Juan 20:19 - Nuevo Testamento Toba Sur

¹⁹ Qaq se'eso na'a'q mayi l'auaxanec naua na'axa'te co'ollaq mashi pe, nachi soua napaxaguenataqa, soomayi lapoota'a't. Qaq ÿataqta ÿapochiyigui so lasom, souaxat da qañi'itega na judiopi. Nachi so Jesús pa'auo, nachi vichiguinguilo na laiñi soua lapaxaguenataqa. Nachi iqui'n, 'eeta': –Qami' huo'o qome da qadlagaxayiqui.

Nuevo Testamento Toba Sombrero Negro

¹⁹ Mane'e ca'li yovita jo'me pi'yaq, jo'me nolo' jo'ne domingo, qama'le jogaa'me napaĝaguenataqa joote yemeda'uet ga'me emec. Yataqata napadichigui joca'li joga'me najom qa'a 'uo da'me loqolanaqa' jogaa'me, t'oiyapegalo joga'me judiopi. Qalaĝaja ñe'me Jesús yenoĝoneua'alo, uañe laeñi jogaa'me qama'le yep'iye'n, enaac: —¡'Nemaĝac ami uetauelo!

La'aqtaqa Ñim Lo'onatac 'Enauacna 2013

¹⁹ Qaq se'eso na'a'q maye la'auaxanec naua na'axa'te co'ollaq mashe pe, nache soua napaxaguenataqa, soomaye lapoota'a't hueta'a ca nỹec. Qaq so lasom se'eso nỹec ỹataqta napochigui, souaxat da qañe'etega na lataxala'pi na judiopi. Nache So Jesús pa'auo, nache vichiguinguilo na laiñi soua lapaxaguenataqa. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da nlagaxayec.

Juan 20:19 Iomraidhean Croise

Mateo 10:13

Qaq cam lalamaxat que'eca nma', da huo'otaq ÿaconguet, nachi qan'onaxachiÿa'aguet de'eda qadquinaxanaxaqui mayi naigui da nlagaxayic. Qalaxayi da sa ishit da ÿaconguet, nachi qañi'iguelaxachiila't de'eda qadquinaxanaxaqui.

Mateo 18:20

Cha'ayi cam huetra'ague caua dos, huo'otaq tres, da lapootega't souaxat da aÿim i'amaqteetrac, nachi aÿim sootanguilo caamayi.

Marcos 16:14

Qaq co'ollaq qaÿata'ague de'eda, nachi so Jesús nachaxanalo soua once lapaxaguenataqa, co'ollaq soomayi nso'ootrañi, datatalguete ca nqui'axala'. Nachi somayi nlaxaiguilo soomayi, souaxat da qaica ca lpi'iÿaxa'c qataq da ÿataqta qadamchiguilo naua lquiyaqte, cha'ayi sa ishit da i'amaqte'n nam nauane' somayi da mashi qaltaq qanca'alaxateec.

Juan 14:27

Nagui qami' shica'aisalo, qalaq nda'a't da nlagaxayic. Qaq de'eda ilagaxayic qami' sanema, qalaxayi sa ishit da qami' sanema da huo'otaq shiita'am da 'eetec nam huetalec ana 'alhua da huo'otaq ÿan da l-lagaxayic. Qaq sa ishit qome da huo'o ca tatapigui yi qadvilli, qataq sa ishit da qayi'iitac.

Juan 16:22

Qaq nachi 'eetec nataq'en da qoñiita nagui huo'o da qadachitataiqui, qalaxayi aÿim qami' ñi'iguelaxalo qome, nachi da qadquiyaqteÿaxaqui ÿataqta nlaqchigui da qantonaxaqui, qaq que'eca qantonaxaqui sa ishit qome da huo'o ca nqat.

Juan 16:33

Qaq aÿim qami' sa'axatema 'enauac de'eda, yaqto' huo'o da qadlagaxayiqui da aÿim qan'ayiitau'a. Qami' ana 'alhua mayi qoviitalec huo'o qome da qanque'ejnaxaqui. Qalaxayi qan'añaxachi qome, cha'ayi aÿim mashi sogote da ÿoxonec nam 'onataxac mayi huetalec ana 'alhua.

Juan 20:21

Ime, nachi so Jesús qaltaq 'enapegalo soomayi, 'eeta': –Qami' huo'o qome da qadlagaxayiqui. Qaq de'eda 'eetec co'ollaxa da aÿim namaq ñi ita'a, qaq nachida qome da shiitec da qami' sama'q.

