Juan 20:25 - Nuevo Testamento Toba Sur

²⁵ Qaq co'ollaq imeueegue de'eda, nachi soua lÿa't napaxaguenataqa da'aqtaxaatapeguema somayi, qoÿiita': –Qomi' ñauanaxai' so qadataxala'. Qalaxayi so Tomás 'enapegalo' soomayi, 'eeta': –Aÿim da sa ishit da semete'n naua lhua'q ca lliguiyiñi ana clavo, huo'otaq da sepoteu'a ca lliguiyiñi ana clavo naua lhua'q qataq na laÿi, nachi aÿim sa ishit da sa'amaqten de'eda.

Nuevo Testamento Toba Sombrero Negro

²⁵ Chane'eja jogaa'me napaĝaguenataqa laqaya' t'aqataĝatem joñe'me, enapega't: —¡Qo'mi joote jauanaĝa jo'me Qadejaliaĝanec! Qalaĝaja Tomás 'yategueta jogaa'me: —Qom ja jec'ate'n jogaa'me loua' qaedi jauanalo naa'me yedidiñe jo'ne liideuo gaa'me clavos, uotaĝa da'me ja jejetoue janjo' yiyaĝata ga'me liiuo jo'me clavo, nataq'aen da'me ja jejetoue na'me youaq ga'me lae, qama'le jayem ja jaqanatet ta'le jep'iya'a.

La'aqtaqa Ñim Lo'onatac 'Enauacna 2013

²⁵ Qaq ỹoqo'oye co'ollaq nvireuo so Tomás, nache soua lỹa't napaxaguenataqa da'aqtaxaatapeguema somaye, 'eetra': –Qomi' ñauanaxai' So Qarataxala'. Qalaxaye so Tomás 'enapegalo' soomaye, 'eeta': –Saishet da sa'amaqten de'era aỹem qaua'aqtaxañiiteguem da huo'otaq saxanaxa da sela'alo caua lliguiyiñi ana clavo naua lhua'q camaye, qataq da ỹataqta sa'aroigui ana ỹaxaata, qataq da sepoteua'a ca lque'emaxa na laỹe.

Juan 20:25 Iomraidhean Croise

Mateo 27:42

–Nca'alaxateec ca lÿa, qalaq ñimayi sa ishit da maichi nca'alaxajla't. Qom ÿoqta 'eesa da nachiñi ñi lta'a na llalaqpi so Israel, qaq no'on da huenoteeguesop ñi npe'enaxaqui, yaqto' ishit da sa'amaqtenaq ñimayi.

Marcos 16:11

Qaq soomayi co'ollaq hua'axaida da mashi qaltaq nca'aleec so Jesús, qataq da mashi nauane' asomayi, nachi ÿoqoleguetta'pe de'eda.

Marcos 16:13

Nachi soomayi co'ollaxa ÿi'iguelaxadeuo da ÿauo'o da l'axaÿaxac so laÿipi, qalaxayi ñaqaiyita sa ishit da qai'amaqte'n soomayi.

Marcos 16:14

Qaq co'ollaq qaÿata'ague de'eda, nachi so Jesús nachaxanalo soua once lapaxaguenataqa, co'ollaq soomayi nso'ootrañi, datatalguete ca nqui'axala'. Nachi somayi nlaxaiguilo soomayi, souaxat da qaica ca lpi'iÿaxa'c qataq da ÿataqta qadamchiguilo naua lquiyaqte, cha'ayi sa ishit da i'amaqte'n nam nauane' somayi da mashi qaltaq qanca'alaxateec.

Lucas 24:25

Nachi so Jesús 'enapeco': –¡Ÿataqta qaico' ca qauaÿajñiÿapec qami', qataq qaÿaloqta da qau'amaqchiñi 'enauac nam l'aqtaxanaxacpi som l'aqtaxanaxanecpi ñi Dios!

Juan 1:41

Qaq so Andrés co'ollaxa ÿataqta i'auaxaachiguiñi da nqo'ona so lqaÿa Simón, nachi 'enapega, 'eeta': –Qomi' ñauanaxai' ñim qoÿiitega Mesías –de'eda n'enaxat naigui da Cristo, nta'a nca'alaxaqui.

Juan 20:27

Ime, nachi 'enapego' so Tomás, 'eeta': –Ña ipoteu'alo 'anqa'en naua 'axaata naua iua'q, qataq nataq'en 'aupoteu'a na ÿaÿi. Nachi sa ishit qome da 'auqolguetaxaatac, chaqdata da 'au'amqajnataxan.

Juan 21:7

Nachi som napaxaguenatac mayi ÿataqta nauochaxaua so Jesús, somayi 'enapego' so Pedro, 'eeta': –¡Nachida da qadataxala'! Nachi co'ollaq chochi hua'aqchigui de'eda so Simón Pedro da nachiso so qadataxala', nachi ÿaayiñi soua alogo (cha'ayi somayi nqa't co'ollaxa soua alogo), nachi padenaxangui so 'etaxat.

Juan 6:30

Nachi qainat somayi, qoÿiita': –Qaq ¿négue'to' ca n'anec ishit da qomi' 'auachaxanalo, da yaqto' seloxogui, nachi ishit da 'am sa'amaqtenaq? Qaq ¿négue't cam 'au'ot?

Hebreos 3:12

Qami' ÿaqaÿa't, maxatchaxa qome da qoñiita da sa ishit da huo'o ca sa ÿaÿamaxañi da lquiyaqteÿaxac da nshitaique da ca'ai ñi Dios mayi nachi 'eetai' nca'altauec souaxat da sa ishit da i'amaqten ñimayi.

Hebreos 3:18

Qataq ¿chaq négue't som detaxaÿa co'ollaxa ñi Dios da yaqto' sa ishit da inoxoneu'a ca nmataxac ñimayi? Qomyi som sa ishit co'ollaxa da ÿalaq.