Juan 2:11 - Nuevo Testamento Toba Sur

¹¹ Qaq de'eda i'ot so Jesús huaña yi Caná mayi huaigui yi 'alhua Galilea. Qaq damayi nachida da hua'auchiguiñi nam i'otpi n'anec mayi sa qaÿauanapigui co'ollaq ÿachaxan da lli'oxoyic. Nachi so lapaxaguenatacpi ÿataqta i'amaqten somayi.

Nuevo Testamento Toba Sombrero Negro

¹¹ Da'me dojo' 'nanec jo'ne ya'uo ca'li ñe'me Jesús da'me ue'ta di'me Caná, di'me aleua jo'ne Galilea, nach'eda da'me jo'ne 'uaechiñe yaloĝon ca'li male naloĝola't choqoda'me en di'yoq da'me 'lonaĝac, qama'le jogaa'me lapaĝaguenataqa male yataqachiñe p'iida'a joñe'me.

La'aqtaqa Ñim Lo'onatac 'Enauacna 2013

¹¹ Qaq de'era ỹo'ot So Jesús co'ollaq huaña ye nỹecpi ye Caná maye huaigui ye 'alhua Galilea. Damaye, nachera da hua'auchiguiñi nam ỹo'otpi na'anec maye sa qaỹauanapega co'ollaq ỹachaxan da llo'oxoyec. Nache soua lapaxaguenataqa ỹataqta ỹa'amaqte'n Somaye.

Juan 2:11 Iomraidhean Croise

Juan 1:14

Qaq se'eso l'enaxat l'aqtac ñi Dios, somayi nañigui da lataxac na yi'oqchigui shiÿaxaua. Nachi somayi qomi' hueta'agueta, qalaq ÿataqta nlaqchigui da lauotaxanaqtaic qataq dam 'eesa lataxac. Qaq qomi' sauanaqchigui da lli'oxoyic dam ñi'oxoyic mayi maichi lalamaxat lli'oxoyic som 'oonolec llalec ñim qadta'a Dios.

Juan 1:17

Na nqataxacpi co'ollaq qoÿan, qalaq chigoqchigui qanqoÿin so Moisés; qaq da nauotaxanaqtaic qataq dam 'eesa lataxac, damayi chigoqchigui so Jesucristo.

Juan 1:43

Qaq so lÿa na'a'q, nachi so Jesús ÿauotaique da taigue da 'alhua Galilea. Nachi natenalec so Felipe, nachi 'enapega, 'eeta': –Aÿim qoquegue.

Juan 1:50

Nachi so Jesús 'enapeco': –¿Aÿim 'au'amaqten peta'a, souaxat da shiitega da 'am selota'a can qoueto'ot ada higo lchiyic? Qalaxayi nagui 'am shinapega da ÿataqta lta'adaic qome ca 'adauanaqchic, saq 'en'am de'eda.

Juan 10:41

Nachi ÿataqta qalota na shiÿaxauapi na tauga ca hueta'a somayi. Nachi namayipi 'enapeco': –Ÿoqta 'eesa co'ollaxa da so Juan sa ishit da huo'o ca i'ot n'anec mayi sa qaÿauanapega, qalaxayi 'enauac co'ollaxa na i'axat, can i'axatta'aguet ñi'iñi shiÿaxaua, ÿataqta ipacchigui.

Juan 11:15

Qaq aÿim ÿataqta huo'o da ñi'achic da sa ishit da soota'a yimayi. Qaq damayi ÿaÿamaqchiguiñi souaxat da qoñiita, yaqto' ishit da qau'amqajnataxañi. Qalaxayi qolaq qome da ñoqo'onaxa.

Juan 11:47

Nachi nam fariseopi qataq nam lataxala'pi na ntaxaÿaxanaxanecpi da qaitaxaÿapegue' ñi Dios, namayipi i'ot so laponaxac, huaxaiguet na loicnatac na lataxaguesat da detaxaÿapega't. Nachi somayipi 'enapeco': –¿Huá'ague ca shinaqtec? Cha'ayi se'eso shiÿaxaua ÿataqta qalota na i'ot n'anecpi mayi sa qaÿauanapega.

