Juan 7:28 - Nuevo Testamento Toba Sur

²⁸ Qaq co'ollaq hua'aqchigui de'eda so Jesús mayi dapaxaguenataxaatapoigui aso n'onaxanaxaqui, nachi ÿataqta n'axannec da l'aqtac, 'eeta': –¡Qachi aÿim qauauattoñiÿo', qataq qauaÿajñi cam sachigoqta'ague! Qalaxayi aÿim sa ishit da maichi ñalligoxottela't da ñanac, cha'ayi aÿim lamaxashic ñim ÿataqta 'eesa, ñim qami' sa ishit da qauauattoñi.

Nuevo Testamento Toba Sombrero Negro

²⁸ Joca'li Jesús domachiyalo, da'me uetaue ga'me tamenaĝaiqui da'me dapaĝaguenataĝatac, qama'le netenec da'me 'laqatac, enaac: —¡Chane'eja auepíchitapega da'me joote jayem auatetoñi, nataq'aen da'me joote auayachiñe ga'me jo'ne jachiyoĝogue! Qalaĝaja ja mach'e jayem ta'le yelnataĝac da'me ñanaequena, dite da'me jayem namaĝaquena ñe'me jo'ne yataqatelegue, joñe'me jo'ne ja auatetoñi.

La'aqtaqa Ñim Lo'onatac 'Enauacna 2013

²⁸ Qaq co'ollaq hua'aqchigui de'era So Jesús maye dapaxaguenataxaatapoigui aso no'onaxanaxaqui late'erai, nache ỹataqta na'axannec da la'aqtac, 'eeta': –Ỹataqta 'eesa da Aỹem sa qauauattoñi, qataq sa qauaỹaañi cam sachegoqta'ague. Aỹem saishet da maiche ñallegoxottela't da ñanac, cha'aye Aỹem lamaxashec Ñim ỹataqta 'eesa, Ñim qami' saishet da qauauattoñi.

Juan 7:28 Iomraidhean Croise

Mateo 11:27

Ñi ita'a aÿim imato'ot 'enauac da l'onataxanaxac. Qaq qaica ca ishit da ÿauatton na llalec, chaqñita ñimayi mayi ÿauatton. Qataq qaica ca ishit da ÿauatton ñimayi, chaqnata na llalec mayi ÿauatton, qataq cam ÿauattonaxanaxanec ñimayi nam llalec.

Mateo 2:23

Qaq co'ollaq mashi ivita yimayi, nachi nqo'ona da naña yi pueblo Nazaret. Qaq 'eetec de'eda, da yaqto' ÿataqta ipacchiguilo naua l'aqtaxanaxaco so l'aqtaxanaxanecpi ñi Dios co'ollaq i'axat da so Jesús qoÿiitega da Nazaret l'ec.

Mateo 26:55

Nachi so Jesús 'enapego' so shiÿaxauapi, 'eeta': –¿Tá'ainco' qami' yi qauauoita'alo naua qainaqalli' qataq naua qanpo'ñilli', da aÿim qañi'iguiñiÿauga, 'eeta'amo' da aÿim cachaxaic? Qamaq 'enauaque naua na'axa'te ñiso'ootanguilo qami', sapaxaguenataxaatac da sootaigui añi n'onaxanaxaqui late'edai, qalaq ¿tá'ainco' yi aÿim sa qauacoñiu'a da aÿim qaucoñiyi?

Lucas 10:22

Nachi 'enapego' so shiÿaxauapi, 'eeta': –Ñi ita'a aÿim ÿanem 'enauac da nauattonaxanaxac. Qalaxayi qaica ca ishit da ÿauatton ne'ena llalec, chaqñita ñim lta'a mayi ÿauatton, qataq qaica ca ishit da ÿauatton ñim lta'a, chaqnata na llalec mayi ÿauatton qataq 'enauac nam tachigui da ÿauattonaxanaxan namayi.

Lucas 2:11

Qaq damayi 'eeta': nagui lañoqo' yi npueblo so David cam qaÿauotaique da qadca'alaxaquii l'enaxat da Cristo cam qadataxala'.

Lucas 2:39

Qaq co'ollaq mashi ime da qai'ot 'enauac nam damaxasoxoolec nam lqataxacpi ñi qadataxala', nachi soomayi ÿi'iguelaxadegue da Galilea da nqo'ooda yim lalamaxa't npueblo l'enaxat Nazaret.

Lucas 2:4

Qaq ÿoqo'oyi so José chigoqchiguiña yi pueblo l'enaxat Nazaret, huaigui yi 'alhua Galilea, da nqo'ona yi pueblo l'enaxat Belén huaigui yim 'alhua l'enaxat Judea yim lañoqo' so David, cha'ayi so José maichi chigoxoguet so David.

Lucas 2:51

Huaña, nachi ÿi'iguelaq somayi, queuoiguilo soua lta'al, tadegue da Nazaret. Nachi somayi quetot da ÿataqta ÿalaxalguete soua lta'al. Qaq aso late'e ÿataqta ÿoxochigui añi lquiyaqte 'enauac de'eda.

