Juan 7:13 - Nuevo Testamento Toba Sur

¹³ Qalaxayi namayipi sa ishit da ÿoqta i'axaÿaqchit 'enauac na shiÿaxauapi da 'eetega somayi, souaxat da ñi'itega na judiopi.

Nuevo Testamento Toba Sombrero Negro

¹³ Qalaĝaja qaya'te ta'le jetaque 'yaĝatetac ñe'me Jesús da'me uetedaue gaa'me jiyaĝadipi, qa'a ena'uaque jogaa'me jiyaĝa'u t'oiya'agueta jogaa'me lajoĝola'te.

La'aqtaqa Ñim Lo'onatac 'Enauacna 2013

¹³ Qalaxaye namayepi saishet da ỹoqta ỹa'axaỹaqchet 'enauac na shiỹaxauapi da 'eetega Somaye, souaxat da ñe'etega na lataxala'pi na judiopi.

Juan 7:13 Iomraidhean Croise

Juan 19:38

Qaq co'ollaq ime de'eda, nachi so José mayi lma' yi Arimatea, somayi iÿaxanot so Pilato da yaqto' idouec da l'oquiaxac so Jesús. Qaq se'eso José, somayi quetague' so Jesús, qalaxayi sa ishit da ÿoqta nachaxaata, souaxat da ñi'itega na judiopi. Nachi so Pilato ÿanem somayi dam iÿaxaneu'a, nachi jec so José da idouec da l'oquiaxac so Jesús.

Juan 20:19

Qaq se'eso na'a'q mayi l'auaxanec naua na'axa'te co'ollaq mashi pe, nachi soua napaxaguenataqa, soomayi lapoota'a't. Qaq ÿataqta ÿapochiyigui so lasom, souaxat da qañi'itega na judiopi. Nachi so Jesús pa'auo, nachi vichiguinguilo na laiñi soua lapaxaguenataqa. Nachi iqui'n, 'eeta': –Qami' huo'o qome da qadlagaxayiqui.

Juan 3:2

Se'eso Nicodemo huo'o so pe nachi somayi nqo'ona so Jesús. Nachi 'enapega, 'eeta': –'Am mayi 'auapaxaguenataxaatac, qomi' saÿajnaq da 'am namaq ñi Dios da qomi' 'auapaxague'n. Cha'ayi qaica ca ishit da i'ot na 'au'ottac n'anecpi mayi ÿachaxan da 'ad'añaxac. Chaqcata cam hueta'aguet ñi Dios.

Juan 7:1

Qaq co'ollaq ime de'eda, nachi so Jesús coleetac yi 'alhua Galilea. Somayi sa ishit da taÿa yi Judea, cha'ayi na judiopi mayi lma' yimayi nshitaique da ÿalauat somayi.

Juan 7:11

Nachi na judiopi nmittaique somayi co'ollaq huaigui se'eso naponaxac. Nachi nnataxaatac, 'eeta': –¿Chaq huéta'ague que'eca shiÿaxaua?

Juan 7:15

Nachi na judiopi ÿataqta huo'o da l'aalaxa somayi, nachi 'eeta': –¿Chaq huá'ago' ca 'eetec damayi, yi ÿataqta qalota na ÿaÿaten, qamaq sa ishit co'ollaxa da napaxaguen?

Juan 9:22

Qaq 'enapec de'eda soua lta'al, souaxat da huo'o da lcolanqa', cha'ayi na judiopi mashi sogote da qanmachigui da ishit da qai'odauec da huo'otaq huetaigui aca laponaxaqui namayipi ca camachaqca shiÿaxaua da huo'otaq 'eetega so Jesús da nachiso so nta'a nca'alaxaqui.

Juan 9:34

Nachi qoÿinapego' somayi, qoÿiita': –'Am mayi ÿataqta 'ananacteueegue' na 'adasouaxashitpi, qalaq ¿tá'ainco' yi 'anshitaique da qomi' 'auapaxague'n? Huaña, nachi qaÿamaqhuec somayi asom laponaxaqui namayipi.

Apocalipsis 2:13

Aÿim ÿataqta saÿateeta 'enauac nam 'au'ottacpi, qataq saÿaten da qonetangui nam ilotague' so Satanás. Qalaxayi ñaqaiyita 'am ÿataqta aÿim qoquetelec, qaq ÿataqta sa ishit da 'axaañi da aÿim 'au'amaqteetac, nai'ctaxa da co'ollaq qaÿalauat so i'aqtaxanaxanec Antipas, som 'oonolec da qoñiita, mayi huaña yim hueta'a so Satanás.