Juan 12:18

Nachi na shiÿaxauapi huaqata'aguet so Jesús, cha'ayi qaÿaÿaten dam i'ot n'anec mayi sa qaÿauanapega.

Juan 12:37

Qaq nai'ctaxa da so Jesús ÿataqta qalota na i'ot n'anec mayi sa qaÿauanapega da ÿauaachigui naq'en somayipi, qalaxayi ñaqaiyita sa ishit da qai'amaqten somayi.

Juan 12:41

Qaq so Isaías 'enapec co'ollaxa de'eda, cha'ayi souaxat da ÿauaachigui da lli'oxoyic so Jesús. Huaña, nachi i'axattac somayi.

Juan 14:13

Qaq 'enauac qome nam qauÿaxañiÿaique da qoviilec da i'enaxat, nachi aÿim so'ot, yaqto' ne'ena llalec ñi Dios ishit da ÿachaxan da lli'oxoyic ñi lta'a.

Juan 16:27

cha'ayi ñimayi maichi qami' ÿauoteque. Qami' ÿauoteque, cha'ayi aÿim qauauochiic, qataq qau'amaqchiñi da aÿim sachigoqtot ñimayi.

Juan 16:30

Qaq nagui mayi saÿajnaq da 'am 'auaÿaten 'enauac na lataxaguesat, qaq sa ishit da 'auen da huo'o ca 'am inat. Qaq ÿoqo'oyi sa'amaqtenaq da 'am 'auachigoqtot ñi Dios.

Juan 2:1

Qaq co'ollaq mashi inoxoodeec soua tres na'axa'te, nachi huo'o so nadonaxac huaña yi pueblo Caná huaigui yi 'alhua l'enaxat Galilea. Qaq aso late'e so Jesús nachi hueta'a yimayi.

Juan 2:23

So Jesús co'ollaq hueta'a yi Jerusalén da ÿalectaigui so na'a'q mayi huetoigui da qaiuennate co'ollaq qanayica'ai yi Egipto, nachi ÿataqta qalota na i'amaqten somayi, souaxat da ÿauaatapigui na i'otpi n'anecpi mayi sa qaÿauanapigui.

Juan 3:2

Se'eso Nicodemo huo'o so pe nachi somayi nqo'ona so Jesús. Nachi 'enapega, 'eeta': –'Am mayi 'auapaxaguenataxaatac, qomi' saÿajnaq da 'am namaq ñi Dios da qomi' 'auapaxague'n. Cha'ayi qaica ca ishit da i'ot na 'au'ottac n'anecpi mayi ÿachaxan da 'ad'añaxac. Chaqcata cam hueta'aguet ñi Dios.

Juan 4:3

Qaq co'ollaq ÿaÿaten de'eda so Jesús, nachi ca'ai yi Judea, nachi ÿi'iguelaxa yi Galilea.

Juan 4:46

Nachi somayi qataq nqo'ona yi Caná mayi nachi huaigui yi'iyi Galilea yim huaña co'ollaq so 'etaxat nañigui naq'en na lataxa. Nachi huo'o so ÿi'oxodaic ltaua so nta'a, qaq somayi huo'o so llalec sa no'on, hueta'a yi Capernaum.

Juan 4:54

Qaq 'eda da lÿa n'anec mayi sa qaÿauanapega mayi i'ot so Jesús co'ollaq chigoqta'a yi Judea da naÿa yi Galilea.

Juan 5:23

yaqto' 'enauac na shiÿaxauapi ishit da ÿi'oxoden na llalec, 'eeta'am naq'en da 'eetec da ÿi'oxoden ñi lta'a. Qaq cam sa ishit da ÿi'oxoden na llalec, qaq camayi sa ishit nataq'en da ÿi'oxoden ñim lta'a mayi namaq namayi.

