Juan 6:64 - Nuevo Testamento Toba Sur

⁶⁴ Qalaxayi ñaqaiyita huo'o da qoñiita na sa ishit da da'amqajnataxan. Qaq 'enapec de'eda so Jesús, cha'ayi nal'ena da ÿaÿaten co'ollaq chita'ague da do'onataxan nam sa ishit da da'amqajnataxan qataq som huotaique co'ollaxa da ÿaneuo somayi.

Nuevo Testamento Toba Sombrero Negro

⁶⁴ Qalaĝaja da'me ami maliaĝa uo'oe gaa'me jo'ne doqoleguetaĝa'n. Jesús naq'aetec da'me dojo' 'laqatac joca'li qa'a jalchi'ena yayate'n gaa'me jo'ne ja p'iida'a joñe'me, nataq'aen joga'me onolec jo'ne jetaque p'alegue joñe'me.

La'aqtaqa Ñim Lo'onatac 'Enauacna 2013

⁶⁴ Qalaxaye ñaqaiyeta huo'o na saishet da da'amqaanataxan da qoñiita. Qaq 'enapec de'era So Jesús, cha'aye nale'ena da ỹaỹaten co'ollaq cheta'ague da do'onataxan nam saishet da da'amqaanataxan qataq som huotaique co'ollaxa da ỹaneuo Somaye.

Juan 6:64 Iomraidhean Croise

Mateo 10:4

Simón som chigaqaigui co'ollaxa ana l'enaxat cananista; qataq so Judas Iscariote som ÿaneuo co'ollaxa so Jesús.

Juan 10:26

Qalaxayi sa ishit da qau'amqajnataxañi, cha'ayi sa ishit da nachiqami' anam selotague' qaguetapi. Qaq damayi sogote da qami' sa'axatema co'ollaxa.

Juan 18:4

Qalaxayi so Jesús, yi mashi sogote ÿaÿateetac 'enauac dam huaigui, nachiso mayi huaqata'aguet somayipi, nachi inattac, 'eeta': –¿Négue't ca qanmichiitaique?

Juan 5:42

Qataq aÿim ÿataqta saÿateeta da qoñiita da sa ishit da qauauochiic ñi Dios.

Juan 6:36

Qalaxayi aÿim mashi ime da qami' shinapegalo da qami' sa ishit da aÿim qau'amaqchiñi, nai'ctaxa da aÿim qauloito'ot.

Juan 6:60

Qaq co'ollaq qai'aqchigui de'eda lapaxaguenataxanaxac somayi, nachi ÿataqta qalota nam quetague' so Jesús na 'eeta': –De'eda 'enapec, damayi ÿataqta huo'o da lqalaic da qaÿaconguet; ¿negue'tom ca ishit da n'axaÿaxana?

Juan 6:61

Nachi so Jesús ÿaÿajnau'a da lhuennataxac somayipi da quetapeguelec de'eda l'aqtac somayi. Nachi somayi inattac somayipi, 'eeta': –¿Peta'a qami' ÿashaxaadeec naq'en de'eda?

Juan 6:66

Huaña, nachi ÿataqta qalota nam quetague' so Jesús da ÿaxaañi da quegue somayi.

Juan 8:23

Nachi so Jesús 'enapega somayipi, 'eeta': –Qami' qauachigoqoitelec ne'ena npa'aguiñi; aÿim, qalaxayi sachigoqta'ague da pa'ashiguem. Qami' maichi qadmayi ana 'alhua; aÿim, qalaxayi sa ishit da ima' ana'ana 'alhua.

Juan 8:55

Qalaxayi qami' sa ishit da qauauattoñi ñimayi; aÿim, qalaxayi sauatton ñimayi. Cha'ayi da aÿim shinapec da sa sauatton, nachi aÿim chochi satenataxaatac, qaq nachi shiita'ama qami'. Qalaxayi aÿim ÿataqta sauattoota ñimayi, qataq salaxaguet cam 'enapec.

Hechos 15:18

'Eda da l'aqtac ñi qadataxala' mayi i'axatta'a co'ollaxa soua hua'a'u vi'iyi.

Romanos 8:29

Cha'ayi nam nal'ena co'ollaxa da ÿauattonpi ñi Dios, qaq nachina nam lca'au'a co'olloxochiyi ñimayi, da yaqto' 'eeta'am naq'en so llalec, yaqto' so llalec 'eeta'am ca ñaxanec da ÿataqta qalota na lqaÿañicpi.

2 Timoteo 2:19

Qalaxayi ñi Dios mashi lapaxañi so 'ico' l'oxonaxala' da l'onataxanaxac mayi qaica ca idaxanapec. Qaq somayi nanettalec so nedec, 'eeta': “Ñi qadataxala' Dios ÿauatton ca mashi lalamaxat;” nataq'en 'eeta': “'Enauac na mashi ncosatapegueueegue da l'enaxat so Cristo, ÿataqta ca'ai qome 'enauac na sa ÿaÿamaxañisat.”

Hebreos 4:13

Qaq sa ishit da huo'o ca 'oonolec nam l'onatacpi ñi Dios da huo'otaq ishit da nqañoxochiisop ñimayi. Cha'ayi 'enauac namayipi ÿataqta yi'oqta qataq ÿaateec naq'en da ilotalec ñim huo'o ca na'a'q qaq ñachaataxau'a da sa'axataxam ca qad'onataxanaxac.