Juan 1:46

Nachi so Natanael 'enapeco': –¿Peta'a ishito' da huo'o ca no'on da lataxac da chigoqchiguiña yi Nazaret? Nachi so Felipe 'enapeco': –'Ayala, ña 'aumejnaxana ñimayi.

Juan 10:36

Qaq da huo'otaq ñim Dios aÿim iÿotauga co'ollaxa, nachi aÿim namaxa ana 'alhua, qaq ¿tá'ainco' qami' yi qoñiitega da npa'agueneto naua i'aqtaqa ñimayi, souaxat da shiitega da aÿim llalec ñimayi?

Juan 12:49

Cha'ayi aÿim nam i'aqtaqa sa ishit da maichi ñalligoxottrela't; cha'ayi ñim ita'a mayi aÿim namaq, ñimayi chigoqtot cam i'aqtac qataq cam sapaxaguenataxanec.

Juan 14:10

Qaq ¿sa ishito' peta'a da 'au'amaqten da ñi ita'a aÿim hueta'aguet qataq aÿim soota'aguet ñimayi? Naua i'aqtaqa mayi ñanoldeec, naamayi sa ishit da maichi ñalligoxottrela't, cha'ayi ñi ita'a mayi aÿim nachattaigui, nachiñi ñim i'ot cam maichi l'onataxanaxac.

Juan 14:31

Qalaxayi damayi nachi lliquiaxac, yaqto' nam huetalec ana 'alhua ishit da ÿaÿaten da aÿim ÿataqta sauotec ñi ita'a, qataq da salaxaguet da so'ot ca aÿim ÿamaxalec ñimayi. Qaq qoñiishiguem qome. Qolqa'ai ne'ena.

Juan 16:3

Qaq i'ot qome de'eda namayipi, cha'ayi sa ishit da ÿauatton ñi ita'a, nataq'en aÿim.

Juan 17:25

'Am ita'a mayi ÿataqta ÿaÿamaqchiyiñi naua 'au'o't, nam huetalecpi ana 'alhua sa ishit da 'am ÿauatton. Qalaxayi aÿim 'am sauatton, qaq ne'enapi mashi sogote da ÿaÿaten da 'am aÿim 'adamaxashic.

Juan 17:3

Qaq de'eda achaalataxac mayi chochaq tateec, damayi nachida da naigui da 'am qaÿauatton, 'am Dios mayi nachi'amta qataq 'am 'eesa, qataq na 'ai'alec Jesucristo mayi 'anamaq co'ollaxa.

Juan 3:2

Se'eso Nicodemo huo'o so pe nachi somayi nqo'ona so Jesús. Nachi 'enapega, 'eeta': –'Am mayi 'auapaxaguenataxaatac, qomi' saÿajnaq da 'am namaq ñi Dios da qomi' 'auapaxague'n. Cha'ayi qaica ca ishit da i'ot na 'au'ottac n'anecpi mayi ÿachaxan da 'ad'añaxac. Chaqcata cam hueta'aguet ñi Dios.

Juan 3:33

Qalaxayi da huo'o ca i'amaqten camayi, nachi que'eca da'amqajnataxan ÿataqta 'eesa naq'en cam 'enapec ñi Dios.

Juan 5:32

Qalaxayi huo'o ñim lÿa mayi aÿim i'axattac, qaq aÿim saÿaten da ca 'enapec ñimayi, camayi ÿataqta 'eesa.

Juan 5:43

Aÿim ÿataqta sachigoqtot ñi ita'a, qalaxayi qami' sa ishit da aÿim qauacoñiiguet. Qaq da huo'otaq anac ca maichi nactaigui ca 'eetapeguec, qaq nachica cam qami' qauacoñiiguet.

Juan 6:42

Nachi somayipi 'eeta': –¿Damayi sa ishito' da nachida da Jesús, dam llalec so José? Qomi' sauattonaq so lta'a José qataq aso late'e. Qaq ¿táloxochiyo' da 'enapec chigoqo'ot na piguem?

Juan 7:14

Qalaxayi co'ollaq mashi laiñi so naponaxac, nachi so Jesús taigui aso n'onaxanaxaqui, nachi quetot da dapaxaguenataxaatac.

Juan 8:14

Nachi so Jesús 'enapeco': –De'eda i'aqtaxanaxac, damayi ÿataqta 'eesa, nai'ctaxa da huo'otaq aÿim maichi ñi'axattapeguela't. Cha'ayi saÿateeta yi sachigoqchiguiña, qataq dam sata'ague. Qami', qalaxayi sa ishit da qauaÿajñi ca sachigoqta'ague, qataq cam sata'ague.

Juan 8:16

Qalaxayi da huo'otaq ñimit ca nasouaxashit, qalaq ca imitaxanaxac ÿataqta ÿashicteec, cha'ayi sa ishit da ñidoteec da huo'o ca ñimit. Cha'ayi ñim ita'a mayi aÿim namaq, ñimayi aÿim itauan da huo'o ca ñimit nasouaxashit.