Juan 6:14

Nachi som shiÿaxauapi mayi ÿauaachigui de'eda n'anec mayi sa qaÿauanapega mayi i'ot so Jesús, nachi somayipi 'enapeco': –Ÿoqta 'eesa da nachida damayi dam l'aqtaxanaxanec ñi Dios mayi qai'axatta'aguet co'ollaxa da naÿa'a ana 'alhua.

Juan 6:2

Qaq ÿataqta qalota na shiÿaxauapi ca'attague' somayi souaxat da ÿauaatapigui na i'ottac n'anecpi mayi sa qaÿauanapega da natadeetac na sa no'onpi.

Juan 6:26

Qalaxayi so Jesús 'enapega somayipi, 'eeta': –Ÿataqta 'eesa de'eda qami' shinapegalo, da qami' aÿim qanmichiitaique, cha'ayi qami' qauqui'ii, nachi qami' comadaxaiqa, qaq sa ishit da souaxat da qami' qauaÿajñi ca naigui na n'anecpi mayi sa qaÿauanapega.

Juan 6:30

Nachi qainat somayi, qoÿiita': –Qaq ¿négue'to' ca n'anec ishit da qomi' 'auachaxanalo, da yaqto' seloxogui, nachi ishit da 'am sa'amaqtenaq? Qaq ¿négue't cam 'au'ot?

Juan 7:31

Qalaxayi ÿataqta qalota na i'amaqten somayi. Nachi namayipi 'eeta': –Qom ivita da nvi' ca nta'a nca'alaxaqui, qaq ¿peta'a ÿacteec na i'ot n'anecpi mayi sa qaÿauanapega da napacalec dam da' shiÿaxaua?

Juan 9:16

Nachi huo'o na fariseopi na 'eeta': –Se'eso shiÿaxaua mayi i'ot de'eda, somayi sa ishit da chigoqtot ñi Dios, cha'ayi sa ishit da huo'o ca ÿanaigui yi na'a'q mataxaqui. Qalaxayi huo'o na 'eeta': –¿Huá'ago' ca 'eetec da ishit da i'ot de'eda n'anec mayi sa qaÿauanapega, da huo'otaq somayi 'itaxaloxoic? Huaña, nachi nÿodacachi da lhuennataxac se'eso shiÿaxauapi.

2 Corintios 3:18

Qaq ÿoqo'oyi 'enauac da shinaqta mashi qaica som lapoxot na qadashic, nachi shinaqta'am aca tannaxai mayi 'edoigui naq'en da lli'oxoyic so qadataxala', qataq nachi ñiquigaqta'aguet da shinaqta'am so Cristo, cha'ayi dam lli'oxoyic somayi nachi qomi' nquigaxattrashigue'm. Qaq 'eda da 'eetec so qadataxala' da nachiso so Espíritu Santo.

2 Corintios 4:17

Cha'ayi nam qanque'ejnaxaco nagui de'eda qanachaalataxac, naamayi saq 'amaqtachi qataq saqaÿaloq da inoxoodeec, qaq nachinaua na qomi' i'otegueta cam ÿataqta lta'adaic ñi'oxoyic mayi qaica ca loga't, qaq saq 'en'am na qanque'ejnaxacpi.

2 Corintios 4:6

Cha'ayi ñim Dios mayi maichi namaq asom lcoÿadaxanaqte, da yaqto' icoÿadelec nam napalaxa, qaq nachiñi ñimayi icoÿadoiguilo naua qadquiyaqte, chigoqchigui naq'en asa'aso lcoÿadaxanaqte, da yaqto' ishit da sauattonaq da lli'oxoyic ñimayi mayi 'edoigui naq'en da lashiguiaxac so Jesucristo.

1 Juan 5:13

Qaq shiyiñi ana'ana ÿide da qami' samaxalo, qami' mayi qau'amaqchiñi so llalec ñi Dios, da yaqto' qauaÿajñiita da qami' hueto'oto da nca'alaxa mayi chochaq tateec.