Juan 5:39 - Nuevo Testamento Toba Sur

³⁹ Qami' mayi ÿataqta huo'o da qadhuogoqoi da qanapaxaguiñiitegalo naua nanettrañi l'aqtaqa ñi Dios, cha'ayi huo'o da qanaquitaxaqui da qami' taÿoto da nca'alaxa mayi chochaq tateec. Qamaq ne'enaua n'aqtaqa mayi nanettrañi, naamayi aÿim i'axatta'pe.

Nuevo Testamento Toba Sombrero Negro

³⁹ Da'me ami 'uo da'me adetelaĝaqui nale anapaĝagueñiyalo naa'me nedii's queda'me 'uo da'me adeuataqataĝanaĝaqui qaedi auejomiyalegue ga'me nec'alaĝa jo'ne qaya'te loiquiaqa'. Mate mane'e daa'me daajo' nedii's jo'ne jayem 'yaĝatetedac,

La'aqtaqa Ñim Lo'onatac 'Enauacna 2013

³⁹ Qami' ỹataqta huo'o da qanaquitaxaqui da qanapaxaguiñeetegalo naua nanettrañi la'aqtaqa Ñim Lo'onatac 'Enauacna, cha'aye qaua'amaqchiñi da nache qoñiitec de'era, nache qami' taỹoto da nca'alaxa maye chochaq tatec. Qalaxaye ne'enaua na'aqtaqa maye nanettrañi, naamaye Aỹem ỹa'axatta'ape,

Juan 5:39 Iomraidhean Croise

Mateo 22:29

Nachi so Jesús 'enapeco': –Qami' qauesomiÿapec, cha'ayi sa ishit da qauaÿajñi' naua ñiyigui'shi l'aqtaqa ñi Dios qataq da l'añaxac ñimayi.

Marcos 10:3

Nachi somayi 'enapeco': –¿Négue't ca qami' ÿamaxalguete co'ollaxa so Moisés?

Marcos 12:10

¿Qami' peta'a sa ishito' da qautaxaÿaxañiÿa'pe naua nanettrañi l'aqtaqa ñi Dios? Mayi 'eeta': Som coma' mayi i'otan nam noÿic l'opi, nachiso nagui som nllañi qanqoÿin ca noÿic.

Lucas 16:29

Qalaxayi so Abraham 'enapega somayi, 'eeta': ‘Caamayi sogote da hueto'oto nam lliyigui'shi so Moisés qataq som l'aqtaxanaxanecpi ñi Dios; ¡nachinaua qome no'on da ÿalaxalguete!’ ”

Lucas 16:31

Qalaxayi so Abraham 'enapeco': “Da sa ishit da ÿalaxaguet so Moisés qataq som l'aqtaxanaxanecpi ñi Dios, qaq ¡huá'aguectoxo' da ishit da da'amqajnataxan, nai'ctaxa da huo'o ca qaltaq nca'aleec!”

Lucas 24:25

Nachi so Jesús 'enapeco': –¡Ÿataqta qaico' ca qauaÿajñiÿapec qami', qataq qaÿaloqta da qau'amaqchiñi 'enauac nam l'aqtaxanaxacpi som l'aqtaxanaxanecpi ñi Dios!

Lucas 24:27

Ime, nachi da'aqtaxanema soomayi 'enauac nam n'aqtaguec somayi nam nanettañi naua ñiyigui'shi l'aqtaqa ñi Dios, ÿachigoxottot aso hua'auchiguiñi lliyiguishi so Moisés, ividaxatta'a asom pa'ateec lliyiguishi som l'aqtaxanaxanecpi ñi Dios.

Lucas 24:44

Qaq co'ollaq ime, nachi 'enapega somayipi, 'eeta': –De'eda souaigui, nachida dam sa'axattac co'ollaq ña qami' soota'agueta: da ipacchigui qome 'enauac na ñi'aqtaguec mayi i'axat nam nqataxacpi mayi ÿiyiñi co'olloxochiyi so Moisés qataq nam lliyigui'shi som l'aqtaxanaxanecpi ñi Dios qataq nam ñiyiguishicpi l'enaxat Salmos.

Juan 1:45

Nachi so Felipe jec da nmitaique so Natanael. Nachi da'aqtaxanem, 'eeta': –Qomi' mashi ñauanaxai' ñim shiÿaxaua mayi ÿiyiñi co'ollaxa so Moisés naua lqataxaco mayi nanettrañi ana lede, ñim nataq'en ÿiyiñi co'ollaxa so l'aqtaxanaxanecpi ñi Dios. Ñimayi nachiñi ñi Jesús, ñim llalec so José mayi lma' yi pueblo Nazaret.

Juan 5:32

Qalaxayi huo'o ñim lÿa mayi aÿim i'axattac, qaq aÿim saÿaten da ca 'enapec ñimayi, camayi ÿataqta 'eesa.

Juan 5:36

Qalaxayi aÿim huo'o da ñi'aqtaguec mayi ÿataqta napacalec da l'aqtaxanaxac so Juan. Cha'ayi nam so'otpi, nachina na aÿim ÿamaxalecpi ñi ita'a. Qaq nachina na ÿoqta ichoxot da 'eesa da aÿim namaq ñimayi.

