Juan 6:63 - Nuevo Testamento Toba Sur

⁶³ Som Espíritu, nachiso so chigoqo'ot da nca'alaxa; qaq dam yi'oqchigui n'oquiaxac, damayi sa ishit da huo'o ca chigaqaigui. Qaq dam shinapec, damayi ÿataqta 'eesa, qataq chigoqo'ot so Espíritu, qataq damayi chigaqaigui da nca'alaxa.

Nuevo Testamento Toba Sombrero Negro

⁶³ Ñe'me Dios Lepaqal nach'eñe jo'ne ya'uo da'me nec'alaĝa, qama'le ja ena'am da'me jo'ne ch'e anejiyaĝauayaĝaqui 'me qaya'te 'noota ta'le chiyaqayi. Qama'le ami janema da'me dojo' 'yaqatac qaedi ñe'me Dios Lepaqal ya'uo da'me adec'alaĝaqui.

La'aqtaqa Ñim Lo'onatac 'Enauacna 2013

⁶³ Som Saqcha'a La'añaxac Ñim Lo'onatac 'Enauacna, nacheso so chegoqo'ot da nca'alaxa maye chochaq tatec; qaica ca chochaq shiỹaxaua da ỹan de'era achaalataxac. Qaq dam shenapec, damaye chegoqo'ot som Saqcha'a Na'añaxac maye ỹan de'era achaalataxac.

Juan 6:63 Iomraidhean Croise

Juan 5:21

Cha'ayi de'eda 'eetec da ñi ita'a da ishit da qaltaq nca'alaxateec ca leuaxaic, nachi ÿanem da lca'alaxa, qaq nachi 'eetec nataq'en nam llalec da ishit da ÿanem da lca'alaxa cam tajlec da ÿanem.

Juan 6:68

Qalaxayi so Simón Pedro 'enapeco': –'Am ÿataxala', ¿negue'tom ca lÿa soqolaxague? Yi nachi'amta mayi naua 'ad'aqtaqa naamayi chigaqaiguilo da achaalataxac mayi chochaq tateec.

Hechos 5:20

–Qauesomiÿa qome, qanqo'oñiÿa añi n'onaxanaxaqui. Huaña, nachi qau'aqtaxañiim 'enauac na shiÿaxauapi dam nca'alaxa dalaxaic.

Romanos 10:17

Qaq ÿoqo'oyi da npi'iÿaxac chigoqchigui da 'axaÿaxanaxac, qaq dam qan'axaÿaxaatega, nachida da n'aqtaguec so Cristo.

Romanos 2:25

Qaq 'eesa da huo'o ca naigui da huo'otaq qaÿauo'o ca 'an'anaxat, da ÿataqta 'aualaxaguet ca 'enapec na nqataxacpi mayi chigoqo'ot so Moisés. Qalaxayi da sa ishit da 'aualaxalec, nachi 'eeta'am da sa ishit da qaÿauo'o ca 'an'anaxat.

Romanos 8:2

Cha'ayi dam l'añaxac so Espíritu mayi ÿan da achaalataxac, damayi aÿim huesoueguesop naq'en da l'añaxac da ñi'itaxaloxo qataq da nleuaxa, chigoqchigui naq'en da mashi qan'attau'a so Cristo Jesús.

1 Corintios 15:45

Qaq ÿoqo'oyi 'ena'pe naua ñiyigui'shi l'aqtaqa ñi Dios: “So hua'auchiguiñi shiÿaxaua, l'enaxat Adán, co'olla qai'ot, nachi ÿataqta qoÿanagui da nca'altauec qanqoÿin.” Qalaxayi so Cristo som pa'ateec Adán, nachiso som saq cha'a mayi ishit da deca'alaqtaxan.

Gálatas 5:25

Cha'ayi da qanachaalataxac chigoqo'ot so Espíritu, qaq ÿoqo'oyi no'on da sauaxasoqta'a somayi da qomi' ÿaueca'agueta 'enauac na so'otaqpi.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

Gálatas 6:15

Cha'ayi da mashi ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat ca shiÿaxaua, huo'otaq da jegatai'. Cha'ayi da ÿataqta huo'o ca naigui, nachida da qanadalaxataguec da qomi' qanadalaxa't.

