Juan 3:31 - Nuevo Testamento Toba Sur

³¹ Cam chigaqa'ague da piguem, camayi napacalec 'enauacna. Qaq cam chigaqalec ana 'alhua, camayi ipacchigui ca chochi 'alhua l'ec. Nachi da detaqa, qalaq i'axattac na huetalec ana 'alhua. Qalaxayi cam chigaqa'ague da piguem, camayi napacalec 'enauacna.

Nuevo Testamento Toba Sombrero Negro

³¹ Joñe'me jo'ne chiyoĝogue di'me p'ajeguem napacalegue ena'uac; gaa'me jo'ne ueda'ña jena'me aleua nach'egaua jo'ne ch'e aleua laje' nataq'aen da'me 'yaĝate'tape gaa'me uo'oe jo'ne ch'e ueda'ña jena'me aleua. Qalaĝaja joñe'me jo'ne chiyoĝogue di'me piyem nach'eñe jo'ne napacalegue ena'uac,

La'aqtaqa Ñim Lo'onatac 'Enauacna 2013

³¹ Qalaxaye cam chegaqa'ague da piguem, camaye nataỹaña 'enauacna, qaq cam huetalec ana 'alhua camaye 'alhua le'ec, nache ipacchigui da ỹa'axattac nam huetalec ana 'alhua, qalaxaye cam chegaqa'ague da piguem camaye nataỹaña 'enauacna,

Juan 3:31 Iomraidhean Croise

Mateo 28:18

Nachi so Jesús nquiga somayipi, nachi 'enapega, 'eeta': –Aÿim mashi aÿim qaipataxalec da samaqpec 'enauac na hueto'ot na piguem qataq na huetalec ana 'alhua.

Juan 1:15

Qaq so Juan i'axattac co'ollaxa somayi, 'eeta': –'Eda da aÿim sa'axatta'aguet co'ollaq shiita': “Huo'o ca aÿim nca'attaueegue, qaq que'eca aÿim nca'attaueegue, ca mayi aÿim napacalec, cha'ayi nal'ena da huo'o co'ollaq saxanaqca aÿim.”

Juan 1:27

damayi aÿim nca'attalec, qaq nai'ctaxa da damayi nal'ena da huo'o co'ollaq saxanaxa da aÿim huo'o. Qataq sa ishit da yalou'a da ñaqa't naua lapela'te lque'te.

Juan 1:30

Qaq aÿim sa'axattac namayi co'ollaq shiita': “Huo'o na aÿim nca'attalec, namayi nal'ena da huo'o co'ollaq saxanaqca aÿim, cha'ayi namayi nachi 'eetai' da huo'o.”

Juan 3:30

Qaq camayi mayi taÿa'a da nquictashiguem da l'amaqchic, qaq aÿim qalaxayi nquictañi da i'amaqchic.

Juan 6:33

Cha'ayi acam pan mayi ÿan ñi Dios, nachaca acam chigoqtot na piguem mayi anac da ÿanem da lca'alaxa na shiÿaxauapi.

Juan 6:51

Qaq aÿim mayi nachaÿim pan mayi ñica'altauec, qataq sachigoqo'ot na piguem. Ca chic ana'ana pan, nachi huo'o da lca'alaxa chochaq tateec. Ana pan mayi san, nachida da i'oquiaxac. Qaq damayi san, yaqto' nca'aleec na shiÿaxauapi.

Juan 8:23

Nachi so Jesús 'enapega somayipi, 'eeta': –Qami' qauachigoqoitelec ne'ena npa'aguiñi; aÿim, qalaxayi sachigoqta'ague da pa'ashiguem. Qami' maichi qadmayi ana 'alhua; aÿim, qalaxayi sa ishit da ima' ana'ana 'alhua.

Hechos 10:36

Ñi Dios namaxa co'ollaxa na llalaqpi so Israel da l'aqtac, dam l'aqtac mayi i'ot da nlagaxa, chigoqchigui so Jesucristo som lataxala' 'enauac na shiÿaxauapi.

Romanos 9:5

Namayipi maichi llalaqpi som hua'au qadta'alpi. Qaq da yi'oqchigui lapachiyaxac namayipi chigoqtoigui so Cristo som qoÿanagui da qadta'a Dios da ilo'ogue 'enauacna, da yaqto' nachi 'eetai' da qaÿi'oxodeetac. Aja', nachi 'eetec de'eda.

Hebreos 9:1

Nataq'en som hua'auchiguiñi aÿamaxataxac huo'o da lataxac da qai'ot da ñi'oxonnataxanaxac, qalaxayi huaigui acam n'onaxanaxaqui mayi lashi ana 'alhua.

1 Pedro 3:22

som taigue da piguem, nachi nso'oota'ague da aloic ñi Dios da ÿamaqpec na namaxashicpi piguem l'ecpi qataq na damaxasoxonapecpi qataq na n'añaxacpi.

1 Juan 4:5

Qaq nam tenataxanaxaicpi quetague' na 'onataxacpi mayi huetalec ana 'alhua, ÿoqo'oyi i'axattac. Qaq nam 'eeta'am quetague' na 'onataxacpi ÿataqta n'axaÿaxana namayipi.

Apocalipsis 19:16

Qataq somayi so lapo' qataq na ltele'ta nachi nanettalec so l'enaxat, 'eeta': Lta'a na nta'alpi qataq lataxala' na nataxala'pi.