Juan 4:6 - Nuevo Testamento Toba Sur

⁶ Nachi naña somayi aso ñi'illoxoqui mayi qoÿinac lli'illoxoqui so Jacob. Qaq cha'ayi so Jesús mashi nasamñi, nachi somayi nso'ootalec co'ollaxa na alap asa'aso ñi'illoxoqui. Cha'ayi mashi yaqta'a da na'a'q.

Nuevo Testamento Toba Sombrero Negro

⁶ Nach'edi jo'ne na'ña jaga'me lopi'yaĝaiqui di'me Jacob. Qama'le ñe'me Jesús ne'tajop da'me neli'ñejop da'me leuoĝoc, qalaqach'ele nadi'ta jo'me laeñi jo'me nolo'.

La'aqtaqa Ñim Lo'onatac 'Enauacna 2013

⁶ Qaq co'ollaq mashe laiñi so na'a'q, nache So Jesús ỹataqta nasamñi souaxat da lqueuoxoc. Ỹoqo'oye Somaye nso'oolec na laỹe aso nshere,

Juan 4:6 Iomraidhean Croise

Mateo 27:45

Nachi 'enauac ana 'alhua ÿataqta napanñi, chigoqta'a so na'a'q laiñi, chochi ivitta'a so dashichiguiñi aso nala' se'eso avit.

Mateo 4:2

Nachi somayi sa ishit da deque'e, chochi ividaxattrauec soua cuarenta na'axa'te qataq soua cuarenta pe'. Qaq co'ollaq inoxoodeec se'esoua na'axa'te, nachi huo'o na lqouaxa.

Mateo 8:24

Qaq co'ollaq mashi qanayictalec aso lapel, nachi anac so l'at lta'adaic, Nachi ana lapaxa so 'etaxat tangui aso barco. Qalaxayi so Jesús do'ochita.

Lucas 2:7

Nachi huaña yimayi co'ollaq ñiguiñi so l'auaxanec llalec. Nachi lpataxangui so lapo', ime, nachi ÿachangui aso lqui'axaqui na nlo shiguiÿacpi, cha'ayi souaxat da qaica ca lma't soomayi som noÿic mayi n'ochaqa'.

Lucas 9:58

Nachi so Jesús 'enapeco': –Ana huaxaÿaxapi huo'o na lauac, qataq na qoÿopi 'enauac huo'o na lpata'c, qaq ne'ena shiÿaxaua llalec, qalaxayi sa ishit da huo'o ca l'axasoqo' da do'ochi.

Juan 11:9

Nachi so Jesús 'enapeco': –¿Sa ishito' da yi 'oonolec na'a'q ivi' na doce horas? Yi ñi 'oonolec shiÿaxaua da huo'otaq queuotapigui yi na'a'q, qalaq sa ishit da qui'aqñi, cha'ayi camayi ilotaigui na yi'oqchiguiñi ana 'alhua.

Juan 4:12

Som hua'au qadta'a Jacob co'ollaxa qomi' n'onaxata'agueta ana'ana lli'illoxoqui. Anamayi nachana co'ollaxa ana yi'illiitapigui qataq som llalaqpi, qataq som n'atetpi. Qaq, ¿'am peta'a 'anapacalco' somaxa?

Juan 4:5

Qaq co'ollaq ivita so pueblolec yim Samaria, l'enaxat Sicar, somayi sa qaÿapeque som 'alhua mayi ÿami' co'olloxochiyi so Jacob so llalec José.

Juan 4:7

Qaq soua lapaxaguenataqa tadeu'a se'eso pueblo da deshijnaxaadaique ca alo'q. Nachi nvidaxasom aso 'alo mayi lma' yi Samaria da naÿaxaama asa'aso ñi'illoxoqui da huotaique da nqatshiguem ca 'etaxat. Nachi so Jesús 'enapega asomayi, 'eeta': –'Auauo'o ca ÿaquip.

2 Corintios 8:9

Cha'ayi mashi qauauattoñi qami' da lqouagaxanaqtaic so qadataxala' Jesucristo, da somayi ÿataqta sallaxanec. Qalaxayi somayi ÿataqta nachoxoden, souaxat da lauotaxanaqtaic da qoñiita, yaqto' qami' ishit da qami' sallaxanqa, souaxat da lachoxoyic somayi.

Hebreos 2:17

Qaq nachida da huo'o mshi somayi iuen da ÿataqta 'eeta'am qanqoÿin da lataxac na lqaÿañicpi, da yaqto' ishit da ivida'a da npe'et qataq choxonnataxanaxaic lataxala' na ntaxaÿaxanaxanecpi da qaitaxaÿapegue' ñi Dios, qataq da yaqto' ÿapalaxat da lasouaxashit na shiÿaxauapi, ÿachigoxotchigui da nañanguet da nalaataguec.

Hebreos 4:15

Cha'ayi som qadtaxaÿaxanaxanec, somayi ÿataqta huo'o da lchoxonnataxanaxa da shinaqta souaxat da qaica ca qad'añaxac. Cha'ayi somayi co'ollaxa ÿataqta nque'etaxangui 'enauac na ÿotta'a't ñi'iguenataguec, 'eeta'am da shinaqta. Qalaxayi somayi sa ishit da huo'o ca lasouaxashit.