Juan 3:32 - Nuevo Testamento Toba Sur

³² Qaq camayi da detaqa, qalaq i'axat nam ÿauaachigui qataq nam hua'aqchigui. Qalaxayi sa ishit da huo'o ca i'amaqten cam 'enapec camayi.

Nuevo Testamento Toba Sombrero Negro

³² nach'eñe jo'ne 'yaĝatetac ga'me jo'ne mach'e yauana nataq'aen da'me domachiya, qalaĝaja qaya'te ta'le yaconeguet da'me 'laqataĝanaĝac.

La'aqtaqa Ñim Lo'onatac 'Enauacna 2013

³² qataq ỹa'axat nam maiche ỹauaachigui qataq hua'aqchigui. Qalaxaye saishet da huo'o ca ỹa'amaqten cam 'enapec camaye.

Juan 3:32 Iomraidhean Croise

Mateo 7:8

Cha'ayi cam deÿaxan, qalaq ÿaconguet ca iÿaxanaique; qataq cam demitaxan, qalaq ÿanata ca nmittaique; qataq ca itoqneu'a ca lasom, qalaq qanauateguet.

Juan 1:11

Qaq somayi anaÿa na maichi lalamaxat lma', qalaxayi na maichi lalamaxat lauo' l'ecpi sa ishit da ÿaconguet.

Juan 15:15

Nagui sa ishit da qami' samata'aque da qami' nlataqa, cha'ayi ca chochi nlatac sa ishit da ÿaÿaten cam i'ot ca n'aco'. Qaq nagui qami' samata'aque da qami' ñauochaxa'u, cha'ayi qami' sauattonaxanaxanque 'enauac nam l'aqtacpi ñi ita'a mayi aÿim ÿami'.

Juan 18:37

Nachi so Pilato 'enapego' somayi, 'eeta': –¿Qachi ÿoqta 'eesa da 'am nta'a? Nachi so Jesús 'enapeco': –Aja', aÿim nta'a, nachida dam qonapec. Aÿim sañiguiñi da ñanaÿa ana 'alhua, da yaqto' sa'axat cam 'eesa. Qaq 'enauac nam ÿalaxalec dam 'eesa, namayipi n'axaÿaxana dam i'aqtaxanaxac.

Juan 3:11

Aja', qalaxayi ÿataqta 'eesa de'eda 'am sa'axatem, da qomi' sa'axataqtac cam saÿajnaq qataq cam sauanaqchigui, qalaxayi qami' sa ishit da qomi' qau'amaqchiñi'.

Juan 3:26

Nachi se'esoua nale't nqo'oodeu'a so Juan da qai'aqtaxanem, qoÿiita': –'Am mayi 'auapaxaguenataxaatac, ña 'aumeten da 'am hueta'aguet so lÿa na'a'q mayi hueta'ague da nala' lliguishiguem yim tala Jordán, dam qomi' 'au'axattapeguema co'ollaxa, damayi nagui dachilaxanataxaatac. Nachi 'enauac na shiÿaxauapi quetague'.

Juan 3:33

Qalaxayi da huo'o ca i'amaqten camayi, nachi que'eca da'amqajnataxan ÿataqta 'eesa naq'en cam 'enapec ñi Dios.

Juan 5:20

Cha'ayi ñim lta'a ÿataqta ÿauotec nam llalec, ÿoqo'oyi ÿachaxana 'enauac nam i'otpi, qataq ñaq queto'ot da ÿoqta lta'adaicpi qome na ÿachaxanapi namayi, nachi ÿataqta ishit qome da i'ot da qad'aalaqai.

Juan 8:26

Aÿim ÿataqta ña qalota na i'aqtacpi da qami' shinapegalo qataq da ñimit na qadasouaxashichi. Qalaxayi ñim aÿim namaq, ñimayi ÿataqta 'eesa dam l'aqtac, qaq 'enauac nam sa'axatem nam huetalec ana 'alhua, nachina na sa'aqchigui l'aqtacpi ñimayi.