Juan 3:13 - Nuevo Testamento Toba Sur

¹³ Cha'ayi sa ishit da huo'o ca taigue da piguem, chaqcata cam chigaqa'ague da piguem, mayi nachina nam shiÿaxaua llalec, mayi nachi 'eetai' da neta'ague da piguem.

Nuevo Testamento Toba Sombrero Negro

¹³ “Qaya'te ta'le yec'adije'ma di'me piyem dite ñe'me jo'ne nenochiñe 'me chiyoĝogue di'me piyem, jo'ne nach'eñe Jiyaĝaua Lec'oĝot.

La'aqtaqa Ñim Lo'onatac 'Enauacna 2013

¹³ Cha'aye saishet da huo'o ca taigue da piguem, nachaqcata cam chegaqa'ague da piguem, maye nachena nam Shiỹaxaua Llalec.

Juan 3:13 Iomraidhean Croise

Mateo 28:20

Qataq qauapaxaguiñiic qome namayipi da ÿalaxalec 'enauac na ÿaqataxacpi mayi qami' sanema. Qataq sa ishit qome da qaucouai'ai da aÿim nachi 'eetai' da qami' soota'agueta 'enauaque naua na'axa'te, chochi ivitta'a ca loga't ana 'alhua. Aja', nachi 'eetec de'eda.

Mateo 8:20

Nachi so Jesús 'enapeco': –Anam huaxaÿaxapi huo'o na lauacpi, qataq nam maÿopi huo'o na lpata'cpi. Qaq nam shiÿaxaua llalec, qalaxayi sa ishit da huo'o ca l'axasoqo'.

Juan 1:18

Ñi Dios qaica ca ishit da ilogui, qalaxayi so 'oonolec llalec mayi ÿataqta neto'ot ñimayi, somayi nachiso so qomi' ÿauattonaxanaxanque ñi qadta'a.

Juan 17:5

Qaq nagui, 'am ita'a, ñishitaique da sootau'a na 'adaÿi, da aÿim 'ai'anem da ÿi'oxoyic mayi saatañi co'ollaq 'am sooto'ot co'ollaq saxanaqaca ana 'alhua.

Juan 3:12

Cha'ayi qami' da sa ishit da aÿim qau'amaqchiñi da huo'otaq qami' sa'axattapeguema nam huetalec ana 'alhua, nachi ¿huá'aguectoxo' da ishit da aÿim qau'amaqchiñi da qami' sa'axatema cam hueta'ague da piguem?

Juan 3:31

Cam chigaqa'ague da piguem, camayi napacalec 'enauacna. Qaq cam chigaqalec ana 'alhua, camayi ipacchigui ca chochi 'alhua l'ec. Nachi da detaqa, qalaq i'axattac na huetalec ana 'alhua. Qalaxayi cam chigaqa'ague da piguem, camayi napacalec 'enauacna.

Juan 6:33

Cha'ayi acam pan mayi ÿan ñi Dios, nachaca acam chigoqtot na piguem mayi anac da ÿanem da lca'alaxa na shiÿaxauapi.

Juan 6:38

Cha'ayi aÿim sa ishit da sachigoqtot na piguem da ñanac da so'ot ca maichi shiitapeguec, chaqdata da ñanac da so'ot ca 'eetapeguec ñim aÿim namaq.

Juan 6:42

Nachi somayipi 'eeta': –¿Damayi sa ishito' da nachida da Jesús, dam llalec so José? Qomi' sauattonaq so lta'a José qataq aso late'e. Qaq ¿táloxochiyo' da 'enapec chigoqo'ot na piguem?

Juan 6:46

Sa ishit da huo'otaq huo'o ca ilogui da lashiguiÿaxac ñi ita'a; chaqnata nam chigoqtot ñimayi mayi nachinata ishit da ÿauatton ñimayi.

Juan 6:51

Qaq aÿim mayi nachaÿim pan mayi ñica'altauec, qataq sachigoqo'ot na piguem. Ca chic ana'ana pan, nachi huo'o da lca'alaxa chochaq tateec. Ana pan mayi san, nachida da i'oquiaxac. Qaq damayi san, yaqto' nca'aleec na shiÿaxauapi.

Juan 6:62

Qaq ¿huá'ago' ca qoñiitec qone' da huo'otaq qami' qauloÿa'a na shiÿaxaua llalec da ÿi'iguelaxashiguema yim hueta'a co'ollaxa?

Juan 8:42

Nachi so Jesús 'enapega somayipi, 'eeta': –Da ÿoqta 'eesáctaxa da qadta'ai ñi Dios, nachi qamí'ctaxa ÿataqta aÿim qauauochiic. Cha'ayi aÿim nachi sachigoqtot ñimayi, qaq nagui qami' sootaiguilo. Aÿim sa ishit da maichi ñalligoxottela't da ñanac, cha'ayi ñimayi aÿim namaq.

Hechos 2:34

Cha'ayi so David sa ishit da nachiso so taigue da piguem. Cha'ayi somayi 'enapeco': Ñi qadataxala' Dios, ñimayi 'enapega ñi ÿataxala', 'eeta': “'Anso'oota'ague qome da aÿoic,

Hechos 20:28

Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

Romanos 10:6

Qataq da 'eetec da huo'o ca ishit da ÿaÿamaxadeeta ñi Dios da chigoqchigui da lpi'iÿaxac, qalaq 'eeta': “Sa ishit da detaqtagui da 'adquiyaqteÿaxac da qoneta': ¿Négue't ca ishit da taÿot na piguem, da yaqto' ishit da ñi'iguelaxajñi so Cristo?

1 Corintios 15:47

So hua'auchiguiñi shiÿaxaua qaÿachigoxotaigui ana 'alhua, qaq somayi 'alhua l'ec. Qalaxayi so ÿaqa'aguet shiÿaxaua som qadataxala', somayi chigoqo'ot na piguem.

Efesios 1:23

Cha'ayi na 'amqajnataxanaxaicpi nachina na 'eeta'am da l'oquiaxac so Cristo. Qaq namayipi ÿataqta imatta't da lataxac somayi. Qaq somayi ÿataqta naloqchiichiguiñi naq'en 'enauacna.