1 Ts 2:13

Qaq nachida da huo'o mshi sanaqtacot da qan'achiquiaxac ñi Dios, cha'ayi co'ollaq qan'axaÿaxañiÿa da l'aqtac ñi Dios mayi qami' sa'axataxama, nachi qau'amaqchiñi da ÿataqta 'eesa l'aqtac ñi Dios, da sa ishit qanqashiñi da l'aqtac ca chochi shiÿaxaua. Qaq damayi ÿataqta 'eesa l'aqtac ñi Dios, qaq ÿoqo'oyi ishit da huo'o ca naigui naq'en da nachaalataxac da qoñiita nam mashi da'amqajnataxan.

1 Timoteo 4:8

Cha'ayi ca shiÿaxaua da ñi'igueeteguela't da sa desalli naq'en na l'oc, nataq'en cada'acolec da huo'o da naigui. Qalaxayi da qanpa'ataxadeelec da qad'amqajnataxanaxac ñi Dios, ÿataqta huo'o naq naigui. Cha'ayi ÿataqta naigui da 'achiquiaxac da achaalataxac nagui, nataq'en cam ñaq natauo.

Hebreos 13:9

Qataq sa ishit qome da chochi qami' ÿauecta'pe na ÿotta'a't napaxaguenataxanaxacpi mayi sa qaÿauanapega. Qaq nachaqdata da ÿataqta ÿaconguet qome da qadquiyaqteÿaxaqui da l'añaxac mayi chigaqaigui da lsoxoyic ñi Dios, mayi saq 'en'am da lataxac naua nalli'c da huo'o na qanallic qataq na sa qanallic. Cha'ayi de'eda lataxac da sa qanallica'acda', nam ÿataqta quetegue da i'ot, qalaq sa ishit da huo'o ca nshapeque.

Hebreos 4:12

Cha'ayi da l'aqtac ñi Dios ÿataqta nca'altauec, qataq huo'o da l'añaxac. Qataq na llaxa napactelec ca ÿilonec mayi dos naua ala'pi. Qataq damayi ishit da ividau'a cam ÿataqta pa'auo saq cha'a nachaalataxac ca shiÿaxaua qataq som capegue' lqui'i, qataq ishit da ÿaateec naq'en ca lhuennataxac qataq da lavilÿaxac.

Santiago 1:18

Ñimayi qomi' namaxalo da l'aqtac mayi i'axat da 'eesa lataxac da qomi' nca'alaxatreec, cha'ayi nshitaique da qomi' 'ico' l'auaxanqa ala na 'enauac l'onatac. Qaq damayi nachida da maichi lhuennataxac.

1 Pedro 1:23

Cha'ayi qami' dalaxaic da qadañoxoqui. Qaq de'eda qadañoxoqui sa ishit da chigoqchiguilo caua yi'oqchiguilo qadta'alli' mayi taÿa'alo da imedeuo, cha'ayi nachida da l'aqtac ñi Dios mayi nca'altauec, qataq sa ishit da huo'o ca loga't.

1 Pedro 3:18

Cha'ayi so Cristo nataq'en mashi ime da qomi' ileualguete souaxat na qadasouaxashitpi. Somayi no'on da lataxac, qalaxayi huo'o da nque'ejnaxac, souaxat qomi' mayi qomi' qauemaiqa, da yaqto' qomi' ÿauegueu'alo ñi Dios. Somayi co'ollaxa ileu da yi'oqchigui l'oquiaxac, qalaxayi qaltaq ÿi'iguelaxalec da nca'aleec, qalaxayi saq cha'a.

1 Pedro 3:21

Qaq se'eso 'etaxat nachiso so naigui da achilaxac mayi chigoqchigui da qomi' qanca'alaxatreec nagui. Qaq de'eda achilaxac, damayi sa ishit da chigoqchigui ca nÿoxoc da qad'oquiaxac, cha'ayi chaqdata da qaiÿaxanot ñi Dios da ÿan ca nvilÿaxac qui'itta. Nachi ishit da qomi' nca'alaxatreec de'eda achilaxac, chigoqchigui naq'en da 'eetec co'ollaq qaltaq qanca'alaxateeguesop da nleuaxa so Jesucristo,