Juan 5:40

Qalaxayi qami' sa ishit da aÿim qauanaiua'a, da yaqto' qami' taÿoto de'eda nca'alaxa.

Juan 5:46

Cha'ayíctaxa da qami' 'au'amaqchiñi cam 'enapec so Moisés, nachi nataq'énctaxa ishit da aÿim qau'amaqchiñi, cha'ayi so Moisés nachaÿim mayi aÿim ÿiyiñi co'ollaxa.

Juan 7:52

Nachi qoÿinapego' somayi, qoÿiita': –¿'Am peta'a nataq'en 'am Galilea l'ec? Ña 'anapaxaguenalo qome naua nanettrañi l'aqtaqa ñi Dios, yaqto' ishit da 'aula'a da qaica ca l'aqtaxanaxanec ñi Dios da huo'otaq chigoqchiguiña co'ollaxa yi Galilea.

Hechos 13:27

Cha'ayi nam shiÿaxauapi mayi netaña yi Jerusalén qataq nam lataxala'pi, namayipi sa ishit co'ollaxa da ÿauatton so Jesús, qataq namayipi sa ishit da ÿaÿajnegueta naua l'aqtaqa som l'aqtaxanaxanecpi ñi Dios mayi qaitaxaÿaxaata'pe naxa da huaigui ana laponaxaquipi namayipi yi na'a'q mataxaqui, nachi qoÿanguet somayi da nalaataguec. Qaq de'eda i'ot, damayi ipacchigui dam i'axattac co'ollaxa so n'aqtaxanaxanecpi.

Hechos 17:11

Qaq se'eso judiopi ÿataqta qaica ca ÿictega da n'axaÿaxan, qaq sa ishit da 'en'am nam netaña yi Tesalónica. Cha'ayi namayipi ÿataqta nqopita da n'axaÿaxana da n'aqtac. Ÿoqo'oyi 'enauaque naua na'axa'tesa'chi qaichimaxatta'pe naua ñiyigui'shi l'aqtaqa ñi Dios da huo'otaq ÿoqta 'eesa de'eda qai'axattac.

Hechos 26:27

Qaq 'am ita'a Agripa, ¿'au'amaqten peta'a da l'aqtaxanaxac som l'aqtaxanaxanecpi ñi Dios? Yi'oqta da 'am 'au'amaqten.

Romanos 1:2

Ñi Dios ÿan co'ollaxa de'eda l'aqtac, ÿachigoxotchigui naq'en so l'aqtaxanaxanecpi da ÿilyiñi naq'en naua qui'itte' l'aqtaqa ñimayi.

Romanos 3:2

Qomyi qalota, qataq qalota na lataxaguesat da namayipi napacalec ca lÿa. Cha'ayi da hua'auchiguiñi 'eeta': Ñi Dios ipataxalec co'ollaxa na judiopi da l'aqtac.

Colosenses 3:16

Qataq da lapaxaguenataxanaxac so Cristo ÿataqta nlaqchiguilo qome naq'en naua qadquiyaqchilli'. Qataq ÿataqta qanaÿajnaxanaqchiñi da qauapaxaguiñi qataq da qau'añaqchichi ca qadÿai. Qataq da qau'onaxañi, qalaq qau'oñi na ÿotta'a't n'onecpi mayi chigoqo'ot so Espíritu Santo. Qataq ÿataqta imauec da qadquiyaqteÿaxaqui da qai'añiitacot da qan'achiquiaxaqui ñi Dios.

Hebreos 11:16

Qalaxayi somayipi ña ipactega cam ÿataqta no'on lalamaxat lma', cam nma' mayi hueta'ague da piguem. Qaq ÿoqo'oyi ñi Dios sa ishit da n'aloxootac da namayipi ÿamata'ac ñimayi da ÿataqta lta'a Dios, cha'ayi ñimayi sogote da ÿaqataxaatapigui' cam naciudad namayipi.

Hebreos 11:35

Huo'o na 'alpi nataq'en ishit da qaltaq nauane' na lqatacpi da qaltaq qanca'alaxateec. Qataq huo'o na ileu souaxat da nque'ejnaxac, cha'ayi sa ÿaconguet da yaqto' qoÿaxaneec. Cha'ayi nshitaique da ivida'a qom qaltaq qanca'alaxateec na leuaxaicpi mayi qaica ca 'en'am qome ca achaalataxac.

Apocalipsis 19:10

Nachi aÿim sa'adoto naua illicte, da yaqto' shi'oxoden som namaxashic. Qalaxayi somayi aÿim 'enapega, 'eeta': –Sa ishit da nachi qonetec de'eda. Cha'ayi aÿim chochi aÿim lamaxashic ñi Dios. Nachi 'am shiita'am, qataq 'enauac nam 'adqaÿañicpi mayi ÿataqta quetelguete nam l'aqtaxanaxaco mayi 'eesoda so Jesús. Qaq ñim Dios mayi 'avi'oxoden. Cha'ayi de'eda l'aqtaxanaxac so Jesús, damayi nachida da i'añaqchit nam i'axatta'pe naua l'aqtaqa ñi Dios.