Juan 6:54 - Nuevo Testamento Toba Sur

⁵⁴ Qaq ca chic da i'oquiaxac qataq nÿomguilo naua itago'q, nachi huo'o da lca'alaxa mayi chochaq tateec. Nachi camayi qaltaq ñica'alaxateec ca pa'ateec na'a'q.

Nuevo Testamento Toba Sombrero Negro

⁵⁴ Chane'eja joga'me jo'ne yalic jenjo' yapat nataq'aen niyomigui janjo' yetauo', male 'uo da'me lec'alaĝa jo'ne qaya'te loiquiaqa', qama'le nach'e ena'am da'me 'ñiyelaĝachijeguem ga'me nolo' jo'ne p'ategue.

La'aqtaqa Ñim Lo'onatac 'Enauacna 2013

⁵⁴ Qaq ca chec da ỹo'ocỹaxac qataq nỹomguilo naua itago'q, nache huo'o da lca'alaxa maye chochaq tatec. Nache camaye qaltaq ñeca'alaxatec ca pa'atec na'a'q.

Juan 6:54 Iomraidhean Croise

Juan 4:14

Qaq cam nÿomgui ca 'etaxat mayi sanem, camayi sa ishit da ÿi'iguelaxalec da huo'o na laquip. Cha'ayi cam 'etaxat mayi sanem, camayi ÿataqta npaxaatashiguem, 'eeta'am na l'auaxac pa'ataigui camayi. Qaq nachica ca ividaxata'a cam nca'alaxa mayi chochaq tateec.

Juan 6:27

Sa ishit qome da qau'onataxañiitapeguelec cam nallic mayi taÿa'a da imeuo, chaqcata cam nallic mayi sa ishit da imeuo, qataq chigaqaigui ca nca'alaxa mayi chochaq tateec. Qaq 'eca cam nallic mayi qami' ÿanema qome na shiÿaxaua llalec. Cha'ayi ñi lta'a Dios nachina na ÿicchigui da ÿaÿamaxadeeta.

Juan 6:47

Qaq ÿataqta 'eesa de'eda qami' sa'axatema, da cam aÿim i'amaqten, nachi ishit da huo'o da lca'alaxa mayi chochaq tateec.

Juan 6:55

Cha'ayi da i'oquiaxac, nachida da ÿoqta 'eesa nallic, qataq naua itago'q, nachinaua na ÿoqta 'eesa naquip.

Juan 6:63

Som Espíritu, nachiso so chigoqo'ot da nca'alaxa; qaq dam yi'oqchigui n'oquiaxac, damayi sa ishit da huo'o ca chigaqaigui. Qaq dam shinapec, damayi ÿataqta 'eesa, qataq chigoqo'ot so Espíritu, qataq damayi chigaqaigui da nca'alaxa.

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.