Juan 5:37 - Nuevo Testamento Toba Sur

³⁷ Nataq'en ñi ita'a mayi aÿim namaq, ñimayi ÿataqta 'eesa naq'en de'eda ñi'aqtaguec. Qaq nai'ctaxa da qami' sa qauauañiÿapega da qau'aqaichigui ca lavilÿaxac ñimayi, qataq sa ishit da qauauattoñi ca lashiguiÿaxac.

Nuevo Testamento Toba Sombrero Negro

³⁷ “Nach'e ena'am ñe'me Qadet'a jo'ne jayem namaĝaquena jayem 'yaĝatetac. Qalaĝaja da'me ami ja auomachiiya ga'me lajamaĝa, choqoda'me ja auañiya,

La'aqtaqa Ñim Lo'onatac 'Enauacna 2013

³⁷ Nataqa'en Ñim Ita'a maye Aỹem namaq, Ñimaye ỹataqta 'eesa naqa'en de'era ña'aqtaguec. Qaq na'aictaxa da qami' sa qauauañiỹapega da qaua'aqaichigui ca lavilỹaxac Ñimaye, qataq saishet da qauauattoñi ca lasheguiỹaxac.

Juan 5:37 Iomraidhean Croise

Mateo 17:5

Qaq co'ollaq ña detaqtac so Pedro, nachi anac so l'oc mayi ÿataqta 'edoigui. Somayi ipelteelguete soomayi. Nachi se'eso l'oc chimaqtoigui so n'aqtac, 'eeta': –'Eda dam ÿalec mayi ÿataqta ÿauotaxat, damayi ÿataqta ñitootapeguec. Qaq damayi qan'axaÿaxañiÿa qome.

Mateo 3:17

Nachi qai'axaÿa, chimqot na piguem, 'eeta': –'Eda da ÿalamaxat ÿalec mayi ÿauotaxat. Damayi ÿataqta ñitootapeguec.

Marcos 1:11

Nachi qai'axaÿa so n'aqtac chimqot na piguem, 'eeta': –'Am mayi nachi'am ÿalec, 'am ÿauotaxat, aÿim ÿataqta 'am ñitootapeguec.

Lucas 24:27

Ime, nachi da'aqtaxanema soomayi 'enauac nam n'aqtaguec somayi nam nanettañi naua ñiyigui'shi l'aqtaqa ñi Dios, ÿachigoxottot aso hua'auchiguiñi lliyiguishi so Moisés, ividaxatta'a asom pa'ateec lliyiguishi som l'aqtaxanaxanecpi ñi Dios.

Lucas 3:22

Nachi so Espíritu Santo anaÿaña somayi, 'eeta'am na qoto' ÿataqta yi'oqta. Ime, nachi chimqot na piguem so n'aqtac, 'eeta': –'Am mayi nachi'am ÿalamaxat ÿalec, 'am ÿauotaxat, aÿim ÿataqta 'am ñitootapeguec.

Juan 1:18

Ñi Dios qaica ca ishit da ilogui, qalaxayi so 'oonolec llalec mayi ÿataqta neto'ot ñimayi, somayi nachiso so qomi' ÿauattonaxanaxanque ñi qadta'a.

Juan 14:9

Nachi so Jesús 'enapego' somayi, 'eeta': –Felipe, aÿim mashi huo'oi soua na'axa'te da qami' soota'agueta, ¿qalaq ñaq saxanoxo' da aÿim 'auauatton? Cha'ayi ca aÿim ila'a, camayi nataq'en ila'a ñi ita'a, qaq ¿tá'ainco' yi aÿim 'auÿaxaatacot da qami' salloxonaxanguilo ñi ita'a?

Juan 15:24

Qaq namayipíctaxa sa ishit da huo'o ca lasouaxashit, da sa ishit da huangui ñaq'en namayipi da so'ot nam sa ishit da huo'o ca ÿañoxot da i'ot; qaq namayipi sogote da ÿauaachigui ne'ena so'otpi, qalaxayi ñaqaiyita sa ÿaqalan da aÿim nquiÿa, nataq'en ñi ita'a.

Juan 5:32

Qalaxayi huo'o ñim lÿa mayi aÿim i'axattac, qaq aÿim saÿaten da ca 'enapec ñimayi, camayi ÿataqta 'eesa.

Juan 6:27

Sa ishit qome da qau'onataxañiitapeguelec cam nallic mayi taÿa'a da imeuo, chaqcata cam nallic mayi sa ishit da imeuo, qataq chigaqaigui ca nca'alaxa mayi chochaq tateec. Qaq 'eca cam nallic mayi qami' ÿanema qome na shiÿaxaua llalec. Cha'ayi ñi lta'a Dios nachina na ÿicchigui da ÿaÿamaxadeeta.

Juan 8:18

Qaq aÿim maichi ñi'axattapeguela't, qataq ñim ita'a mayi aÿim namaq, ñimayi nataq'en aÿim i'axattac.

1 Timoteo 1:17

Ÿoqo'oyi nagui sanaxam ñi qadta'a Dios da qayi'oxonnataxanaxa qataq da qadyacnataxanaxac mayi chochi tateec. Ñimayi qaica ca loga't, qataq sa ishit da qaila'a. Ñim Dios mayi qaica ca lÿa 'en'am, qataq ÿajnaxanaxaic. Aja', nachi 'eetec de'eda.

1 Timoteo 6:16

Ñimayi mayi chochi tateec, qataq huetaigui na n'edaxa mayi sa ishit da qanhuogou'a. Qaica ca shiÿaxaua ishit da ila'a. Ñimayi mayi hueto'ot da lli'oxoyic qataq da l'añaxac chochi tateec. Aja', nachi 'eetec de'eda.

1 Juan 4:12

Ñi Dios qaica da huo'o ca nma'ai' da ÿauatton. Qalaxayi ñi 'oonolec da shinaqta da ÿataqta ÿauotec ca lÿa, nachi ñi Dios qomi' hueta'agueta, nachi da lauotaxanaqtaic ñimayi ivitta'a da nalochiguiñi da qomi' huetaiguilo.

1 Juan 4:20

Qalaxayi da huo'o ca 'eeta': “Aÿim sauotec ñi Dios,” qalaxayi camayi da ña nquiÿata'ai' ca lqaÿa, nachi camayi chochi tenataxanaxaic. Cha'ayi ca 'oonolec shiÿaxaua da huo'otaq sa ishit da ÿauotec ca lqaÿa mayi ilota'a, nachi camayi ¿huá'aguectoxo' da ishit da ÿauotec ñi Dios mayi sa ishit da ila'a?

1 Juan 5:9

Qaq qomi' ishit da sa'amaqtenaq da l'aqtaxanaxac ca chochi shiÿaxaua. Qalaxayi da l'aqtaxanaxac ñi Dios ÿataqta ÿacteec, cha'ayi damayi i'axat da n'aqtaguec so llalec.