Juan 8:19

Nachi qainattac somayi, qoÿiita': –¿Huá'ague ca neta'ague ca 'adta'a? Nachi so Jesús 'enapeco': –Qami' sa ishit da aÿim qauauattoñi, qaq nachi 'en'am ñi ita'a sa ishit da qauauattoñi. Cha'ayíctaxa da aÿim qauauattoñi, nachi nataq'en ishit da qauauattoñi ñi ita'a.

Juan 8:26

Aÿim ÿataqta ña qalota na i'aqtacpi da qami' shinapegalo qataq da ñimit na qadasouaxashichi. Qalaxayi ñim aÿim namaq, ñimayi ÿataqta 'eesa dam l'aqtac, qaq 'enauac nam sa'axatem nam huetalec ana 'alhua, nachina na sa'aqchigui l'aqtacpi ñimayi.

Juan 8:42

Nachi so Jesús 'enapega somayipi, 'eeta': –Da ÿoqta 'eesáctaxa da qadta'ai ñi Dios, nachi qamí'ctaxa ÿataqta aÿim qauauochiic. Cha'ayi aÿim nachi sachigoqtot ñimayi, qaq nagui qami' sootaiguilo. Aÿim sa ishit da maichi ñalligoxottela't da ñanac, cha'ayi ñimayi aÿim namaq.

Juan 9:29

Cha'ayi qomi' saÿajnaqta da so Moisés detaxaÿapegue' co'ollaxa ñi Dios; qaq se'eso shiÿaxaua, qalaxayi qomi' sa ishit da chochi saÿajnaq cam chigaqa'ague.

Hechos 17:23

Cha'ayi can aÿim secoleetac na qoviita'a, nachi semeteetac 'enauac nam qanatamnaqa'aipi. Nachi huo'o yi selalec atamnaqa' qoÿittañi so n'aqtac, 'eeta': “Atamnaqa' da qanatamnot cam Dios mayi sa ishit da qaÿauatton.” Qaq ñi'iñi Dios mayi qanatamñiitacot qalaxayi sa qauauattoñi, nachiñi nagui ñi qami' sa'axatema.

Romanos 1:28

Qaq cha'ayi namayipi mashi ÿaxaneec da nauattonaguec ñi Dios, nachi ñimayi ca'ai namayipi, da yaqto' i'o't naua qauema lhuennataxaco, qataq da i'ot cam sa ishit da lataxac.

Romanos 3:4

¡'A'i, sa ishit! Chaqdata da ñi Dios ÿataqta 'eesa da ipacchiguilo naua l'aqtaqa, qaq nai'ctaxa da 'enauac na shiÿaxauapi shipecaicpi. Cha'ayi nachi 'enapec naua ñiyigui'shi l'aqtaqa, 'eeta': Da 'autaqa, nachi qaila'a da ÿataqta 'eesa da qonapec, qataq 'anachatteec qome da qaica ca 'adasouaxashit, qom 'am qanmit.

2 Corintios 1:18

Qalaxayi ñi Dios qomi' ÿaÿateete' da sa ishit da saq ÿataxalec ca qad'aqtac da qami' sa'aqtaxanaxama.

2 Corintios 4:6

Cha'ayi ñim Dios mayi maichi namaq asom lcoÿadaxanaqte, da yaqto' icoÿadelec nam napalaxa, qaq nachiñi ñimayi icoÿadoiguilo naua qadquiyaqte, chigoqchigui naq'en asa'aso lcoÿadaxanaqte, da yaqto' ishit da sauattonaq da lli'oxoyic ñimayi mayi 'edoigui naq'en da lashiguiaxac so Jesucristo.

Tito 1:2

qataq ÿauattoota nataq'en da aquitaxac da achaalataxac mayi chochaq tateec. Qaq ñim Dios mayi sa datenataxan ñimayi ÿachaxanapec co'olloxochiyi de'eda achaalataxac co'ollaq saxanaqaca ana 'alhua.

Hebreos 6:18

Qaq 'eda da 'eetec da huo'oi naua dos mayi sa ishit da qanqochinaxa't, nam huo'o mshi sa ishit da datenataxan ñi Dios, qaq nachinaua naua ÿachigoxotchiguilo ñi Dios da qomi' ÿanema da qad'añaxac, qomi' mayi shi'iguenqot ñimayi qataq sa'amaqtenaq dam aquitaxac mayi qomi' ÿanema.

1 Juan 5:10

Qaq cam i'amaqten so llalec ñi Dios, nachi camayi huetaigui añi lquiyaqte de'eda n'aqtaxanaxac. Qaq cam sa ishit da i'amaqten ñi Dios, nachi camayi 'eeta'am da shipecaic naq'en ñimayi. Cha'ayi sa ishit da i'amaqten da l'aqtaxanaxac ñi Dios co'ollaq i'axat so llalec.