Juan 2:4 - Nuevo Testamento Toba Sur

⁴ Nachi so Jesús 'enapega asomayi, 'eeta': –'Am 'alo, ¿tá'ainco' yi qonetec de'eda da aÿim qonapega? Yi aÿim saxanaxa da ivita yi ÿaloqo'.

Nuevo Testamento Toba Sombrero Negro

⁴ Jesús male 'yateguet: —Am María, ¿toqoch'e jayem a'uaĝatem da'me dojo'? Da'me cha'li jona'li jovita ga'me yaloqo' da'me jayem yi'yoĝoden ñe'me Taĝadena'.

La'aqtaqa Ñim Lo'onatac 'Enauacna 2013

⁴ Nache So Jesús 'enapega asomaye, 'eeta': –'Am ỹate'e, ¿ta'ainco' ye qonetec de'era da Aỹem qonapega? Ye Aỹem saxanaxa da ivita ye laloqo' da ñachaxan.

Juan 2:4 Iomraidhean Croise

Mateo 15:28

Nachi so Jesús 'enapeco': –¡'Am 'alo, ÿataqta 'eesa da lta'adaic da 'adpi'iÿaxac! Qaq nagui ÿataqta ipacchigui qome cam qonetapeguec. Qaq co'ollaq chochi qoÿan da n'aqtac, nachi aso llale no'oita.

Mateo 8:29

Nachi soomayi i'alaqtai'salo, 'eeta': –¿Tá'ainco' yi qomi' 'atapegueu'alo, 'am Jesús mayi 'am llalec ñi Dios? ¿'Am 'auanaicna'a peta'a da 'auauo'o da qanque'ejnaxac, qamaq saxanaxa da sevitaxa ca qadaloqo'?

Lucas 2:49

Nachi so Jesús 'enapeco': –¿Tá'ainco' yi aÿim qanmichiitaique? ¿Sa qauaÿajñiÿo' da aÿim iuen da souapegue' na l'onataxanaxacpi ñi ita'a?

Juan 12:23

Nachi so Jesús 'enapegalo soomayi, 'eeta': –Nagui mashi ivita yi laloqo' da na shiÿaxaua llalec qaÿauo'o da lli'oxoyic.

Juan 13:1

Qaq nachiso se'eso lÿa na'a'q so huetoigui so naponaxac da qaiuennate so na'a'q co'ollaq qanayica'ai yi Egipto. Qaq so Jesús mashi ÿaÿaten da ivita yi laloqo' da ca'ai ana 'alhua da ÿi'iguelaxa ñi lta'a. Qaq somayi nachi 'eetai' da lauotaxanaqtaic na lalamaxatpi mayi huetalec ana 'alhua, qaq nagui nachi ÿachaxana somayipi da 'eetec dam lta'adaic lauotaxanaqtaic.

Juan 2:3

Qaq imeuo so lataxa, nachi aso late'e so Jesús 'enapega somayi, 'eeta': –Mashi imeuo so lataxa.

Juan 20:13

Nachi se'esoua namaxa'shi piguem lashi' inatta'po' asomayi, 'eeta': –'Am 'alo, ¿tá'ainco' yi 'anoÿiitac? Nachi asomayi 'enapeco': –Qomyi souaxat da qaÿachi so ÿataxala', qaq aÿim sa saÿaten ca qaÿacha'ague camayi.

Juan 20:15

Nachi so Jesús inattac asomayi, 'eeta': –'Am 'alo, ¿tá'ainco' yi 'anoÿiitac? qataq ¿négue't ca 'anmittaique? Nachi asomayi ipi'itaxaatega da somayi nachiso som ilotague' se'eso nanguishi lma'. Nachi 'eetego', 'eeta': –'Am ÿale, da huo'otaq nachi'am mayi 'auachi ca ÿataxala', qaq no'on da aÿim 'au'axatem cam 'auacha'ague, yaqto' aÿim shi'iguena'a camayi.

Juan 7:30

Huaña, nachi qanshitaique da qaÿaconeu'a somayi da qaicoñi'. Qalaxayi sa ishit da huo'o ca nañoxota da ÿaconeu'a, cha'ayi somayi saxanaxa da ivita ca laloqo'.

Juan 7:6

Nachi so Jesús 'enapeco': –Aÿim saxanaxa da ivita yi ÿaloqo'. Qami', qalaxayi camachica na'a'q nachi 'en'am 'onaxaic qanqashiñi.

Juan 7:8

Qauesomiÿa qome, qanqo'oñiu'a que'eca naponaxac. Aÿim, qalaxayi sa ishit da ñoqo'ona, cha'ayi saxanaxa da ivita yi ÿaloqo'.

Juan 8:20

Qaq so Jesús 'enapec de'eda co'olla ñaq huetaigui aso n'onaxanaxaqui da dapaxaguenataxaatac, hueta'a yim naña aso laÿi' ana nachitaqtaxanaqte. Qalaxayi sa ishit da huo'o ca ÿañoxot da ÿaconeu'a somayi da icoñi', cha'ayi somayi saxanaxa da ivita ca laloqo'.

2 Corintios 5:16

Qaq ÿoqo'oyi qomi' nagui sa ishit da chochi seloqtapigui da lataxac ca shiÿaxaua da shinaqta'am nam huetalec ana 'alhua. Qaq nai'ctaxa da sogote co'ollaxa da seloqtapigui da lataxac so Cristo da shinaqta'am nam huetalecana, qalaxayi nagui sa ishit da nachi 'eetec da qadhuennataxac de'eda somayi.