Juan 6:7 - Nuevo Testamento Toba Sur

⁷ Nachi so Felipe 'enapeco': –Da doscientos aca denarios da qaishijnaxana aca pan, qalaq ñaqaiyita sa ishit qome da nalolec da chochi yitai' ca chic ñi 'oonolec namayipi.

Nuevo Testamento Toba Sombrero Negro

⁷ Felipe male 'yateguet: —¿Jach'e doscientos denariopi jaga'me nalo'taguet da'me qoloqot jaga'me pan qaedi jiqui'yaĝanaĝac jenjo' jiyaĝadipi? Jenjo' nalo'taguet da'me ch'e cale'tapolqa ga'me qoyalic.

La'aqtaqa Ñim Lo'onatac 'Enauacna 2013

⁷ Nache so Felipe 'enapeco': –Na'aictaxa da ivi' doscientos na'axa'te da do'onataxaatac ca shiỹaxaua, qalaxaye ñaqaiyeta saishet da nalolec da desheenaxana ca sa 'amaqtaq aloq ca ỹataqta qalota shiỹaxauapi, 'eeta'am ne'ena.

Juan 6:7 Iomraidhean Croise

Mateo 18:28

Qalaxayi co'ollaq chochi huenoxoneec se'eso namaxashic, nachi ilalec so lÿa mayi l'onataxanaxaua mayi neto'ot aso saq 'amaqtaq lavigaxaiste somayi. Nachi nquemoxonot na lqosot, nachi ivigoqto'ot. Nachi 'eetega, 'eeta': “¡'Aushiiten qome añi 'adavigaxaiste!”

Marcos 6:37

Qalaxayi so Jesús 'enapeco': –Qami' mayi qai'añiim ca aloq namayipi. Nachi soomayi 'ena'po': –¿Ishito' peta'a da qomi' sauoqta'a doscientos denarios da seshijnaxanqaique ca nallic, da yaqto' sequi'axanaq namayipi?

Juan 1:43

Qaq so lÿa na'a'q, nachi so Jesús ÿauotaique da taigue da 'alhua Galilea. Nachi natenalec so Felipe, nachi 'enapega, 'eeta': –Aÿim qoquegue.

Juan 1:44

Qaq se'eso Felipe, somayi nachi lma' yi pueblo Betsaida, yim nataq'en lma' so Andrés qataq so Pedro.

Juan 1:45

Nachi so Felipe jec da nmitaique so Natanael. Nachi da'aqtaxanem, 'eeta': –Qomi' mashi ñauanaxai' ñim shiÿaxaua mayi ÿiyiñi co'ollaxa so Moisés naua lqataxaco mayi nanettrañi ana lede, ñim nataq'en ÿiyiñi co'ollaxa so l'aqtaxanaxanecpi ñi Dios. Ñimayi nachiñi ñi Jesús, ñim llalec so José mayi lma' yi pueblo Nazaret.

Juan 1:46

Nachi so Natanael 'enapeco': –¿Peta'a ishito' da huo'o ca no'on da lataxac da chigoqchiguiña yi Nazaret? Nachi so Felipe 'enapeco': –'Ayala, ña 'aumejnaxana ñimayi.

Juan 1:48

Nachi so Natanael denataxan, 'eeta': –¿Huá'ague co'ollaxa, qaq aÿim 'auauatton? Nachi so Jesús 'enapeco': –Qomyi 'am selota'a can saxanaxa da 'am iÿaxana da Felipe, can qoueto'ot ada higo lchiyic.

Juan 12:5

–¿Chi 'eeto' da sa qaimeno' de'eda codaxat trescientos denarios qanqoÿin, da yaqto' ishit da qaitauan na choxodaqpi?