Juan 7:18 - Nuevo Testamento Toba Sur

¹⁸ Ca shiÿaxaua da huo'otaq maichi nalligoxottela't ca ltaxaÿaxac, camayi 'eetec de'eda, cha'ayi nshitaique da na shiÿaxauapi ÿi'oxoden. Qalaxayi cam ÿataqta npogoxoueetague' da yaqto' qaÿi'oxoden cam namaq, camayi nachica ca ÿoqta 'eesa ca l'aqtaxanaxac, qaq sa ishit da chochi datenataxaatac.

Nuevo Testamento Toba Sombrero Negro

¹⁸ Ga'me jo'ne mach'e 'naĝatetapela't, nach'ega jo'ne yelotaque da'me jo'ne mach'e 'lonaĝac. Qalaĝaja da'me jayem jo'ne jelotaque da'me 'lonaĝac ñe'me jo'ne jayem namaĝaquena, qama'le ñenaĝategue da'me eja, qa'a da'me jayem qaya'te 'yaqatac ta'le ja no'en.

La'aqtaqa Ñim Lo'onatac 'Enauacna 2013

¹⁸ Ca shiỹaxaua da huo'otaq maiche nallegoxottela't ca ltaxaỹaxac, camaye 'eetec de'era, cha'aye nshetaique da na shiỹaxauapi ỹo'oxoren. Qalaxaye Aỹem ñeshetaique da Ñim Lo'onatac 'Enauacna maye Aỹem namaq, nacheñi Ñim talec cam llo'oxoyec maye maiche lalamaxat; qaq ỹoqo'oye Aỹem nache 'eetai' da sa'axattac ca 'eesa.

Juan 7:18 Iomraidhean Croise

Mateo 6:9

Qaq ÿoqo'oyi da qanqouagaxauñi, qalaq qoñiita': 'Am qadta'a Dios mayi qoneto'ot na piguem, 'enauac da qaÿi'oxoden da 'ad'enaxat.

Juan 11:4

Nachi so Jesús co'ollaq hua'axaÿa de'eda, nachi 'eeta': –De'eda nalolaxa, damayi sa ishit da taÿa'a ca nleuaxa. Chaqdata da yaqto' damayi ishit da chigoqchigui da lli'oxoyic ñi Dios, qataq yaqto' de'eda nalolaxa ishit nataq'en da chigoqchigui da lli'oxoyic na llalec ñi Dios.

Juan 12:28

Qaq 'am ita'a, ña 'au'ot qome ca lli'oxoyic da maichi 'ad'enaxat. Huaña, nachi qai'axaÿa so nvilÿaxac, chimqot na piguem, 'eeta': –Mashi sogote da ÿi'oxodaq ñaq'en damayi, qalaxayi nagui qaltaq shi'iguelaxalec da ÿi'oxodaq ñaq'en.

Juan 12:43

qataq souaxat da namayipi nqopita da maichi lli'oxonnataxanaxac na shiÿaxauapi, qaq sa ishit da ipacapegue' cam lli'oxoyic mayi ÿanem ñi Dios.

Juan 5:41

Aÿim sa ishit da saconguet da lli'oxonnataxanaxac na shiÿaxauapi da shiita.

Juan 8:54

Nachi so Jesús 'enapeco': –Da aÿim maichi ñi'oxodeetapeguela't, nachi de'eda ñi'oxonnaxac, damayi qaica ca naigui. Qalaxayi ñim aÿim ÿi'oxodeetac, nachiñi ñi ita'a ñi qami' qoñiitega nataq'en da qadta'ai Dios.

1 Ts 2:6

Qataq sa ishit da qomi' ñimitaqtaique da qomi' qavi'oxoyiñi', huo'otaq na ÿaqauga shiÿaxauapi, nai'ctaxa da qomi' lamaxa'shi so Cristo. Qalaxayi ñaqaiyita sa ishit da nachida da shigaqtega da yaqto' qomi' qauloigueta.

1 Pedro 4:11

Da huo'o ca qoÿanem da da'aqtaxan, qalaq naua l'aqtaqa ÿataqta nachinaua naua l'aqtaqa ñi Dios. Qataq ca qoÿanem da l'onataxanaxac, qalaq nachida da n'añaxac mayi ÿanem ñi Dios. Qaq 'enauac nam qaÿacoolec da qai'ot, namayi naigui da yaqto' qaÿi'oxoden ñi Dios, chigoqchigui so Jesucristo. Somayi mayi lalamaxat da lli'oxoyic qataq da l'añaxac mayi qaica ca loga't. Aja', nachi 'eetec.

1 Juan 2:29

Qaq cha'ayi qami' mashi sogote da qauaÿajñi da so Jesucristo ishit da i'ot ca ÿaÿamaqchiguiñi, qataq mashi qauaÿajñiita nataq'en da 'enauac nam ishit da i'ot ca ÿaÿamaqchiguiñi, namayipi llalaqpi ñi Dios.