Juan 4:48 - Nuevo Testamento Toba Sur

⁴⁸ Nachi so Jesús 'enapega somayi, 'eeta': –Qami' sa ishíttaxa da qau'amqajnataxañi da huo'otaq saxanaxa da qauauañiichigui na n'anecpi qataq nam sa qaÿauanapigui.

Nuevo Testamento Toba Sombrero Negro

⁴⁸ Qama'le ñe'me Jesús enaac, enapega joñe'me: —¡Ami jo'ne ja jayem 'te auep'iiya'a qom ja auañiyalo jogaa'me 'nanaqa choqogaa'me naloĝonataĝanaĝaco jo'ne di'yo't!

La'aqtaqa Ñim Lo'onatac 'Enauacna 2013

⁴⁸ Nache So Jesús 'enapega somaye, 'eeta': –Qami' saishettaxa da qaua'amqaanataxañi da huo'otaq saxanaxa da qauauañiichigui na na'anecpi qataq nam sa qaỹauanapigui.

Juan 4:48 Iomraidhean Croise

Mateo 16:1

Na fariseopi qataq na saduceopi nqo'ona so Jesús da ÿauotaique da ÿauo'o ca ÿachigoxotchigui lasouaxashit naq'en somayi. Nachi qaiÿaxanot somayi, da yaqto' i'ot ca n'anec sa qaÿauanapega da chigoqo'ot naq'en na piguem.

Mateo 24:24

Cha'ayi ÿataqta qalota qome na anac da 'eetega nta'a nca'alaxaqui, huo'otaq 'eetega da l'aqtaxanaxanecpi ñi Dios. Nachi namayipi i'ot qome na lta'adaic n'anecpi qataq nam sa qaÿauanapega, da yaqto' datenataxan. Qaq sa iuena'a da ishit nataq'en qome da ÿañoxot da ÿatenachit nam lca'aguishicpi ñi Dios.

Mateo 27:42

–Nca'alaxateec ca lÿa, qalaq ñimayi sa ishit da maichi nca'alaxajla't. Qom ÿoqta 'eesa da nachiñi ñi lta'a na llalaqpi so Israel, qaq no'on da huenoteeguesop ñi npe'enaxaqui, yaqto' ishit da sa'amaqtenaq ñimayi.

Marcos 13:22

Cha'ayi qalota qome na tenataxanaxaicpi anac, 'eetega da nta'a nca'alaxaqui, huo'otaq da l'aqtaxanaxanec ñi Dios. Nachi namayipi qome i'ot na lta'adaic n'anecpi qataq nam sa qaÿauanapigui, da yaqto' datenataxan. Qaq sa iuena'a qome da nataq'en ishit da ÿatenachit na maichi lca'aguishicpi ñi Dios.

Lucas 10:18

Nachi so Jesús 'enapeco': –Aja', aÿim sauaachigui can najñi so Satanás, chigoqtot na piguem, 'eeta'am na nqashilgaxa.

Lucas 16:31

Qalaxayi so Abraham 'enapeco': “Da sa ishit da ÿalaxaguet so Moisés qataq som l'aqtaxanaxanecpi ñi Dios, qaq ¡huá'aguectoxo' da ishit da da'amqajnataxan, nai'ctaxa da huo'o ca qaltaq nca'aleec!”

Juan 12:37

Qaq nai'ctaxa da so Jesús ÿataqta qalota na i'ot n'anec mayi sa qaÿauanapega da ÿauaachigui naq'en somayipi, qalaxayi ñaqaiyita sa ishit da qai'amaqten somayi.

Juan 15:24

Qaq namayipíctaxa sa ishit da huo'o ca lasouaxashit, da sa ishit da huangui ñaq'en namayipi da so'ot nam sa ishit da huo'o ca ÿañoxot da i'ot; qaq namayipi sogote da ÿauaachigui ne'ena so'otpi, qalaxayi ñaqaiyita sa ÿaqalan da aÿim nquiÿa, nataq'en ñi ita'a.

Juan 2:18

Nachi na judiopi inattac somayi, 'eeta': –¿Négue't ca n'anec qomi' 'auachaxanalo, da yaqto' ishit da 'am sa'amaqtenaq da ÿoqta 'eesa huo'o ca qonec da 'au'ot de'eda?

Juan 20:29

Nachi so Jesús 'enapego' somayi, 'eeta': –'Am Tomás, nagui 'au'amqajnataxan, cha'ayi aÿim 'anauane'. Qalaxayi ÿataqta machiguiñi qome ca nai'ctaxa da sa ishit da aÿim ilogui, qalaxayi da'amqajnataxan.

Juan 4:49

Qalaxayi se'eso ltaua so nta'a 'enapeco': –'Am ÿataxala', ÿataqta sa 'anaÿaloxon qome da qojec, llaxatemallaxa yi ÿalec da saxanaxa da ileu.

