Juan 2:19 - Nuevo Testamento Toba Sur

¹⁹ Nachi so Jesús 'enapeco': –Qomyi qanlaxachiiñi ana n'onaxanaxaqui, nachi aÿim qaltaq ñi'oxooshiguem qome; tres na'axa'te, nachi qaltaq semat.

Nuevo Testamento Toba Sombrero Negro

¹⁹ Jesús 'yategueta jogaa'me, enaac: —Auolaĝachigui jenjo' tamenaqa', qalaĝaja qom tres naa'me noloqo'ote qama'le yitaĝa jañijeguem.

La'aqtaqa Ñim Lo'onatac 'Enauacna 2013

¹⁹ Nache So Jesús 'enapeco': –Qomye qanlaxachiiñi ana no'onaxanaxaqui late'erai, nache Aỹem qaltaq ño'oxoosheguem qome; tres na'axa'te, nache qaltaq semat.

Juan 2:19 Iomraidhean Croise

Mateo 12:40

Cha'ayi de'eda 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nÿaq, qaq nachida qome da 'eetec nataq'en na shiÿaxaua llalec da ivi' caua tres na'axa'te qataq tres pe' da huetaigui ana 'alhua.

Mateo 16:21

Qaq huaña, nachi so Jesús ÿataqta da'aqtaxaatema soua lapaxaguenataqa, 'eeta': –Aÿim saigue da Jerusalén. Qaq huaña qome yimayi, nachi na nquedoxonecpi qataq na lataxala'pi na ltaxaÿaxanaxanecpi na shiÿaxauapi da qaitaxaÿapegue' ñi Dios, qataq nam dapaxaguenataxaatapeguec na lqataxacpi so Moisés, namayipi ÿataqta qalota qome naq'en da ñique'ejnaxac, qataq aÿim qaÿalauat. Qalaxayi qom mashi inoxoodeec caua tres na'axa'te, nachi qaltaq ñica'aleec.

Mateo 27:40

Nachi 'eeta': –'Am mayi qonetega co'ollaxa da 'anlaxajñi añi n'onaxanaxaqui late'edai, ime, nachi qaltaq 'an'oxooshiguem, tres na'axa'te nachi 'aumat. Qaq nagui maichi 'anca'alaxajla't qome. Qom ÿoqta 'eesa da 'am llalec ñi Dios, qaq 'aunoteeguesop qome na 'am qaiuaxaata'aguet.

Mateo 27:63

Nachi qoÿiitega, qoÿiita': –'Am qadataxala', qomi' tachigui qadhuel se'eso shipecaic da l'aqtac co'olla ña nca'altauec, qalaq 'eetega da mashi inoxoodeec caua tres na'axa'te nachi qaltaq nca'aleeguesop da nleuaxa.

Marcos 14:58

–Qomi' sa'axasoqchigui damayi co'ollaq 'eeta': “Aÿim ñilaxajñi qome aña'añi n'onaxanaxaqui mayi l'onata nam chochi shiÿaxauapi; qaq ivi' tres na'axa'te, nachi semat da ñi'oxooshiguem aca lÿa n'onaxanaxaqui mayi sa ishit da l'onata na chochi shiÿaxauapi.”

Marcos 15:29

Nachi nam natapeuga se'eso nqa'aic, namayipi ishiueetac, qataq iconnaxaatac na lqaic. Nachi 'eetega somayi, 'eeta': –¡'A! 'Am mayi qonapec da 'anlaxajñi añi n'onaxanaxaqui, qaq tres caua na'axa'te, nachi qaltaq 'aumat da 'an'oxooshiguem,

Marcos 8:31

Huaña, nachi da'aqtaxanema soomayi, 'eeta': Ne'ena shiÿaxaua llalec ÿataqta qalota qome da nque'ejnaxac, qataq ÿamaqhuec qome namayi na nquedoxonecpi, qataq na lataxala'pi na ntaxaÿaxanaxanecpi da qaitaxaÿapegue' ñi Dios, qataq nam dapaxaguenataxaatapeguec na nqataxacpi. Qataq i'axatema soomayi da somayi taÿa'a da qaÿalauat, qalaxayi qom mashi inoxoodeec caua tres na'axa'te, nachi qaltaq nca'aleec.

Juan 11:25

Nachi so Jesús 'enapego' asomayi, 'eeta': –Aÿim mayi nachaÿim ñica'alaxateec ca leuaxaic, qataq nachaÿim nca'alaxa. Ca aÿim i'amaqten, qaq nai'ctaxa da ileu, qalaxayi ishit da nca'aleec.

