Juan 6:70 - Nuevo Testamento Toba Sur

⁷⁰ Nachi so Jesús 'enapeco': –¿Sa ishito' da qami' doce da qami' llica'agui'shi? Qalaq da 'oonolec da qoñiita ÿaatañi da lataxac so shiÿaxaua lma'na.

Nuevo Testamento Toba Sombrero Negro

⁷⁰ Jesús male 'yateguet: —Da'me ami doce, ¿qo'li ja naqayem jo'ne ami yiquiyaqa? Qalaĝaja, nach'e ena'am da'me ami 'uo ga'me onolec jo'ne yataqachiñe payac.

La'aqtaqa Ñim Lo'onatac 'Enauacna 2013

⁷⁰ Nache So Jesús 'enapeco': –¿Saisheto' da qami' doce da qami' ica'agui'she? Ñi 'oonolec da qoñiita netaigui ñi pa'aguenataxanaxaic.

Juan 6:70 Iomraidhean Croise

Juan 13:18

Qaq aÿim sa ishit da imauec da qoñiita da qami' setaqtapoiguilo, cha'ayi aÿim saÿateeta nam ÿataqta llica'aguishicpi. Qalaxayi ÿataqta ipacchigui qome da 'enapec naua ñiyigui'shi n'aqtaqa, mayi 'eeta': “Cam maichi iqui'axaua, qalaq camayi aÿim dataÿa'aguet da aÿim npa'aguene'.”

Juan 13:2

Qaq so shiÿaxaua mayi lma'na, somayi mashi sogote da ÿachaigui da lquiyaqteÿaxac so Judas Iscariote, som llalec so Simón, da lhuennataxac da yaqto' ÿaneuo so Jesús. Qaq so Jesús, somayi ÿaÿateeta da chigoqtot ñi Dios, qataq ÿaÿateeta da ÿi'iguelaxa ñimayi, qataq da ñi lta'a ÿanem somayi 'enauac da l'añaxac. Nachi co'ollaq mashi deque'etacpi somayipi, nachi so Jesús nachajñi, nachi nqat so lapo', qataq nsaachigui so pilotaxat.

Juan 13:21

Qaq co'ollaq ime da nasaxauec de'eda l'aqtac, nachi so Jesús nomteguet da sa nalo'oguet da lquiyaqteÿaxac. Huaña, nachi ÿataqta i'axatta de'eda, 'eeta': –Ÿataqta 'eesa de'eda qami' sa'axatema, da 'oonolec da qoñiita ñi aÿim ÿaneuo qome.

Juan 13:27

Qaq co'ollaq lcopa'a da ÿaconguet so laÿi aso pan so Judas, nachi so Satanás taigui da lquiyaqteÿaxac somayi. Nachi so Jesús 'enapego' somayi, 'eeta': –Cam 'anshitaique da 'au'ot, no'on da 'auÿalapegue' da 'au'ot.

Juan 15:16

Qami' sa ishit co'ollaxa da aÿim qalca'aguishiqui, aÿim mayi qami' llica'agui'shi. Nachi qami' shinapegalo da yaqto' ÿataqta qalota da alaÿaxac da qanachaalataxaqui, qaq de'eda alaÿaxac da qanachaalataxaqui, damayi nachi 'eetai'. Qaq yaqto' ñi ita'a qami' ÿanema 'enauac nam qauÿaxañiÿaique da huo'otaq qoviilec da i'enaxat.

Juan 15:19

Qami' da huo'otaq qami' lashi' ana 'alhua, nachi nam shiÿaxauapi mayi huetalec ana 'alhua, namayipi ishit da qami' ÿauoteque, 'eeta'am da 'eetec da ÿauotec nam lalamaxatpi. Qalaxayi aÿim qami' llica'agui'shi, qami' sachigoxottoiguilo nam huetalec ana 'alhua. Qaq ÿoqo'oyi namayipi ÿataqta qami' nquiÿalo, cha'ayi qami' sa ishit da qami' lashi' ana 'alhua.

Juan 17:12

Co'ollaq soota'aguet namayipi ana 'alhua, qalaq aÿim so'ogoxona da 'ad'añaxac da ñitela'a qataq da ñipaxattalec nam aÿim 'ai'anempi. Qaq sa ishit da huo'o ca daqat namayipi, chaqsota som nal'ena da taÿa'a da daqat, yaqto' ÿataqta ipacchigui dam 'enapec naua nanettrañi n'aqtaqa.

Juan 2:2

Nachi so Jesús qataq soua lapaxaguenataqa, soomayi nataq'en qaicoyigue'n da yaqto' ÿalectrau'a se'eso nadonaxac.

Juan 20:24

Qalaxayi so Tomás, som 'oonolec soua doce napaxaguenataqa mayi qaÿamata'ac da huaya', somayi sa ishit co'ollaxa da ÿalectaiguilo soomayi co'ollaq qanauane' so Jesús.

Juan 6:64

Qalaxayi ñaqaiyita huo'o da qoñiita na sa ishit da da'amqajnataxan. Qaq 'enapec de'eda so Jesús, cha'ayi nal'ena da ÿaÿaten co'ollaq chita'ague da do'onataxan nam sa ishit da da'amqajnataxan qataq som huotaique co'ollaxa da ÿaneuo somayi.

Juan 6:67

Nachi so Jesús inatta'pe soua doce lapaxaguenataqa, 'eeta': –¿Qami' peta'a nataq'en qanshiitaique da qoquii?

Juan 6:71

Qaq nachiso so Judas Iscariote som detaqtega so Jesús, som llalec so Simón. Cha'ayi so Judas, nachiso co'ollaxa so ÿaneuo somayi, nai'ctaxa da so Judas nachiso so 'oonolec soua doce lapaxaguenataqa.

Juan 8:44

Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac.

Hechos 1:17

Cha'ayi so Judas maichi qadÿa qataq qadtaua de'eda qad'onataxanaxac.

Hechos 13:10

Nachi 'enapego', 'eeta': –¡'Am tenataxanaxaic, qataq 'am 'itaxaloxoic, 'am llalec so shiÿaxaua mayi lma'na, qataq ÿataqta 'anpa'aguenaxaua 'enauac na ÿaÿamaqchiguiñisat! ¿Tá'ainco' yi sa i'atai' da 'auashaxaadeec naua ÿaÿamaqchiyiñi 'eetapegueco ñi Dios?

1 Timoteo 3:11

Aca 'alo nataq'en iuen da no'on da n'aqtaguec, qataq sa ishit da n'aqtaqa l'o'. Chaqdata da sa daÿactac, qataq ipactelec 'enauac da l'onataxanaxac.

Tito 2:3

Nachi 'en'am qonapega na ÿi'axaina'pi da ÿataqta quetelec da lataxac aca quetague' ñi Dios, qataq sa ishit da n'aqtaqa l'o', qataq sa ishit da taxai. Chaqdata da dachaxanataxana ca no'on,

1 Juan 3:8

Qalaxayi cam quetot da i'otta'pe naua lasouaxashi'te, camayi quetague' som shiÿaxaua mayi lma'na. Cha'ayi somayi nal'ena da ÿataqta 'itaxaloxoic co'ollaq chita'ague huo'o ana 'alhua. Qaq ÿoqo'oyi so llalec ñi Dios anac da yaqto' nlaxajñi 'enauac nam l'onataxanaxacpi somayi.