Hechos 14:3

Qaq ÿoqo'oyi soomayi ÿataqta huo'oi soua na'axa'te da huetra'a yimayi, nachi ÿataqta sa ishit da ñi'idelec da i'axattrac da n'aqtac qataq ÿataqta huedelec so qadataxala'. Nachi so qadataxala' ÿataqta ipacchiguilo naq'en naua l'aqtaxanaxaco soomayi da i'axattrac da lqouagaxanaqtaic ñi Dios, nachi ÿanema soomayi da l'añaxac, da yaqto' i'o't na n'anecpi qataq nam sa qaÿauanapega.

Hechos 15:12

Huaña, nachi 'enauac somayipi ÿi'imaqtom. Nachi qan'axaÿaxana so Bernabé qataq so Pablo da i'axattrac na n'anecpi qataq nam sa qaÿauanapega da i'ot ñi Dios, ÿachigoxotchiguilo soomayi da huaigui naq'en nam sa ishit da judiopi.

Hechos 2:19

Qataq sacho'ot na piguem da sachaxan ca ishit da i'ot da n'aalaxa, qaq ana 'alhua sauo'o na n'anecpi: ntago'q, nodec, nchaxa lta'adaic.

Hechos 2:22

Qaq ÿoqo'oyi qami' Israel llalaqpi, qan'axaÿaxañiÿa da i'aqtac, 'eeta': So Jesús mayi Nazaret l'ec, somayi ÿataqta qaÿaÿateeta da 'eesa lamaxashic ñi Dios. Qaq qami' qauauañiichigui co'ollaq somayi i'ot nam i'ot na n'aalaxa qataq nam sa qaÿauanapega qataq nam n'anecpi mayi qami' huanguilo da i'ot naq'en somayi ñi Dios. Qaq qami' mashi sogote da qauaÿajñiita damayi.

Hechos 2:43

Qaq 'enauac na shiÿaxauapi ÿataqta huo'o da l'aalaxa, cha'ayi soua namaxa'shi qalota na i'o't n'anecpi qataq nam sa qaÿauanapega.

Hechos 4:30

Qataq qomi' 'ai'anema cam 'ad'añaxac, da yaqto' qomi' ñatadenaq na sa no'onpi, qataq da so'otaq na n'anecpi qataq na sa qaÿauanapigui, da so'onataxanaxa da l'enaxat som qui'itta 'ai'alec Jesús.

Hechos 5:12

Qaq ÿataqta qalota na n'anecpi qataq na sa qaÿauanapigui da i'o't soua namaxa'shi da huaigui naq'en na shiÿaxauapi. Qaq 'enauac namayipi lapootega't, hueta'a cam qaÿamata'ac nqasoxoc so Salomón.

Hechos 6:8

Qaq se'eso Esteban, somayi ÿataqta nlaqchigui da l'añaxac ñi Dios qataq da lqouagaxanaqtaic ñimayi, nachi somayi i'ot na sa qaÿauanapega qataq na n'anecpi huaigui naq'en na shiÿaxauapi.

Hechos 7:36

Qaq nachiso so Moisés so nqateeguesop yi Egipto so hua'au qadta'alpi. Qataq nachiso so i'ot nam sa qaÿauanapigui qataq na n'anecpi yi'iyi 'alhua, qataq co'ollaq huaña aso auaxai togaxadai, qataq so tojlec 'alhua se'esoua cuarenta vi'iyi.

Romanos 15:19

qataq da l'añaxac na n'anecpi qataq nam sa qaÿauanapegapi qataq da l'añaxac so Espíritu Santo. Qaq 'eda da 'eetec da aÿim sematta da sa'axat da n'aqtac mayi n'aqtaguec so Cristo dam chigaqaigui da nca'alaxa, sachigoqchiguiña yi Jerusalén qataq 'enauaque naua 'ale'u, chochi sovitta'a yi Iliria.

1 Corintios 1:22

Na judío l'ecpi nmitta'ai da ÿauaachigui na n'anecpi mayi sa qaÿauanapega. Qaq na saq judío l'ecpi nmitta'ai da saqalota na laÿajnecpi.

2 Corintios 12:12

Cha'ayi da ñiualaxaunaxac co'ollaq qami' sootapegueto, qataq nam n'anecpi, qataq nam sa qaÿauanapigui, qataq nam i'ot da n'aalaxa, nachina na ichoxot da ÿoqta 'eesa da aÿim lamaxashic so Jesús.

2 Ts 2:9

Da lvidaxac que'eca 'itaxaloxoic nactaigui da l'onataxanaxac so shiÿaxaua lma'na, l'enaxat Satanás. Ÿataqta lta'adaic da l'añaxac, ishit da i'ot na n'anecpi qataq ca sa qaÿauanapigui mayi depi'itaqtaxan.

Hebreos 2:4

Ñi Dios nataq'en ÿataqta 'itchiguiñi de'eda n'aqtaxanaxac. Ÿoqo'oyi ÿauo'oi naua l'anqa, qataq nam i'ot da n'aalaxa, qataq qalota nam i'ot nam sa qaÿauanapigui, qataq chigoqchigui naq'en so Espíritu Santo da ñimayi ÿotta'a't naq'en da 'eetec da qomi' ÿanema, qaq ipacchigui da maichi 'eetapeguec.