Juan 5:2 - Nuevo Testamento Toba Sur

² Nachi se'eso la ciudad huo'o som lasom mayi qaÿamata'ac nasom ana qagueta. Qaq se'eso lasom nachi sa qaÿapeque asom laÿi' na 'etaxat mayi naua l'aqtaqa na hebreo l'ecpi ÿamata'ac Betesda. Asomayi ivi' cinco naua nqalaxaqui' naua laÿil.

Nuevo Testamento Toba Sombrero Negro

² Di'me Jerusalén, yauaqa'a ga'me jom 'me lenaĝat da'me 'Naĝanaĝatel, 'uo jaga'me noĝop lae't jo'ne hebreo lenaĝat q'aen da'me Betzatá, jo'ne yauanalo gaa'me cinco ga'me qotayape'ualo.

La'aqtaqa Ñim Lo'onatac 'Enauacna 2013

² Qaq se'eso lpaqtaxat ye nỹecpi ye Jerusalén, huo'o som lasom maye qaỹamata'ac «Nasom ana Qagueta.» Somaye, nache saqaỹapeque asom laỹe' na 'etaxat maye huo'oi soua cinco ñeguereuo maye nataqa'en ishet da qanayeeto'ot na lpaqal, qaq na la'aqtac na hebreo da iỹaxana qalaq Betzatá.

Juan 5:2 Iomraidhean Croise

Juan 19:13

Nachi so Pilato co'ollaq hua'axaÿa de'eda, nachi damaxasoxoolec da qanqateec so Jesús. Nachi somayi nso'ootaña som huaña da qai'ot na nasouaxashitpi, mayi qaÿamata'ac da l'enaxat Gabatá nam hebreo l'aqtaqa. Damayi naigui da ndoteec na coma' ca napiaqa'.

Juan 19:17

Qaq co'ollaq ime, nachi qanayicot so Jesús, maichi ÿachitac so npe'enaxaqui, da nqo'oneuga so 'alhua mayi qaÿamata'ac da nqaic lpi'inec lma'. Qaq nam hebreo naua l'aqtaqa ÿamata'ac Gólgota.

Juan 19:20

Qaq ÿataqta qalota na judiopi na itaxaÿaxaatac se'eso nedec, cha'ayi se'eso 'alhua, mayi huaña co'ollaq qaiuaxaneuo so Jesús, somayi sa qaÿapeque so la ciudad. Qaq se'eso nedec qoÿittrañi naua l'aqtaqa na hebreo l'ecpi, qataq griego l'ec, qataq na latín l'ec.

Juan 20:16

Nachi so Jesús 'enapego' asomayi, 'eeta': –¡María! Nachi asomayi ÿamato'ot, nachi huota'ai naua l'aqtaqa na hebreo da 'enapega, 'eeta': –¡Raboni! (Damayi naigui da 'eeta': 'Am napaxaguenataxanaq).

Juan 5:3

Qaq asomayi nachi hueta'asop na qalota dalolaxaicpi, huo'o na tagoxoic, qataq huo'o na ñi'iidauo naua lchil qataq na sa da'añiigue. Qaq namayipi chochi iuatta'a ca ndaxanataguec na l'ec 'etaxat asomayi.

Juan 7:21

Nachi so Jesús 'enapeco': –Aÿim 'oonolec co'ollaxa da so'ot co'ollaq huaigui so na'a'q mataxaqui, nachi 'enauac da qoñiita ÿataqta qau'elqaim.

Hechos 21:40

Nachi so huataxanaq lta'a ÿashiitem so Pablo da detaqa. Nachi somayi nachajñi cam ñiguishiguem, nachi ÿachaxaashiguem na lhuaq da 'enapega na shiÿaxauapi da de'enaxaatai'. Qaq co'ollaq mashi ntochiguiñi, nachi somayi detaqa, huota'aisalo naua l'aqtaqa na judiopi. Nachi 'eeta':

Apocalipsis 16:16

Nachi se'esoua n'eco leguemaxaiqa lapona't na nta'alpi da laponqa' naq'en so 'alhua mayi na hebreo l'aqtaqa l'enaxat Harmagedón.

Apocalipsis 9:11

Qaq asa'aso shiiquioxoi nachi lataxala' som ilotague' cam laponqa' na leuaxaicpi. Qaq se'eso nataxala', somayi l'enaxat Abadón nam l'aqtac na hebreo l'ecpi. Qaq nam griego l'ecpi, qalaq ÿamata'ac Apolión. Damayi naigui da laataxanaxaic.