Juan 7:12 - Nuevo Testamento Toba Sur

¹² Nachi qalota na shiÿaxauapi na n'aqtaxaatapigui somayi. Huo'o na 'eeta': “Se'eso shiÿaxaua, somayi no'on da lataxac.” Qalaxayi huo'o na laÿipi 'eeta': “Somayi sa ishit da no'on da lataxac; somayi chochi ÿatenachittac na shiÿaxauapi.”

Nuevo Testamento Toba Sombrero Negro

¹² Qama'le jogaa'me jiyaĝadipi jalcote da'me qonejoĝotapiye joga'me. Uo'oe gaa'me enapega'ajalo: “Dojo' jiyaĝaua onaĝaic da'me 'lonatac.” Qalaĝaja uo'oe gaa'me jiyaĝa'u laqaya' jo'ne enapega'ajalo: “Dojo' jiyaĝaua ja yataĝalegue, ch'e yoqovitac jena'me jiyaĝadipi.”

La'aqtaqa Ñim Lo'onatac 'Enauacna 2013

¹² Nache qalota na shiỹaxauapi na na'aqtaxaatapigui Somaye. Huo'o na 'eeta': «Se'eso Jesús, Somaye ỹataqta no'on da lataxac.» Qalaxaye huo'o na laỹepi na 'eeta': «Somaye choche ỹatenachettac na shiỹaxauapi.»

Juan 7:12 Iomraidhean Croise

Mateo 10:25

Ÿoqo'oyi ca chochi napaxaguenatac ishit qome da machiguiñi da ivi' da 'eeta'am ca napaxaguenaxala', qataq cam chochi nlatac da ivi' da 'eeta'am ca n'aco'. Cha'ayi cam nataxala' cam nma' da huo'otaq qoÿiitega lataxala' na saq cha'api, qaq ¿huá'ago' ca qoÿiitec da qaitaxaÿa cam llalaqpi?

Mateo 21:46

Nachi somayipi ÿauotaique da icoñi' so Jesús. Qalaxayi huo'o da lcolanaxa na shiÿaxauapi, cha'ayi namayipi 'eetega da so Jesús ÿataqta 'eesa da l'aqtaxanaxanec ñi Dios.

Mateo 27:63

Nachi qoÿiitega, qoÿiita': –'Am qadataxala', qomi' tachigui qadhuel se'eso shipecaic da l'aqtac co'olla ña nca'altauec, qalaq 'eetega da mashi inoxoodeec caua tres na'axa'te nachi qaltaq nca'aleeguesop da nleuaxa.

Lucas 18:19

Nachi so Jesús 'enapeco': –¿Tá'ainco' yi qonetega da aÿim soxodaic? Yi qaica ca lÿa ñim soxodaic, 'oonolec Dios.

Lucas 23:47

Nachi som lataxala' so huataxanaqpi co'ollaq ÿauaachigui de'eda, nachi ÿi'oxoden ñi Dios, 'eeta': –Ÿoqta 'eesa ñi'iñi shiÿaxaua da qaica ca ÿasouaxat.

Lucas 23:50

Qaq huo'o so shiÿaxaua ÿataqta no'on da lataxac qataq sa ishit da i'ot ca sa ÿaÿamaxañi, l'enaxat da José, lma' yi pueblo Arimatea huaigui yi 'alhua Judea. Somayi nachi ÿalectaigui na nta'alpi mayi loicnatac na lataxacpi na judiopi.

Lucas 6:45

Qaq nachi 'eetec ca no'on shiÿaxaua, da detaqa qalaq no'on cam 'enapec, cha'ayi dam ÿaÿamaqchiguiñi huetagui añi lquiyaqte. Qaq nachi 'en'am ca qauem shiÿaxaua, da detaqa qalaq qauema naua 'ena'pe, cha'ayi dam qauem huetagui añi lquiyaqte. Cha'ayi nam qodap ishit da nasaxauec cam ÿataqta da'aichigui añi qadquiyaqte.

Lucas 7:16

Qaq co'ollaq qaÿauaachigui de'eda, nachi 'enauac so shiÿaxauapi ÿataqta huo'o da lcolanaxa. Nachi ÿi'oxodeetac ñi Dios, 'eeta': –Huo'o so 'amaqtaqaic l'aqtaxanaxanec ñi Dios qomi' chigoqchiguinguilo. Nataq'en qoÿiita' da n'aqtac: –Ñi Dios anac da itauan nam lalamaxatpi.

Juan 6:14

Nachi som shiÿaxauapi mayi ÿauaachigui de'eda n'anec mayi sa qaÿauanapega mayi i'ot so Jesús, nachi somayipi 'enapeco': –Ÿoqta 'eesa da nachida damayi dam l'aqtaxanaxanec ñi Dios mayi qai'axatta'aguet co'ollaxa da naÿa'a ana 'alhua.

Juan 7:32

Na fariseopi co'ollaq hua'aqtapoigui na shiÿaxauapi da 'eetega so Jesús, nachi namayipi qataq nam lataxala'pi na ntaxaÿaxanaxanecpi namaq so huataxanaq mayi ilotague' aso n'onaxanaxaqui, da yaqto' ÿaconeu'a somayi da icoñi'.

Juan 7:47

Nachi na fariseopi 'enapeco': –¿Qachi nataq'eno' da qoñiita qanashiñiita da chochi qami' qaÿatenachi't?

Juan 7:52

Nachi qoÿinapego' somayi, qoÿiita': –¿'Am peta'a nataq'en 'am Galilea l'ec? Ña 'anapaxaguenalo qome naua nanettrañi l'aqtaqa ñi Dios, yaqto' ishit da 'aula'a da qaica ca l'aqtaxanaxanec ñi Dios da huo'otaq chigoqchiguiña co'ollaxa yi Galilea.

Juan 9:16

Nachi huo'o na fariseopi na 'eeta': –Se'eso shiÿaxaua mayi i'ot de'eda, somayi sa ishit da chigoqtot ñi Dios, cha'ayi sa ishit da huo'o ca ÿanaigui yi na'a'q mataxaqui. Qalaxayi huo'o na 'eeta': –¿Huá'ago' ca 'eetec da ishit da i'ot de'eda n'anec mayi sa qaÿauanapega, da huo'otaq somayi 'itaxaloxoic? Huaña, nachi nÿodacachi da lhuennataxac se'eso shiÿaxauapi.

Hechos 11:24

Cha'ayi so Bernabé ÿataqta no'on da lataxac, qataq somayi nlaqchigui so Espíritu Santo qataq da lpi'iÿaxac. Qaq ÿoqo'oyi ÿataqta qalota so dalaxaic shiÿaxauapi da quegue so qadataxala'.

Romanos 5:7

Ÿataqta 'eesa da qaica ca shiÿaxaua da huo'otaq ishit da ÿañoxot da nañaalec da ileualec ca 'eeta'am lÿa, nai'ctaxa da huo'otaq ipacchiguilo naua nqataxaco. Qalaxayi sa iuena'a da huo'otaq huo'o ca ishit da ÿañoxot da nañaalec da ileualec ca lÿa mayi ÿataqta soxodaic.

Filipenses 2:14

Qaq 'enauac cam qau'ochi, qalaq sa ishit da qautaqaitac qataq da qancotaitega't,