Juan 20:26

Qaq co'ollaq mashi ivi' naua ocho na'axa'te, nachi soua napaxaguenataqa qaltaq lapoota'a't da huetra'a so noÿic, nachi ÿalectauo so Tomás da hueta'agueta soomayi. Qaq nai'ctaxa da ÿataqta ÿapochigui so lasom, qalaq so Jesús pa'auo, nachi vichiguinguilo soomayi. Nachi iqui'n, 'eeta': –Huo'o qome da qadlagaxayiqui.

Juan 21:1

Qaq co'ollaq ime de'eda, nachi so Jesús qaltaq nachaxanalo soua lapaxaguenataqa huaña yi loigue aso lapel mayi huaña yi Tiberias. Qaq da 'eetec co'ollaq nachaxanalo, 'eeta':

Juan 21:14

Qaq 'eda da 'eetec co'ollaq mashi ivi' na tres da ÿi'iguelaxalec da nachaxanalo soua lapaxaguenataqa co'ollaq ime da mashi qaltaq nca'aleec.

Juan 7:13

Qalaxayi namayipi sa ishit da ÿoqta i'axaÿaqchit 'enauac na shiÿaxauapi da 'eetega somayi, souaxat da ñi'itega na judiopi.

Hechos 1:3

Qaq co'ollaq ime da l-leuaxa, nachi so Jesús qaltaq nachaxanalo soua lamaxa'shi. Qaq ivi' naua cuarenta na'axa'te da jec da nachaxanaxac, qaq de'eda nachaxanaxac i'axat da somayi ÿoqta 'eesa da nca'altauec. Nachi somayi i'axattapeguem somayipi da l'onataxanaxac ñi Dios da ilo'ogue 'enauacna.

Romanos 15:33

Qaq ñim Dios mayi chigoqo'ot da nlagaxayic hueta'aguet 'enauac qome da qoñiita. Aja', nachi 'eetec.

1 Corintios 15:5

Qaq ime, nachi somayi nachaxana so Pedro, ime qaltaq jec soua lÿa't lamaxa'shi.

Efesios 2:14

So Cristo nachiso so i'ot da qadlagaxayic. Cha'ayi somayi i'oteguet na judiopi qataq nam sa ishit da judiopi da 'eeta'am da maichi nhuo' l'ecpi, cha'ayi mashi ime da nlaxajñi som npaqtaxanaxat mayi i'ot da sa ishit da nhuojna't naq'en na shiÿaxauapi.

Efesios 6:23

Qaq ñim qadta'a Dios qataq so qadataxala' Jesucristo, ñiimayi ÿanem qome na qadqaÿañicpi da l-lagaxayic qataq da lsoxoyic da ÿauaxaÿaxanguet da lpi'iÿaxac.

Filipenses 1:2

Qami' qauacoñiiguet qome da lqouagaxanaqtaic qataq da l-lagaxayic ñi qadta'a Dios qataq so qadataxala' Jesucristo.

2 Ts 3:16

Qaq so qadataxala' Jesús mayi chigoqo'ot da nlagaxayic, somayi qami' ÿanema qome da qadlagaxayiqui 'enauaque naua vi'iyi qataq 'enauac na sochaqna lataxaguesat. Qaq somayi hueta'agueta qome 'enauac da qoñiita.

Hebreos 7:2

Nachi so Abraham ÿanem somayi ñi 'oonolec nam diez nam lhuotaxanaxatpi mayi ÿachigoxotaigui so alaataxac. Qaq de'eda n'enaxat Melquisedec da hua'auchiguiñi naigui 'eeta': “Nta'a mayi no'on da lataxac.” Qaq cha'ayi somayi nachiso so lta'a na netaña yi Salem yim nataq'en da naigui 'eeta': “Nlagaxayic,” qaq ÿoqo'oyi de'eda n'enaxat nataq'en da naigui 'eeta': “Lta'a da nlagaxayic.”

3 Juan 1:14

Cha'ayi seuata'a qom huo'otaq saqaÿaloq da 'am ñauane', nachi ÿataqta ñima'ai' da 'am setaqtapegue'.

Apocalipsis 1:4

Aÿim Juan, samaxa ana ÿide naua siete 'ale'u mayi netalguete na 'amqajnataxanaxaicpi mayi netaigui yi 'alhua Asia. Qami' ÿaqaÿañicpi, ñishitaique da qami' qauacoñiiguet da nqouagaxanaqtaic qataq da nlagaxayic mayi chigoqo'ot ñi Dios, ñim nachi 'eetai' da huo'o, qataq ñim do'onataxaatac nagui, qataq naÿa'cna. Qataq nataq'en chigoqo'ot nam siete saq cha'api mayi datatau'a ca nso'onqa' ñimayi.