Juan 6:45 - Nuevo Testamento Toba Sur

⁴⁵ Naua nanettrañi l'aqtaqa som l'aqtaxanaxanecpi ñi Dios, naamayi 'eeta': “Ñi Dios ÿapaxaguen qome 'enauac na shiÿaxauapi.” Qaq ÿoqo'oyi 'enauac nam n'axaÿaxana ñi ita'a qataq lapaxaguenatac ñimayi, nachi namayipi aÿim nau'a.

Nuevo Testamento Toba Sombrero Negro

⁴⁵ Uo'oe naa'me ledii's jogaa'me Dios 'laqataĝanaĝanaqa jo'ne eetac: «Yema da'me Dios yapaĝague'n qomle jogaa'me jiyaĝadipi.» Chane'eja ena'uaque jogaa'me jo'ne naquiaĝata ñe'me Qadet'a nataq'aen da'me napaĝaguenalo naa'me 'laqataqa joñe'me, qama'le jayem nec'ata.

La'aqtaqa Ñim Lo'onatac 'Enauacna 2013

⁴⁵ Naua nanettrañi la'aqtaqa som la'aqtaxanaxanecpi Ñim Lo'onatac 'Enauacna naamaye, 'eeta': «Ñim Lo'onatac 'Enauacna ỹapaxaguen 'enauac na shiỹaxauapi.» Qaq ỹoqo'oye 'enauac nam na'axaỹaxana Ñim Ita'a qataq napaxaguena Ñimaye, namayepi Aỹem naua'a da yaqto' Aỹem ca'ategue.

Juan 6:45 Iomraidhean Croise

Mateo 11:27

Ñi ita'a aÿim imato'ot 'enauac da l'onataxanaxac. Qaq qaica ca ishit da ÿauatton na llalec, chaqñita ñimayi mayi ÿauatton. Qataq qaica ca ishit da ÿauatton ñimayi, chaqnata na llalec mayi ÿauatton, qataq cam ÿauattonaxanaxanec ñimayi nam llalec.

Mateo 17:5

Qaq co'ollaq ña detaqtac so Pedro, nachi anac so l'oc mayi ÿataqta 'edoigui. Somayi ipelteelguete soomayi. Nachi se'eso l'oc chimaqtoigui so n'aqtac, 'eeta': –'Eda dam ÿalec mayi ÿataqta ÿauotaxat, damayi ÿataqta ñitootapeguec. Qaq damayi qan'axaÿaxañiÿa qome.

Marcos 1:2

So l'aqtaxanaxanec ñi Dios, l'enaxat Isaías, ÿiyiñi co'ollaxa da 'eeta': Aÿim Dios samaq qome ca i'aqtaxanaxanec da sa'auaxangue da 'ata'ague, da yaqto' ÿaqataxanai' ca 'anqa'aic.

Lucas 1:70

Qaq damayi nal'ena da qomi' ÿachaxanapeguema co'ollaq i'axatta'aguet naq'en 'enauac som qui'itta l'aqtaxanaxanecpi som hua'a'u vi'iyi:

Lucas 18:31

Nachi so Jesús iÿaxana so doce lapaxaguenatacpi da iÿotauga, nachi 'enapega, 'eeta': –Nagui qomi' saxague da Jerusalén, nachi huaña qome yimayi da ipacchigui 'enauac dam n'aqtaguec na shiÿaxaua llalec dam ÿiyiñi co'olloxochiyi som l'aqtaxanaxanecpi ñi Dios.

Juan 10:27

Cha'ayi anam qagueta mayi selotague', anamayi ÿauatton da ivilÿaxac, qataq aÿim sauatton anamayipi, qaq anamayi aÿim ca'attague'.

Juan 6:37

Qaq 'enauac nam aÿim ÿami' ñi ita'a, namayi aÿim nau'a; qaq nam aÿim nau'a, qalaq sa ishit da semaqa'aguet.

Juan 6:65

Nachi 'enapeco': –Ÿoqo'oyi aÿim qami' shinapegalo co'ollaxa da qaica ca ishit da chochi aÿim nau'a da huo'otaq sa ishit da nachiñi ñi ita'a da aÿim nauegueu'a camayi.

Hechos 13:40

Qaq ÿoqo'oyi maxatchaxa qome da qoñiita, ten qom qami' tachiguilo naua l'aqtaqa som l'aqtaxanaxanecpi ñi Dios, mayi 'eeta':

Hechos 7:42

Huaña, nachi ñi Dios ca'ai somayipi, nachi ÿauaqta'a somayipi da yaqto' natamnot ana huaqajñipi mayi neto'ot na piguem. Cha'ayi nachida dam 'eetec da nanettañi l'aqtac ñi Dios mayi huetalec ana lede so l'aqtaxanaxanecpi, mayi 'eeta': Qami' Israel l'ecpi, co'ollaq qoquiitalec so tojlec 'alhua se'esoua cuarenta vi'iyi, qaq ¿peta'a co'ollaq qaualauachiitac na shiguiÿacpi da qauauo'oi qadachitaqtaxanaqchii, qaq peta'a nachaÿim da aÿim qai'añiitacot?

Efesios 1:17

Nachi seÿaxaatacot ñim lta'a Dios so qadataxala' Jesucristo, ñim qadta'a mayi ÿi'oxodaic, da yaqto' qami' ÿanema ca naÿajnec mayi chigoqo'ot so Espíritu, da yaqto' qauaÿachiñi cam qami' ÿaÿajnaxanaxanque ñimayi, qataq yaqto' ÿataqta qauauattoñiita ñimayi.

Filipenses 3:15

Qaq ÿoqo'oyi 'enauac da shinaqta mayi mashi nalochiguiñi da qadpi'iÿaxac, no'on da nachi 'eeta'a't da qadhuennataxa. Qalaxayi da huo'otaq huo'o ca lÿa qadhuennataxaqui, qalaq ñi Dios ishit nataq'en da qami' itauanque da qauaÿajñi camayi.

1 Ts 4:9

Qaq da lataxac da qanauote' ca n'amqajnataxanaxaua, sa iuen da shiyiñi, cha'ayi ñi Dios mashi qami' ÿapaxaguenque da 'eetec da qaÿauotec ca nÿa.

Hebreos 10:16

Ñim qadataxala' 'eeta': Ca ñaÿamaxataxac qom ñaÿamaxate' namayipi qom mashi inoxoodeec que'ecaua na'axa'te, nachi aÿim sachaiguilo qome naua ÿaqataxaco naua lquiyaqte namayipi, qataq sedelguete naua lhuennataxaco.

1 Juan 2:27

Qalaxayi qami' mashi qami' netanguita so Espíritu Santo mayi qami' ÿanema so Jesucristo. Qaq sa ishit da iuen da huo'o ca qami' ÿapaxague'n, cha'ayi nachiso som Espíritu qami' ÿapaxaguenque 'enauac na lataxaguesat. Qaq nam lapaxaguenataxanaxacpi somayi ÿataqta 'eesa, qaq sa ishit da saq 'en. Qaq ÿoqo'oyi nachi 'eetai' qome da qan'ayiitau'a so Cristo, cha'ayi nachiqami' ÿapaxaguenque so Espíritu.