Juan 6:32 - Nuevo Testamento Toba Sur

³² Nachi so Jesús 'enapeco': –Aja', ÿataqta 'eesa de'eda qami' sa'axatema, da sa ishit da nachiso so Moisés som qami' ÿanema aso pan mayi chigoqo'ot na piguem, chaqñita ñi ita'a mayi nachiñi ñi qami' ÿanema acam ÿataqta 'eesa pan mayi chigoqo'ot na piguem.

Nuevo Testamento Toba Sombrero Negro

³² Qama'le Jesús 'yategueta, enaac: —Eja da'me ami ja'aĝatema, queda'me ja naqaeñe ñe'me Moisés ta'le ami yanema jaga'me pan 'me chiyoĝogue piyem, dite ñe'me Taĝadena' jo'ne nach'eñe ami yanema jaga'me jo'ne yataqatelegue pan.

La'aqtaqa Ñim Lo'onatac 'Enauacna 2013

³² Nache So Jesús 'enapeco': –Aja', ỹataqta 'eesa de'era qami' sa'axatema, da saishet da nacheso so Moisés som qami' ỹanema aso nauole maye chegoqo'ot na piguem, nachaqñita Ñim Ita'a maye nacheñi ñi qami' ỹanema acam ỹataqta 'eesa nauole, maye chegoqo'ot na piguem.

Juan 6:32 Iomraidhean Croise

Juan 1:9

Qaq som ÿoqta 'eesa da yi'oqchiguiñi mayi icoÿadelec 'enauac na shiÿaxauapi, somayi mashi nvittega ana 'alhua.

Juan 15:1

Qaq aÿim mayi shiita'am aca ÿoqta 'eesa nanguishi uva, qaq ñim ita'a, qalaq ñimayi 'eeta'am cam ilotague' aca'aca nanguishi.

Juan 6:31

Som hua'au qadta'alpi co'ollaxa chictac aso maná co'ollaq hualec so tojlec 'alhua, cha'ayi nachi 'enapec naua nanettrañi l'aqtaqa ñi Dios, 'eeta': “Ñi Dios iqui'axanec somayipi aso pan mayi chigoqo'ot na piguem.”

Juan 6:33

Cha'ayi acam pan mayi ÿan ñi Dios, nachaca acam chigoqtot na piguem mayi anac da ÿanem da lca'alaxa na shiÿaxauapi.

Juan 6:35

Nachi so Jesús 'enapeco': –Nachaÿim mayi aÿim pan mayi chigaqaigui da nca'alaxa. Ca aÿim nau'a, nachi sa nauane' qome na lqouaxa; qataq ca aÿim i'amaqten, nachi sa nauane' qome na laquip.

Juan 6:41

Huaña, nachi na judiopi jec da quetapeguelec so Jesús souaxat co'ollaxa da 'eeta': “Aÿim nachaÿim pan mayi sachigoqo'ot na piguem.”

Juan 6:50

Qalaxayi aÿim sa'axattac aso pan mayi chigoqo'ot na piguem, da ca chic asomayi, nachi sa ishit da ileu.

Juan 6:55

Cha'ayi da i'oquiaxac, nachida da ÿoqta 'eesa nallic, qataq naua itago'q, nachinaua na ÿoqta 'eesa naquip.

Juan 6:58

Qaq aÿim sa'axattac aso pan mayi chigoqo'ot na piguem. Qaq asa'aso pan, asomayi sa ishit da 'eeta'am aso maná mayi chictac co'ollaxa som hua'au qadta'aipi, qalaxayi nachi 'en'am 'enauac somayipi ileu. Qaq cam chic asa'aso pan mayi sa'axattac, nachi camayi nachi 'eetai' da nca'altauec.

Gálatas 4:4

Qalaxayi co'ollaq ivita so na'a'q mayi naloqnec, nachi ñi Dios namaq so llalec da nañaxatoigui naq'en aso 'alo, da chigoqtoigui naq'en na judiopi mayi hueto'ot da lapaxaguenataxanaxac na nqataxacpi.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.