Juan 5:5 - Nuevo Testamento Toba Sur

⁵ Qaq huo'o so shiÿaxaua nachi hueta'asop asomayi. Somayi mashi ivi' naua treinta y ocho vi'iyi da lalolaxa.

Nuevo Testamento Toba Sombrero Negro

⁵ 'Uo ga'me onolec jo'ne ue'tajop jaga'me noĝop lae't jo'ne 'uo da'me lapite'nayaĝac nalo'taguet treinta y ocho jogaa'me 'uoidi.

La'aqtaqa Ñim Lo'onatac 'Enauacna 2013

⁵ Qaq huo'o so ỹale, nache hueta'asop asomaye. Somaye mashe ivi' naua treinta y ocho vi'iye da lalolaxa.

Juan 5:5 Iomraidhean Croise

Marcos 9:21

Nachi so Jesús inattac so lta'a so nsoq, 'eeta': –¿Chaxan lcáte' soua na'axa'te da 'eeta'ac de'eda? Nachi somayi 'enapeco': –Qomyi naquitchigueme'.

Lucas 13:16

Qaq ada'ada 'alo yi maichi llale so Abraham, qaq so Satanás yi icoñitta'aguet adamayi de'eda nalolaxa nagui mashi ivi' naua dieciocho vi'iyi, qaq ¿peta'a sa ishito' da qaisoueguesop de'eda lalolaxa adamayi ne'ena na'a'q mataxaqui?

Lucas 8:43

Qaq se'eso shiÿaxauapi nachi ÿalectaigui aso 'alo sa no'on. Asomayi mashi ivi' naua doce vi'iyi da nque'ejnaxac da anactac na ltago'q. Qaq asomayi mashi imateuo 'enauac nam logoxoshitpi, souaxat da ishiiteetac na natannaxanaqpi, qalaq sa ishit da huo'o ca ishit da ÿañoxot da nataden da lalolaxa.

Juan 5:14

Qaq so Jesús co'ollaq ilalec somayi huaigui aso n'onaxanaxaqui, nachi 'enapego', 'eeta': –Nagui mashi 'am no'oita, qalaxayi sa ishit qome da qaltaq huo'o 'anqa'en ca 'adasouaxashit, ten qom qaltaq ÿapagueec ca 'adalolaxa.

Juan 5:4

Cha'ayi huo'o' naxa yi na'a'q, qaq anac som lamaxashic piguem l'ec ñi Dios da naÿa asa'aso laÿi' na 'etaxat da idaxan na l'ec. Nachi cam l'auaxanec da tangui asomayi da huo'otaq ime da qaidaxan na l'ec, nachi camayi ishit da no'oita, nai'ctaxa ca 'eetec ca lalolaxa.

Juan 5:6

Qaq so Jesús co'ollaq ila'a somayi, nachi ÿaÿaten da mashi qaÿoqteguelo naua vi'iyi da nachi 'eeta'ac de'eda somayi. Nachi inat somayi, 'eeta': –¿Peta'a 'anshitaique da 'am no'oita?

Juan 9:1

Qaq co'ollaq queta so Jesús, nachi natenalec so shiÿaxaua mayi nacteueegue' da lqanamaxa.

Juan 9:21

Qalaxayi qomi' sa ishit da saÿajnaq chaq hua'ague ca 'eetec da nauaañi nagui, qataq sa ishit da saÿajnaq chaq negue't cam natade'n naua l'ai'te damayi. Qaq no'on da qaunachii damayi, cha'ayi damayi mashi ÿi, damayi ishit da maichi qami' da'aqtaxanema.

Hechos 14:8

Qaq yi Listra nachi naña so shiÿaxaua sa ishit da queuoÿapigui'. Qaq somayi nso'ootañi, cha'ayi nachi ÿachigoxotteuo co'ollaxa da saq piguiñi, nachi ÿataqta sa nauane' da queuotapigui'.

Hechos 3:2

Qaq huo'o so shiÿaxaua mayi nachi 'eetai'salo naua na'axa'te da hueta'a aso n'onaxanaxaqui. Somayi nachi chigoqteuo da sa da'añiiguelo naua lchil. Qaq somayi qaÿi'iguelaxattau'a so lasom mayi l'enaxat 'Onaxaic, da qoÿaataña, da yaqto' somayi ÿashilatac nam inoxootapegueuo.

Hechos 4:22

Qaq se'eso shiÿaxaua mayi chigoqchigui de'eda sa qaÿauanapega da no'oita qanqoÿin, somayi mashi napacalguete naua cuarenta vi'iyi da llaxa.

Hechos 9:33

Qaq huaña yimayi, nachi ilalec so shiÿaxaua l'enaxat Eneas. Somayi ivi' naua ocho vi'iyi da dalola, sa da'añiigue. Qaq ÿoqo'oyi huetalec ca lacanec.