Juan 5:4 - Nuevo Testamento Toba Sur

⁴ Cha'ayi huo'o' naxa yi na'a'q, qaq anac som lamaxashic piguem l'ec ñi Dios da naÿa asa'aso laÿi' na 'etaxat da idaxan na l'ec. Nachi cam l'auaxanec da tangui asomayi da huo'otaq ime da qaidaxan na l'ec, nachi camayi ishit da no'oita, nai'ctaxa ca 'eetec ca lalolaxa.

La'aqtaqa Ñim Lo'onatac 'Enauacna 2013

⁴ cha'aye som namaxashec piguem le'ec huo'o naxa ye na'a'q da naỹa asa'aso laỹe' na 'etaxat da iraxan na le'ec. Nache cam hua'auchiguiñi da tangui asomaye da ime da qairaxan na le'ec, nache camaye ishet da no'oita na'aictaxa cam 'eetec ca lalolaxa.]

Juan 5:4 Iomraidhean Croise

Mateo 11:12

Qaq chigoqta'a co'ollaq nvi' so Juan mayi nachilaxanataxanaq, qaq chochi ivitta'a nagui, da de'eda l'onataxanaxac ñi Dios mayi neta'ague da piguem da ÿataqta huo'o da ncogaxanataguec; qaq nam do'onataxaatega da yi'oqchigui l'añaxac, namayipi nshitaique da deuotaxanec damayi.

Mateo 6:33

Qaq ÿoqo'oyi qami' ÿataqta ÿacteec qome da qadqochoqoi dam l'onataxanaxac ñi Dios da ilo'ogue 'enauacna, qataq da qau'ochi cam 'eetapeguec ñimayi, nachi ishit da qauacoñiiguet nataq'en 'enauac ne'enapi.

Lucas 13:24

–Qan'añaxachi qome da qaunoxoñiu'a ñim lasom mayi saq 'amaqtaq, cha'ayi aÿim shinapec da ÿataqta qalota qome na nshitaique da inoxoneuo, qalaxayi sa ishit da ÿañoxot.

Lucas 16:16

Na nqataxacpi mayi chigoqo'ot so Moisés qataq nam lapaxaguenataxanaxacpi som l'aqtaxanaxanecpi ñi Dios, namayi ñaq huo'o, chochi ivitta'a co'ollaq nvi' so Juan. Huaña, nachi qai'axat da l'onataxanaxac ñi Dios da ilo'ogue 'enauacna, nachi 'enauac na shiÿaxauapi ÿataqta n'añaxat da inoxoneu'a damayi.

Juan 5:3

Qaq asomayi nachi hueta'asop na qalota dalolaxaicpi, huo'o na tagoxoic, qataq huo'o na ñi'iidauo naua lchil qataq na sa da'añiigue. Qaq namayipi chochi iuatta'a ca ndaxanataguec na l'ec 'etaxat asomayi.

Juan 5:5

Qaq huo'o so shiÿaxaua nachi hueta'asop asomayi. Somayi mashi ivi' naua treinta y ocho vi'iyi da lalolaxa.

Juan 5:7

Nachi som lolaxaic 'enapeco': –'Am ÿataxala', qaica ca ishit da aÿim ÿasaxangui añi laÿi' na 'etaxat naxa da ivita da qaidaxan na 'etaxat. Cha'ayi naxa da ñishitaique da sangui añimayi, nachi mashi sogote da huo'o na hua'auñigui da tangui añimayi.

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxayi mashi qami' qaiqui'itaxatte', qataq mashi qanañañiÿot ñi Dios, qataq ñimayi mashi qami' ÿaÿamaxadeete'. Qaq 'enauac de'eda chigoqchigui so qadataxala' Jesús qataq so Espíritu mayi chigoqo'ot ñi qadta'a Dios.

1 Juan 1:7

Qalaxayi da ñachaataqtaigui na yi'oqchiguiñi, da shinaqta'am ñi Dios da nachattaigui na yi'oqchiguiñi, nachi ñi 'oonolec da shinaqta ÿataqta n'atta'ai' ca lÿa, nachi naua ltago'q mayi qaicoldeec so llalec Jesucristo co'ollaq qaÿalauat, iÿouec 'enauac na qadasouaxashit.