Juan 20:23 - Nuevo Testamento Toba Sur

²³ Qaq cam qami' qauapalaxachi na lasouaxashitpi, nachi camayi qaÿapalaxat na lasouaxashitpi. Qaq cam sa ishit da qauapalaxachi na lasouaxashitpi, nachi camayi sa ishit da qaÿapalaxat na lasouaxashitpi.

Nuevo Testamento Toba Sombrero Negro

²³ Qama'le qom auapalaĝachi' naa'me loeco ga'me jiyaĝaua, qama'le naa'me loeco yataqata qoyapalaĝa't, Dios ja yitaĝa yauanalo naa'me. Qalaĝaja qom ja auapalaĝachi', qama'le ja qoyapalaĝa't naa'me loeco joga'me, Dios maliaĝa yauanalo.

La'aqtaqa Ñim Lo'onatac 'Enauacna 2013

²³ Qaq cam qami' qauapalaxache na lasouaxashetpi, nache Ñim Lo'onatac 'Enauacna ỹapalaxat na lasouaxashetpi. Qaq cam saishet da qauapalaxache na lasouaxashetpi, nache Ñimaye saishet da ỹapalaxat na lasouaxashetpi.

Juan 20:23 Iomraidhean Croise

Mateo 16:19

Qaq aÿim qome 'am sami' aca lvinaqte da l'onataxanaxac ñi Dios mayi neta'ague da piguem. Qaq ca 'am 'auashiita ana 'alhua, qaq camayi nataq'en qaÿashiita da piguem. Qaq ca 'am sa ishit da 'auashin, qaq camayi nataq'en sa ishit da qaÿashin da piguem.

Mateo 18:18

Qaq ÿataqta 'eesa de'eda qami' sa'axatema, da ca qami' sa qauashiñi ana 'alhua, qalaq nataq'en da piguem sa ishit da qaÿashin. Qataq cam qami' qauashiñiita ana 'alhua, qalaq nataq'en da piguem qaÿashiita.

Juan 20:22

Nachi somayi iquetetoiguilo soomayi so l'at, nachi 'enapegalo, 'eeta': –Qauacoñiiguet qome na Espíritu Santo.

Hechos 10:43

Nataq'en som hua'a'u vi'iyi 'enauac co'ollaxa som l'aqtaxanaxanecpi ñi Dios i'axatta'aguet so Jesús, da ca i'amaqten somayi, nachi qaÿapalaxat na lasouaxashitpi, chigoqchigui da l'enaxat somayi.

Hechos 2:38

Nachi so Pedro 'enapego' somayipi, 'eeta': –Qomyi qaualachi' qome naua qan'onataxacolli' da qoquiigue ñi Dios, nachi qami' qanachilaxa'n, qaÿachilaxanataxana da l'enaxat so Jesucristo, yaqto' ñi Dios ÿapalaxat na qadasouaxashichi, qataq qami' ÿanema ca Espíritu Santo.

1 Corintios 5:4

Qalapoñiÿa't qome da qanataÿigui da l'enaxat so qadataxala' Jesucristo. Qaq aÿim 'eeta'am da qami' ñachattaiguilo, qataq da l'añaxac so qadataxala' Jesús qami' hueta'agueta.

Efesios 2:20

Qataq qami' qoñiita'am ca noÿic mayi qan'oxootapiguishiguem, n'oxootelec qanqoÿin som lapaxañi co'olloxochiyi na lamaxashicpi so Jesús qataq na l'aqtaxanaxanecpi ñi Dios. Qaq nachiso so Jesucristo som 'ico' coma' mayi nllañi ca noÿic.

1 Timoteo 1:20

Qanachi 'eetec da huaiguilo soua Himeneo nataq'en so Alejandro. Ÿoqo'oyi soomayi sangueta so Satanás, yaqto' sa ishit da nachi 'eetra'ac da quetralec da sa iyacna'pe ñi Dios.