Juan 21:7 - Nuevo Testamento Toba Sur

⁷ Nachi som napaxaguenatac mayi ÿataqta nauochaxaua so Jesús, somayi 'enapego' so Pedro, 'eeta': –¡Nachida da qadataxala'! Nachi co'ollaq chochi hua'aqchigui de'eda so Simón Pedro da nachiso so qadataxala', nachi ÿaayiñi soua alogo (cha'ayi somayi nqa't co'ollaxa soua alogo), nachi padenaxangui so 'etaxat.

Nuevo Testamento Toba Sombrero Negro

⁷ Chane'eja ñe'me napaĝaguenatac jo'ne yataqata nauotaĝaua joñe'me Jesús t'aqataĝanem joñe'me Pedro, enaac: —¡Naqaeñe ñe'me Qadejaliaĝanec! Mane'e da'me domachiya ñe'me Simón Pedro da'me naqaeñe joñe'me Jaliaĝanec, qampaja'a da'me nejachegue jaga'me lapoto, da'me qaya'te louo laqaya ta'le yatañe, qama'le tañgui joga'me noĝop.

La'aqtaqa Ñim Lo'onatac 'Enauacna 2013

⁷ Nache so lapaxaguenatac maye ỹataqta nauochaxaua So Jesús, somaye 'enapego' so Pedro, 'eeta': –¡Nachera da Qarataxala'! Nache co'ollaq choche hua'aqchigui de'era so Simón Pedro da nacheso So Qarataxala', nache ỹaayiñi soua alogo maye nqa't co'ollaxa da ya'aco, nache parenaxangui so 'etaxat.

Juan 21:7 Iomraidhean Croise

Marcos 11:3

Qaq da huo'o ca qami' ina't, da ta'ainco' da qoñiitec de'eda, nachi qoñiÿapega qome da ñi qadataxala' iuen. Qalaxayi qom imat namayi, nachi ñi'iguelaxat.

Lucas 12:35

Ÿataqta qanaÿamaxachiitai' qome, aca qadcoÿadaxanaxaquii qalaq sogote da 'ettaigui qanqashiñi.

Lucas 2:11

Qaq damayi 'eeta': nagui lañoqo' yi npueblo so David cam qaÿauotaique da qadca'alaxaquii l'enaxat da Cristo cam qadataxala'.

Lucas 7:47

Qaq ÿoqo'oyi nagui 'am sa'aqtaxanem da añimayi de'eda lta'adaic lauotaxanaqtaic naigui da ishit da qaÿapalaxat na qalota lasouaxashit, cha'ayi ca shiÿaxaua da saqalligueme da qaichoxoden, qaq nachi 'en'am saqalligueme da ÿachaxan da lsoxoyic.

Juan 13:23

Qaq huo'o so 'oonolec som lapaxaguenatacpi so Jesús, som ÿataqta nauochaxaua, qaq somayi nachi netau'a na laÿi da lqui'axaua.

Juan 19:26

Nachi so Jesús co'ollaq ila'a aso late'e da nachattañi, nachi huaqta'ai' som lapaxaguenatac mayi ÿataqta lauotaxat, nachi 'enapego' aso late'e, 'eeta': –'Am 'alo, 'eda qome da 'ai'alec.

Juan 20:2

Nachi asomayi jec, nqalgoqtau'a ca hueta'a so Simón Pedro qataq so lÿa napaxaguenatac som ÿataqta nauochaxaua so Jesús. Nachi 'enapegalo', 'eeta': –So qadataxala' qanqateeguesop co'ollaxa añi nhuachiqui, qaq qomi' sa ishit da saÿajnaq ca qaÿacha'ague camayi.

Juan 20:20

Qaq co'ollaq ime da 'enapec de'eda somayi, nachi ÿachaxa'n naua lhua'q qataq na laÿi. Nachi soomayi ÿataqta huo'o da ntonaxa'c da ilodo'ot so qadataxala'.

Juan 20:28

Nachi so Tomás 'enapeco': –¡'Am ÿataxala' qataq 'am ita'a Dios!

Juan 21:20

Qaq co'ollaq nqoilec so Pedro, nachi ila'aguet so napaxaguenaxaua mayi ÿataqta nauochaxaua so Jesús, som huetau'a co'ollaxa na laÿi co'ollaq huo'o so nqui'axac, som inattac somayi co'ollaq 'eeta': “'Am ÿataxala', ¿chaq négue't cam taÿa'a da 'am ÿaneuo?”

Juan 21:24

Qaq nachiso se'eso napaxaguenatac, som i'axattac 'enauac de'eda, qataq maichi ÿiyiñi. Qaq qomi' saÿajnaq da ÿoqta 'eesa de'eda 'enapec.

Juan 21:8

Qaq soua lÿa't napaxaguenataqa qalaq ivittra'ata so loigue da netrangui aso nnotaxaqui', qaÿauogueleeta'ata so naleguec, ÿataqta nlaqchigui na nÿaq, cha'ayi se'eso le'ego ivi' ca cien metros yi lshiquetta.

Hechos 10:36

Ñi Dios namaxa co'ollaxa na llalaqpi so Israel da l'aqtac, dam l'aqtac mayi i'ot da nlagaxa, chigoqchigui so Jesucristo som lataxala' 'enauac na shiÿaxauapi.

Hechos 2:36

Ÿoqo'oyi 'enauac na llalaqpi so Israel iuen da ÿataqta ÿaÿateeta de'eda, da se'eso Jesús mayi qami' qauaxañiiuo co'ollaxa, nachiso som ÿanagui ñi Dios da qadataxala' qataq nta'a qadca'alaxaqui.

1 Corintios 15:47

So hua'auchiguiñi shiÿaxaua qaÿachigoxotaigui ana 'alhua, qaq somayi 'alhua l'ec. Qalaxayi so ÿaqa'aguet shiÿaxaua som qadataxala', somayi chigoqo'ot na piguem.

2 Corintios 5:14

Da lsoxoyic so Cristo nachida da qomi' ÿama'q, cha'ayi qomi' saÿajnaqta da 'oonolec so ileualec 'enauac na shiÿaxauapi, qaq ÿoqo'oyi 'enauac namayipi nataq'en 'eeta'am da ileu.

Santiago 2:1

Qami' ÿaqaÿa't, mayi qau'amaqchiñi som ÿi'oxodaic qadataxala' Jesucristo, sa ishito' qome da qalca'aitagui na shiÿaxauapi.