Juan 4:27 - Nuevo Testamento Toba Sur

²⁷ Qalchaq mashi nvilyi' soua lapaxaguenataqa, nachi soomayi ÿataqta huo'o da l'aalqa' da 'alo aso detaqtague' so Jesús. Qalaxayi sa ishit da huo'otaq huo'o ca inat somayi da chaq negue't ca 'eetapeguec asomayi, huo'otaq cam n'aqtaxaatrapigui soomayi.

Nuevo Testamento Toba Sombrero Negro

²⁷ Qanach'e male novi't jogaa'me lapaĝaguenataqa, qama'le yoqochetem da'me yauata ñe'me Jesús queda'me dojetapegue' jañe'me Samaria laje. Qalaĝaja qaya'te onolec ta'le yenatec ga'me jo'ne 'yaĝatetapem jaga'me uotaĝa da'me toqoch'e dojetapegue'.

La'aqtaqa Ñim Lo'onatac 'Enauacna 2013

²⁷ Huaña, nache nvi't soua lapaxaguenataqa So Jesús, nache soomaye ỹataqta huo'o da la'aalaqa' co'ollaq ila'alo Somaye da detaqtague' aso 'alo. Qalaxaye qaica ca ishet da inat Somaye da chaq negue't ca 'eetapeguec qataq chaq negue't ca na'aqtaxaatrapigui.

Juan 4:27 Iomraidhean Croise

Mateo 8:10

Qaq co'ollaq hua'axaÿa de'eda so Jesús, nachi ÿataqta huo'o da l'aalaxa. Nachi 'enapega som nnaictague'pi, 'eeta': –Aÿim ÿataqta 'eesa de'eda shinapec da 'enauac na llalaqpi so Israel qaica ca selalec da ÿapacteec da lpi'iÿaxac da huo'otaq 'eeta'am de'eda shiÿaxaua.

Lucas 7:39

Qaq co'ollaq ÿauaachigui de'eda so fariseo mayi ÿayina'a da lqui'axaua so Jesús, nachi deuennataxaatac, 'eeta': “Ñi'iñi shiÿaxaua da ÿoqta 'eesa da l'aqtaxanaxanec ñi Dios, qaq ishíttaxa da ÿauatton añim 'alo mayi ipottau'alo naua lchil da añimayi quishiguetaxai.”

Juan 4:28

Nachi aso 'alo n'onaxatchigui aso laco'oña da jec da nqo'oneu'a so pueblo. Nachi da'aqtaxaatapeguem na shiÿaxauapi, 'eeta':