Juan 5:24 - Nuevo Testamento Toba Sur

²⁴ Qaq ÿataqta 'eesa de'eda qami' sa'axatema, da ca n'axaÿaxana de'eda sa'axattac, qataq i'amaqten ñim aÿim namaq, nachi camayi huo'o da lca'alaxa chochaq tateec. Nachi sa ishit da qaÿauo'o qome ca nhuaxanaguec, cha'ayi mashi sogote da ca'ai da nleuaxa da inoxoneu'a da nca'alaxa.

Nuevo Testamento Toba Sombrero Negro

²⁴ “Eja da'me ami ja'aĝatema: ga'me jo'ne naquiaĝanalo naa'me 'yaqataqa nataq'aen p'iya'a ñe'me jo'ne jayem namaĝaquena, qama'le yauana da'me lec'alaĝa jo'ne qaya'te loiquiaqa', nataq'aen da'me ja yitaĝa 'uo da'me ne'uaĝanaguec, qa'a joote chiyaqaue da'me neleuaĝa qama'le yataqachiñe nec'aletaye.

La'aqtaqa Ñim Lo'onatac 'Enauacna 2013

²⁴ Qaq ỹataqta 'eesa de'era qami' sa'axatema, da ca na'axaỹaxana de'era sa'axattac, qataq ỹa'amaqten Ñim Aỹem namaq, nache camaye mashe inoxoneua'a da lataxac da nca'alaxa maye qaica ca loga't. Qaq camaye nataqa'en saishet da qaỹauo'o qome ca nhuaxanaguec, cha'aye mashe sogote da ca'ai da nleuaxa da inoxoneua'a da nca'alaxa.

Juan 5:24 Iomraidhean Croise

Mateo 25:46

Qaq qom ime, nachi ne'enapi taigui qome cam chochi tateec nhuaxanaguec, qaq nam no'on da lataxac, qalaq taigui cam chochaq tateec achaalataxac.

Marcos 16:16

Qaq ca da'amqajnataxan, nachi qanachilaxan, qaq nachica qome ca qanca'alaxateec; qaq cam sa ishit da da'amqajnataxan, nachi camayi nachi 'eetai' qome da netagui da lasouaxashit.

Juan 11:26

Qaq 'enauac nam ña nca'altauec nagui mayi aÿim i'amaqten, nachi namayipi sa nauane' qome da ileu. Qaq ¿'au'amaqten peta'a de'eda?

Juan 12:44

Nachi so Jesús ÿataqta nlamaxaden da detaqa, 'eeta': –Ca aÿim i'amaqten, camayi sa ishit da nachaqaÿimta da aÿim i'amaqten, cha'ayi nataq'en ñi ita'a mayi aÿim namaq.

Juan 20:31

Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.

Juan 3:16

Cha'ayi ñi Dios ÿataqta lta'adaic da lauotaxanaqtaic na shiÿaxauapi, ÿoqo'oyi ÿan na 'oonolec llalec, yaqto' 'enauac nam i'amaqten namayi, nachi sa ishit da ileu. Chaqdata da huo'o da lca'alaxa mayi chochaq tateec.

Juan 3:18

Ca i'amaqten na llalec ñi Dios, nachi camayi sa ishit da huo'o ca nhuaxanaguec. Qalaxayi cam sa i'amaqten namayi, nachi sogote da huetalec da huo'o da nhuaxanaguec qanqoÿin, souaxat da sa ishit da i'amaqten na 'oonolec llalec ñi Dios.

Juan 3:36

Qaq cam i'amaqten se'eso ñalec, nachi camayi huo'o da lca'alaxa chochaq tateec. Qaq cam sa ishit da i'amaqten, nachi camayi sa ishit da taÿot de'eda nca'alaxa, chaqdata da huetalec camayi dam qaica ca 'en'am da lchic lhuaxanaxanaxac ñi Dios.

Juan 4:36

Qaq cam daqataxaatac, camayi ÿaconguet ca nshiitenaguec. Qaq nam ala na nanguishic mayi nqattac, namayi naigui ca nca'alaxa mayi chochaq tateec, yaqto' cam danaxaatac qataq cam daqataxaatac ishit da 'eeta'a't da ntootapigui'salo.

