Juan 6:58 - Nuevo Testamento Toba Sur

⁵⁸ Qaq aÿim sa'axattac aso pan mayi chigoqo'ot na piguem. Qaq asa'aso pan, asomayi sa ishit da 'eeta'am aso maná mayi chictac co'ollaxa som hua'au qadta'aipi, qalaxayi nachi 'en'am 'enauac somayipi ileu. Qaq cam chic asa'aso pan mayi sa'axattac, nachi camayi nachi 'eetai' da nca'altauec.

Nuevo Testamento Toba Sombrero Negro

⁵⁸ Naqayem jo'ne pan 'me jachiyoĝogue di'me piyem, jayem jo'ne pan 'me ja jena'am jaga'me maná jo'ne yali'j joca'li jodia'me jo'ne auachiyoĝoyegueta 'me mach'e adet'aldi': jodia'me yali'j joca'li jaga'me maná qalaĝaja nach'e ena'ama da'me yele'u. Qalaĝaja nayi male ja ena'am: jogaa'me jo'ne yali'j jenjo' yapat, nach'egaua jo'ne 'uo da'me 'loyaĝac 'me qaya'te loiquiaqa'.

La'aqtaqa Ñim Lo'onatac 'Enauacna 2013

⁵⁸ Qaq Aỹem sa'axattac aso nauole maye chegoqo'ot na piguem. Qaq asa'aso nauole, asomaye saishet da 'eeta'am aso maná, maye chectac co'ollaxa som hua'au qarta'ailpi, qalaxaye nache 'ena'am 'enauac somayepi ileu. Qaq cam chec asa'aso nauole maye sa'axattac, nache camaye nache 'eetai' da nca'altauec.

Juan 6:58 Iomraidhean Croise

Juan 11:26

Qaq 'enauac nam ña nca'altauec nagui mayi aÿim i'amaqten, nachi namayipi sa nauane' qome da ileu. Qaq ¿'au'amaqten peta'a de'eda?

Juan 3:36

Qaq cam i'amaqten se'eso ñalec, nachi camayi huo'o da lca'alaxa chochaq tateec. Qaq cam sa ishit da i'amaqten, nachi camayi sa ishit da taÿot de'eda nca'alaxa, chaqdata da huetalec camayi dam qaica ca 'en'am da lchic lhuaxanaxanaxac ñi Dios.

Juan 5:24

Qaq ÿataqta 'eesa de'eda qami' sa'axatema, da ca n'axaÿaxana de'eda sa'axattac, qataq i'amaqten ñim aÿim namaq, nachi camayi huo'o da lca'alaxa chochaq tateec. Nachi sa ishit da qaÿauo'o qome ca nhuaxanaguec, cha'ayi mashi sogote da ca'ai da nleuaxa da inoxoneu'a da nca'alaxa.

Juan 6:41

Huaña, nachi na judiopi jec da quetapeguelec so Jesús souaxat co'ollaxa da 'eeta': “Aÿim nachaÿim pan mayi sachigoqo'ot na piguem.”