Juan 20:17 - Nuevo Testamento Toba Sur

¹⁷ Nachi so Jesús 'enapego' asomayi, 'eeta': –Aÿim 'axaneec qome, cha'ayi aÿim saxanaxa da ñoqo'ongue da neta'ague ñi ita'a. Qalaxayi 'am qome qojec, nachi 'au'aqtaxanem ca ÿaqaÿañicpi da aÿim ñoqo'ongue da neta'ague ñi ita'a, ñim nataq'en qadta'ai, ñim ita'a Dios qataq nataq'en qadta'ai.

Nuevo Testamento Toba Sombrero Negro

¹⁷ Jesús male 'yateguet jañe'me, enaac: —Ena'te jayem anauequetañe, qa'a maliaĝa jona'li jec'ata joñe'me Taĝadena' qaedi jona'ajop qomle. Qalaĝaja da'me am, 'noota qom oc qaedi a'uaqataĝanema jogaa'me yaqaya'olqa queda'me male jec qaedi jona'ajop joñe'me Taĝadena' jo'ne nach'e ena'am mach'e Adet'ai, joñe'me jo'ne Ñedios nataq'aen da'me mach'e Anedios.

La'aqtaqa Ñim Lo'onatac 'Enauacna 2013

¹⁷ Nache So Jesús 'enapego' asomaye, 'eeta': –Aỹem 'axanec, cha'aye Aỹem saxanaxa da saigue da neta'ague Ñim Ita'a. Qalaxaye 'am qome qojec, nache 'aua'aqtaxanema caua ỹapaxaguenataqa da Aỹem saigue da neta'ague Ñimaye, Ñim nataqa'en Qarta'ai. Ñimaye Ỹataxala', qataq nataqa'en Qarataxala'ai.

Juan 20:17 Iomraidhean Croise

Mateo 12:50

Cha'ayi camachaqcague't shiÿaxaua, da huo'otaq i'ot cam 'eetapeguec ñi ita'a mayi neta'ague da piguem, qaq nachica cam ÿaqaÿa, qataq aca ÿaqaÿa, qataq aca ÿate'e.

Mateo 25:40

Nachi ne'ena nta'a 'enapec qome: “Ÿataqta 'eesa de'eda qami' sa'axatema da 'enauac ne'ena qau'ochiic ca 'oonolec ne'ena ÿaqaÿañicpi, da nai'ctaxa da qaica ca l'amaqchic, qaq nachaÿim mayi aÿim qau'ochiic de'eda.”

Mateo 28:7

Qaq sa qanaÿaloxoñi qome da qoquii, nachi qau'aqtaxañiima caua lapaxaguenataqa. Qoñiita': “Somayi ileu, qalaxayi mashi qaltaq nca'aleec. Qaq mashi hua'auta'ague da Galilea. Qaq huaña qome yimayi, nachi qanauañi'.” Qaq 'eda da n'aqtac mayi qami' sa'axatema.

Marcos 12:26

Qaq de'eda lataxac da qaltaq qanca'alaxateec na leuaxaicpi, qalaq ¿sa ishito' peta'a da qautaxaÿaxañiÿa'pe naua lliyigui'shi l'aqtaqa so Moisés, da 'eetec co'ollaq ñi Dios detaqtague' somayi, detaqtapoigui aso qo'ipaq lapole mayi ÿavictaigui? Qaq ñimayi 'enapeco': “Aÿim mayi nachaÿim nDios so Abraham, qataq so Isaac qataq so Jacob.”

Marcos 16:19

Qaq co'ollaq imat da da'aqtaxaatapeguema soomayi, nachi so qadataxala' Jesús naÿoxotchiguem qanqoÿin da taigue da piguem, nachi nso'ongue da aloic ñi Dios.

Lucas 10:4

Qaq sa ishit qome da qauachii ca qadachoxonaxaquii qataq ca laÿi' aca qodomi, nataq'en caua lÿa't qadapela'chilli', qataq sa ishit da huo'o ca qaumiilec da qoviita'a da qauquinaxañiitac na nqa'aic.

Juan 13:1

Qaq nachiso se'eso lÿa na'a'q so huetoigui so naponaxac da qaiuennate so na'a'q co'ollaq qanayica'ai yi Egipto. Qaq so Jesús mashi ÿaÿaten da ivita yi laloqo' da ca'ai ana 'alhua da ÿi'iguelaxa ñi lta'a. Qaq somayi nachi 'eetai' da lauotaxanaqtaic na lalamaxatpi mayi huetalec ana 'alhua, qaq nagui nachi ÿachaxana somayipi da 'eetec dam lta'adaic lauotaxanaqtaic.

Juan 14:2

Cha'ayi yi lma' ñi ita'a ÿataqta qalota na nma'pi. Qaq da sa ishit da 'eetec de'eda, nachi sa ishíttaxa da qami' sa'axattapeguema. Qaq ÿoqo'oyi aÿim ashic, da yaqto' saqataxanai' ca qadmayi.

Juan 14:28

Qaq mashi aÿim qau'aqaitega da aÿim ashic, qataq ñi'iguelaq, da yaqto' qaltaq qami' soota'agueta. Qaq da ÿoqta 'eesa da aÿim qauauochiic, nachi ishit da qauamaichiguiñi, da qauaÿajñi da aÿim saÿa ñi ita'a; cha'ayi ñimayi aÿim napacalec da l'amaqchic.

Juan 14:6

Nachi so Jesús 'enapega somayi, 'eeta': –Aÿim mayi nachaÿim nqa'aic, qataq nachaÿim 'eesa lataxac, qataq nachaÿim nca'alaxa. Saqca ca lÿa ñigueuo da qainoxoneu'a ñi ita'a, nachaqaÿimta.