Juan 6:40

Da 'eetapeguec ñim aÿim namaq, nshitaique da 'enauac nam ÿamato'ot na llalec ñi Dios qataq i'amaqten namayi, nachi huo'o da lca'alaxa chochaq tateec, qataq da ñica'alaxateec qom iviteuga ca pa'ateec na'a'q.

Juan 6:47

Qaq ÿataqta 'eesa de'eda qami' sa'axatema, da cam aÿim i'amaqten, nachi ishit da huo'o da lca'alaxa mayi chochaq tateec.

Juan 6:50

Qalaxayi aÿim sa'axattac aso pan mayi chigoqo'ot na piguem, da ca chic asomayi, nachi sa ishit da ileu.

Juan 6:51

Qaq aÿim mayi nachaÿim pan mayi ñica'altauec, qataq sachigoqo'ot na piguem. Ca chic ana'ana pan, nachi huo'o da lca'alaxa chochaq tateec. Ana pan mayi san, nachida da i'oquiaxac. Qaq damayi san, yaqto' nca'aleec na shiÿaxauapi.

Juan 6:58

Qaq aÿim sa'axattac aso pan mayi chigoqo'ot na piguem. Qaq asa'aso pan, asomayi sa ishit da 'eeta'am aso maná mayi chictac co'ollaxa som hua'au qadta'aipi, qalaxayi nachi 'en'am 'enauac somayipi ileu. Qaq cam chic asa'aso pan mayi sa'axattac, nachi camayi nachi 'eetai' da nca'altauec.

Juan 8:51

Qaq ÿataqta 'eesa de'eda qami' sa'axatema, da ca ÿalaxaguet dam shinapec, nachi camayi sa nauane' da ileu.

Romanos 8:1

Qaq ÿoqo'oyi nagui sa ishit da qaÿauo'o ca nhuaxanaguec cam mashi sogote da n'attau'a so Cristo Jesús, cam mashi sa ishit da quegue cam qauem 'eetapeguec da lapachiyaxac, chaqcata cam 'eetapeguec som Espíritu Santo.

1 Ts 5:9

Cha'ayi ñi Dios sa ishit da qomi' lca'agui'shi da ÿauo'o ca qanhuaxanaguec ca pa'ateec na'a'q. Chaqdato' da saconaxaguet da nca'alaxa mayi chigoqo'ot so qadataxala' Jesucristo.

1 Pedro 1:21

Qaq chigoqchigui so Cristo da huo'o mshi qami' qau'amaqchiñi ñi Dios, ñim qaltaq nca'alaxateeguesop somayi da nleuaxa qataq ÿanem da lli'oxoyic, ÿoqo'oyi qami' qaupi'iÿa'ai qataq qanaquichiÿa'a ñimayi.

1 Pedro 1:5

Qataq souaxat da qami' huo'o da qadpi'iÿaxaqui ñi Dios, nachi ñimayi qami' npaxattalguete naq'en da l'añaxac, da yaqto' qaviyiÿa'aguet ca nca'alaxa mayi ÿaqataxaatapigui' ñimayi da qami' ÿauattonaxanaxanque caua pa'atreec na'axa'te.

1 Juan 3:14

Cha'ayi qomi' mashi soqolqa'ai da 'ico' qadeleuaxa, nachi huo'o da qadca'alaxa. Qaq damayi saÿajnaqta, cha'ayi sauotaxac na qadqaÿañicpi. Qaq cam sa ishit da ÿauotec ca lqaÿa, qaq camayi ñaq 'eetalec da leuaxaic.

1 Juan 5:1

Qaq 'enauac nam huo'o da lpi'iÿaxac so Jesús da nachiso so nta'a mayi qadca'alaxaqui, namayipi llalaqpi ñi Dios. Qaq ca ÿauotec ñi qadta'a, qaq nataq'en ÿauotec na llalaqpi ñimayi.