cha'ayi nam qodap ishit da nasaxauec cam ÿataqta da'aichigui añi qadquiyaqte.

Juan 18:20

Nachi so Jesús 'enapeco': –Aÿim ÿataqta ñachaxaata naxa 'enauac nam shiÿaxauapi da setaqtac, qataq sa i'atai' da huaigui ana laponaxaquipi na judiopi da sapaxaguenataxaatac qataq añim n'onaxanaxaqui late'edai mayi huaña naxa da lapona't 'enauac na judiopi. Qaq aÿim sa ishit da huo'o ca i'aqtac soxottañi.

Juan 7:3

Qaq ÿoqo'oyi soua lqaÿa't 'eetegalo somayi, 'eeta': –Sa ishit qome da qoueta'a ne'ena. No'on da 'anqo'ona yi Judea, yaqto' na 'am quetague'pi mayi hueta'a yimayi ishit da nataq'en ÿauaachigui na 'au'otpi.

Juan 7:5

Cha'ayi ivida'alo co'ollaxa soua maichi lqaÿa't da sa ishit da i'amaqte'n somayi.