Juan 5:19

Nachi so Jesús 'enapega somayipi, 'eeta': –Ÿataqta 'eesa de'eda qami' sa'axatema, da ne'ena llalec ñi Dios, namayi sa ishit da huo'o ca i'ot da huo'otaq maichi ndojlec, cha'ayi namayi i'ot cam ÿauaachigui da i'ot ñi lta'a. Qaq ÿoqo'oyi 'enauac nam i'otpi ñi lta'a, qaq nataq'en i'ot nam llalec.

Hechos 2:24

Qalaxayi ñi Dios qaltaq nca'alaxateec somayi, nca'alaxateeguesop da l'añaxac da nleuaxa, cha'ayi da nleuaxa mashi sa ishit da nllitañi somayi.

Hechos 2:32

Qaq ÿoqo'oyi ñi Dios qaltaq nca'aleec naq'en se'eso Jesús. Qaq de'eda 'enauac da shinaqta sauanaqchigui.

Hechos 3:15

Qaq 'eda da 'eetec da qami' qaualauachi som chigoqo'ot da achaalataxac. Qalaxayi ñi Dios qaltaq nca'alaxateec somayi, qaq 'enauac de'eda qomi' sauanaqchigui.

Hechos 3:26

Qaq ÿoqo'oyi ñi Dios co'ollaq qaltaq nca'aleec naq'en so llalec Jesús, nachi i'auaxaachiguiñi da qami' namaxalo, da yaqto' qami' ÿanema ca no'on qoyiquiaxaqui, yaqto' ñi 'oonolec da qoñiita ishit da ÿaxaneec ca sa ÿaÿamaxañi.

Hechos 6:14

Qomi' sa'axasoqchigui de'eda shiÿaxaua da i'axattac so Jesús mayi Nazaret l'ec, da 'enaco' yi nlaxajñi añi qui'itta qad'onaxanaxaqui qataq nadalaxat nam qan'onataxacpi mayi chigoqo'ot co'ollaxa so Moisés.

Romanos 4:24

nataq'en qomi' tachiguilo. Cha'ayi souaxat da qadpi'iÿaxac, nachi ñi Dios nataq'en qomi' ÿaÿamaxadeete', qataq qomi' ÿamata'aque da qomi' no'o'n shiÿaxa'u. Cha'ayi qomi' sa'amaqtenaq ñimayi mayi ishit da nca'alaxateeguesop naq'en da nleuaxa so qadataxala' Jesús,

Romanos 6:4

Cha'ayi co'ollaq qomi' qanachilaxa'n, nachi 'eeta'am da qomi' qailalyiñi da qadÿachiguiñi' so Cristo da qadeleu, yaqto' qaltaq qomi' qanca'alaxatreec, nachi sanaxañi da dalaxaic qanachaalataxac. Qanachi shinaqta'am so Cristo co'ollaq ñi qadta'a Dios nca'aleeguesop naq'en da nleuaxa, idolec da l'añaxac mayi lta'adaic da lli'oxoyic.

Romanos 8:11

Cha'ayi da mashi qami' netanguita som n'Espíritu ñi Dios mayi nca'alaxateeguesop naq'en da nleuaxa so Cristo Jesús, qaq ñimayi nachiñi qome ñi qami' ÿanema ca dalaxaic nachaalataxac da qad'oquiaxaqui mayi taÿa'a da ileu, qalaxayi ÿachigoxotchigui qome naq'en som n'Espíritu mayi qami' netanguita.

1 Corintios 15:12

Qalaxayi da qomi' sa'axataqtapeguec so Cristo da mashi sogote da Dios nca'aleeguesop naq'en da nleuaxa, qaq ¿tá'ainco' yi huo'o da qoñiita na 'eetega da sa ishit da nca'aleec qanqoÿin na leuaxaicpi?

Colosenses 2:12

Cha'ayi co'ollaq qami' qanachilaxa'n, nachi 'eeta'am da qadÿaichiguiñi' so Cristo co'ollaq qailayiñi. Qataq co'ollaq qanca'alaxateec, nachi qaltaq qadÿaitchiguem, cha'ayi qami' ÿataqta qau'amaqchiñi da l'añaxac ñi Dios mayi nca'alaxateeguesop da nleuaxa somayi.

1 Pedro 3:18

Cha'ayi so Cristo nataq'en mashi ime da qomi' ileualguete souaxat na qadasouaxashitpi. Somayi no'on da lataxac, qalaxayi huo'o da nque'ejnaxac, souaxat qomi' mayi qomi' qauemaiqa, da yaqto' qomi' ÿauegueu'alo ñi Dios. Somayi co'ollaxa ileu da yi'oqchigui l'oquiaxac, qalaxayi qaltaq ÿi'iguelaxalec da nca'aleec, qalaxayi saq cha'a.