Juan 4:29 - Nuevo Testamento Toba Sur

²⁹ –Ña qauanaqui qome, ña qamejnaxañiuga da shiÿaxaua mayi i'axatau'a 'enauac nam so'otpi co'ollaxa. ¿Peta'a nachida da nta'a nca'alaxaqui?

Nuevo Testamento Toba Sombrero Negro

²⁹ —Anec'achiquena qaedi ami jauegalo ñe'me jiyaĝaua jo'ne jayem 'yaĝatem yema daa'me jo'ne jauo'oe. ¿Qo'li ja naqaeñe ñe'me Dios Liquiyac?

La'aqtaqa Ñim Lo'onatac 'Enauacna 2013

²⁹ –Ña qauanaqui, ña qameenaxañeuga da ỹale maye ỹa'axataua'a 'enauac nam so'otpi co'ollaxa. ¡Peta'a nachera da Lca'aguishec Ñim Lo'onatac 'Enauacna maye qaiuattaique!

Juan 4:29 Iomraidhean Croise

Mateo 12:23

Nachi 'enauac na shiÿaxauapi ÿataqta huo'o da l'aalaxa, nachi 'eeta': –¿Nachida peta'a dam llalec so David de'eda?

Juan 4:25

Nachi aso 'alo 'enapeco': –Aÿim saÿaten da anac qome ca Mesías –mayi naigui da Cristo, nta'a nca'alaxaqui–. Qaq qom ivita da nvi', nachi camayi qomi' da'aqtaxanema qome 'enauac na lataxaguesat.

Juan 4:28

Nachi aso 'alo n'onaxatchigui aso laco'oña da jec da nqo'oneu'a so pueblo. Nachi da'aqtaxaatapeguem na shiÿaxauapi, 'eeta':

Juan 4:30

Nachi anac nam chigaqau'a yi pueblo, nachi qananauga ca hueta'a so Jesús.

Juan 4:39

Qaq ÿataqta qalota nam lma' yi pueblo Samaria nam i'amaqten so Jesús souaxat de'eda l'aqtaxanaxac asa'aso 'alo co'ollaq 'eeta': “I'axatau'a 'enauac nam so'otpi co'ollaxa.”

Juan 7:26

Cha'ayi damayi ÿataqta nachaxaata da detaqtac, qalaq qaica ca ishit da 'enapega damayi. ¿Ÿoqta peta'a da nataq'en na nta'alpi da i'amaqten damayi, da nachida dam nta'a nca'alaxaqui?

Juan 7:31

Qalaxayi ÿataqta qalota na i'amaqten somayi. Nachi namayipi 'eeta': –Qom ivita da nvi' ca nta'a nca'alaxaqui, qaq ¿peta'a ÿacteec na i'ot n'anecpi mayi sa qaÿauanapega da napacalec dam da' shiÿaxaua?

Apocalipsis 22:17

Qaq so Espíritu Santo qataq aso huotaique da lhua so qagueta llalec 'eeta': –Ña 'auanac. Qaq cam hua'axaÿa de'eda n'aqtac, qaq nataq'en 'eeta': –'Auanac. Qaq cam ilem na laquip, qaq da nshapeque da nÿom, qaq no'on da anac, nachi nÿomgui ca 'etaxat mayi chigaqaigui da nca'alaxa. Qaq camayi chochi qoÿaachi'.