Juan 16:28

Aÿim sachigoqtot co'ollaxa ñi ita'a da ñanaÿa ana 'alhua, qalaxayi nagui aÿim shica'ai ana 'alhua da shi'iguelaxa ñi ita'a.

Juan 17:11

Qaq aÿim mashi sa ishit da soota'a ana 'alhua. Qalaxayi namayipi ñaq huetalec ana 'alhua, qaq aÿim nagui ashic da 'am ñoqo'ona. 'Am ita'a mayi 'am qui'itta, 'au'ogoxona qome da 'ad'añaxac da 'antela'a nam aÿim 'ai'anempi, yaqto' namayipi ÿataqta n'atta't, 'eeta'am da 'eetec 'am qataq aÿim.

Juan 17:25

'Am ita'a mayi ÿataqta ÿaÿamaqchiyiñi naua 'au'o't, nam huetalecpi ana 'alhua sa ishit da 'am ÿauatton. Qalaxayi aÿim 'am sauatton, qaq ne'enapi mashi sogote da ÿaÿaten da 'am aÿim 'adamaxashic.

Juan 17:5

Qaq nagui, 'am ita'a, ñishitaique da sootau'a na 'adaÿi, da aÿim 'ai'anem da ÿi'oxoyic mayi saatañi co'ollaq 'am sooto'ot co'ollaq saxanaqaca ana 'alhua.

Juan 20:27

Ime, nachi 'enapego' so Tomás, 'eeta': –Ña ipoteu'alo 'anqa'en naua 'axaata naua iua'q, qataq nataq'en 'aupoteu'a na ÿaÿi. Nachi sa ishit qome da 'auqolguetaxaatac, chaqdata da 'au'amqajnataxan.

Juan 7:33

Nachi so Jesús 'enapeco': –Aÿim ñaq cada'acolec da qami' soota'agueta. Qaq qom ime, nachi aÿim shi'iguelaxa ñi aÿim namaq.

Romanos 8:29

Cha'ayi nam nal'ena co'ollaxa da ÿauattonpi ñi Dios, qaq nachina nam lca'au'a co'olloxochiyi ñimayi, da yaqto' 'eeta'am naq'en so llalec, yaqto' so llalec 'eeta'am ca ñaxanec da ÿataqta qalota na lqaÿañicpi.

2 Corintios 6:18

qataq yaqto' nachaÿim mayi aÿim qadta'ai. Qaq qami', qalaq qami' ÿalqa qataq qami' ÿalel, qaq 'eda da 'enapec ñim qadataxala' mayi qaica ca ÿaqalanapec.

Gálatas 3:26

Cha'ayi de'eda npi'iÿaxac nachida da huo'o mshi 'enauac da qoñiita qami' llalqa ñi Dios, souaxat da qan'ayiitau'a so Cristo Jesús.

Hebreos 11:16

Qalaxayi somayipi ña ipactega cam ÿataqta no'on lalamaxat lma', cam nma' mayi hueta'ague da piguem. Qaq ÿoqo'oyi ñi Dios sa ishit da n'aloxootac da namayipi ÿamata'ac ñimayi da ÿataqta lta'a Dios, cha'ayi ñimayi sogote da ÿaqataxaatapigui' cam naciudad namayipi.

Hebreos 8:10

Qaq cam ñaÿamaxataxac qom ñaÿamaxate' na llalaqpi so Israel qom mashi inoxoodeec que'ecaua na'axa'te, camayi qome ipacchigui da 'enapec ñi qadataxala', 'eeta': Aÿim qome sachaigui da lhuennataxac namayipi da ÿamaxasoxonaxac, qataq sedelguete naua lquiyaqte. Nachi namayipi aÿim lta'a Dios, qataq namayi maichi ÿalamaxatpi.

1 Pedro 1:3

Ÿataqta shi'oxodenaq qome ñi qadta'a Dios ñim lta'a so qadataxala' Jesucristo. Cha'ayi ñimayi ÿachigoxotchigui dam lta'adaic lchoxonnataxanaxa da qaltaq qomi' nañaxa't naq'en, ÿachigoxotchigui so Jesucristo co'ollaq nca'aleeguesop naq'en da nleuaxa. Qaq 'eda da chochaq tateec naq'en da qanaquitaxac,

1 Juan 3:2

Qami' ñauochaxa'u ÿaqaÿa't, nagui mashi qomi' llalqa ñi Dios. Qaq saxanaxa da qomi' qaichoxotema chaq hua'ague ca 'eetec qome ca qadataxac ca pa'ateec na'a'q. Qalaxayi qomi' saÿajnaq da qom nachaxan so Jesucristo, nachi ÿataqta shinaqta'am somayi, cha'ayi ÿataqta ñimaqa'ai' da seloqto'ot.

Apocalipsis 21:3

Nachi sa'axaÿa so n'aqtac ÿataqta alam, chimqot na piguem, 'eeta': –Ña 'aula'a, ñi Dios netangui nagui na shiÿaxauapi, ÿataqta lauodeuapi. Namayipi ÿataqta lauo' l'ecpi. Ñimayi ÿalecta'aguet na shiÿaxauapi, qaq nachiñi ñi lta'a Dios namayipi.

Apocalipsis 21:7

Qaq cam dauegaxan qome, nachi qoÿami' 'enauac ne'ena, 'eeta'am da nshiitenaxat qanqoÿin. Nachi camayi aÿim lta'a Dios, qaq camayi ÿalec.