Juan 21:1 - Nuevo Testamento Toba Sur

¹ Qaq co'ollaq ime de'eda, nachi so Jesús qaltaq nachaxanalo soua lapaxaguenataqa huaña yi loigue aso lapel mayi huaña yi Tiberias. Qaq da 'eetec co'ollaq nachaxanalo, 'eeta':

Nuevo Testamento Toba Sombrero Negro

¹ Mane'e joca'li yem da'me dojo', qama'le Jesús yitaĝa naloĝonegueta jogaa'me lapaĝaguenataqa, ua'ña di'me lae jaga'me qa'em lat'edai jo'ne yauaqa'a di'me noic jo'ne Tiberias, qama'le naq'aeta da'me 'uo joca'li:

La'aqtaqa Ñim Lo'onatac 'Enauacna 2013

¹ Qaq co'ollaq ime de'era, nache So Jesús qaltaq nachaxanalo soua lapaxaguenataqa huaña ye loigue aso lapel ye Tiberias. 'Era da 'eetec co'ollaq nachaxanalo, 'eeta':

Juan 21:1 Iomraidhean Croise

Mateo 26:32

Qalaxayi qom mashi qaltaq yica'aleec, nachi aÿim sa'auta'ague qome da Galilea.

Mateo 28:16

Nachi soua once lapaxaguenataqa je'c da tadegue da Galilea da nqo'ooda aso qasoxonaxa mayi ÿachaxanapec co'ollaxa so Jesús, da huaña, qaq qanauane'.

Mateo 28:7

Qaq sa qanaÿaloxoñi qome da qoquii, nachi qau'aqtaxañiima caua lapaxaguenataqa. Qoñiita': “Somayi ileu, qalaxayi mashi qaltaq nca'aleec. Qaq mashi hua'auta'ague da Galilea. Qaq huaña qome yimayi, nachi qanauañi'.” Qaq 'eda da n'aqtac mayi qami' sa'axatema.

Marcos 16:12

Qaq co'ollaq ime de'eda, nachi so Jesús qaltaq ÿoxosa'a da 'eetec co'ollaq nachaxanalo soua dos somayipi co'ollaq taidauga ca n'onaxa.

Marcos 16:14

Qaq co'ollaq qaÿata'ague de'eda, nachi so Jesús nachaxanalo soua once lapaxaguenataqa, co'ollaq soomayi nso'ootrañi, datatalguete ca nqui'axala'. Nachi somayi nlaxaiguilo soomayi, souaxat da qaica ca lpi'iÿaxa'c qataq da ÿataqta qadamchiguilo naua lquiyaqte, cha'ayi sa ishit da i'amaqte'n nam nauane' somayi da mashi qaltaq qanca'alaxateec.

Marcos 16:7

Qauesomiÿa qome, qau'aqtaxañiim cam lapaxaguenatacpi, qataq ca Pedro, qoñiita': “Somayi mashi hua'auta'ague da Galilea. Huaña qome yimayi, nachi qanauañi', qaq ipacchigui dam l'aqtac mayi qami' ÿanema co'ollaxa.”

Juan 21:14

Qaq 'eda da 'eetec co'ollaq mashi ivi' na tres da ÿi'iguelaxalec da nachaxanalo soua lapaxaguenataqa co'ollaq ime da mashi qaltaq nca'aleec.

Juan 6:1

Qaq co'ollaq ime de'eda, nachi so Jesús taitague da le'ego aso lapel late'edai mayi huaña yi Galilea qataq yi la ciudad Tiberias.

Juan 6:23

Qalaxayi qaltaq huo'oi soua lÿa't barcos nvilyi', chigoqda'a yi la ciudad Tiberias, nvilda yim sa qaÿapeque yim huaña co'ollaq qanallic aso pan co'ollaq ime da ÿan da n'achic so qadataxala'.

Hechos 1:3

Qaq co'ollaq ime da l-leuaxa, nachi so Jesús qaltaq nachaxanalo soua lamaxa'shi. Qaq ivi' naua cuarenta na'axa'te da jec da nachaxanaxac, qaq de'eda nachaxanaxac i'axat da somayi ÿoqta 'eesa da nca'altauec. Nachi somayi i'axattapeguem somayipi da l'onataxanaxac ñi Dios da ilo'ogue 'enauacna.