Juan 19:30 - Nuevo Testamento Toba Sur

³⁰ Nachi so Jesús nÿomgui se'eso lataxa 'iuaxaic. Ime, nachi 'enapeco': –Nagui ime 'enauac nam qai'otpi. Huaña, nachi naqchiguiñi na lqaic, nachi ileu.

Nuevo Testamento Toba Sombrero Negro

³⁰ Joñe'me Jesús da'me yem da'me niyomigui jo'me lataĝa, qama'le enaac: —¡Male yema yepaquichiguilo nayi! Male naĝañi na'me laqaic, qama'le 'yiyelaĝatot ñe'me Dios ñe'me lepaqal.

La'aqtaqa Ñim Lo'onatac 'Enauacna 2013

³⁰ Nache So Jesús nỹomgui se'eso lataxa 'euaxaic. Ime, nache 'enapeco': –Nagui mashe 'enauac ipacchigui. Huaña, nache naqchiguiñi na lqaic, nache ileu.

Juan 19:30 Iomraidhean Croise

Mateo 20:28

Qaq 'eeta'am na shiÿaxaua llalec da namayi sa ishit da anac da yaqto' qanayiutapegue'. Chaqdata da namayi anac da yaqto' huapec, qataq ÿan da nachaalataxac, da 'eeta'am naq'en aca lashiue da yaqto' qalota na qanca'alaxateec.

Mateo 27:50

Nachi qaltaq ÿi'iguelaxalec so Jesús da i'alaq. Ime, nachi ileu.

Mateo 3:15

Qalaxayi so Jesús 'enapeco': –Qalaxayi nagui no'on da 'auauaqta'a da nachi shinaqtec de'eda. Cha'ayi ÿaÿamaqchiguiñi da qomi' so'otaq 'enauac nam 'eetapeguecpi ñi Dios. Nachi so Juan ÿaÿamaxadeeta.

Marcos 15:37

Nachi so Jesús ÿataqta n'axannec da l'alaxac, nachi ileu.

Lucas 22:37

Cha'ayi aÿim shinapec da ÿataqta ipacchigui qome da ñi'aqtaguec mayi i'axat naua ñiyigui'shi l'aqtaqa ñi Dios, mayi 'eeta': “Nachi qaÿalecnoigui nam 'itaxaloxoicpi camayi.” Cha'ayi 'enauac nam ñi'aqtaguec mayi qoÿittañi, namayi ÿataqta ipacchigui.

Lucas 23:46

Nachi so Jesús i'alaq, 'eeta': –'Am ita'a, 'am sepataxalec nagui da maichi 'aulo'ogue na iqui'i. Qaq co'ollaq mashi nasaxauec de'eda l'aqtac, nachi ileu.

Juan 10:11

Aÿim mayi nachaÿim no'on qagueta l'o. Ca no'on qagueta l'o, camayi ÿaalec da nachaalataxac ana qaguetapi.

Juan 10:18

Qaica ca ishit da deuotaxanec de'eda ñachaalataxac, qalaxayi maichi aÿim chigoqchigui da san damayi. Qaq aÿim huo'o da shinec da san damayi, qataq da ñi'iguelaxajla't. Qaq 'eda dam aÿim ÿamaxalec ñi ita'a.

Juan 17:4

Qaq aÿim ÿataqta 'am shi'oxodeetac nagui da soota'a ana 'alhua, qataq ÿataqta sematta da aÿim 'auamaxalec da so'ot.

Juan 19:28

Qaq co'ollaq ime de'eda, nachi so Jesús ÿaÿaten da mashi ipacchigui 'enauac nam qai'axat co'ollaxa, da yaqto' ipacchiguilo naua nanettrañi n'aqtaqa. Nachi 'enapeco': –Huo'o na ÿaquip.

Juan 4:34

Qalaxayi so Jesús 'enapeco': –Dam anoq, nachida da 'eetapeguec ñi ita'a mayi aÿim namaq, da yaqto' semat da l'onataxanaxac.

Romanos 10:4

Cha'ayi som Cristo nachiso so loga't nam nqataxacpi mayi chigoqo'ot so Moisés, qataq chigoqchigui somayi da 'enauac nam i'amaqten somayi, nachi ishit da ÿaÿamaxadeeta ñi Dios.

Romanos 3:25

Ñi Dios ÿan so Cristo, da yaqto' da l-leuaxa chigoqchigui naq'en da ishit da ÿapalaxat na nasouaxashitpi. Qaq damayi chigoqchigui da qaipi'iÿa'a somayi. Qaq de'eda 'eetec ñimayi, nshitaique da qaÿaÿaten da ishit da i'ot ca ÿaÿamaqchiguiñi, cha'ayi da lhualaxavic ñimayi ÿataqta sa ishit da ilogui som hua'au nasouaxashitpi.

1 Corintios 5:7

Qaq ÿoqo'oyi qanqachiiuec qome ana toguishi lalecte ana pan mayi ishit da qami' n'aqchi't, yaqto' qami' qoñiÿa'am ca dalaxaic ndaqnguishic mayi sa qaÿauo'o aca lalecte da qai'ot ana pan mayi taÿaigui da qanallic da iviteuga ca naponaxaqui mayi l'enaxat la pascua. Cha'ayi qami' mashi qoñiÿa'am ca dalaxaic ndaqnguishic. Cha'ayi so Cristo mashi sogote da qaÿalauat da qomi' ileualguete, qaq somayi nachiso so 'ico' qagueta llalec mayi qanallic da iviteuga que'eca la pascua.

Filipenses 2:8

Qataq co'ollaq mashi ÿaatañi da lataxac ca chochi shiÿaxaua, nachi ÿacona da sa ishit da huo'o ca l'amaqchic. Qataq souaxat da lalaxayic, nachi ivitta'a da nalaataguec, nai'ctaxa da i'ot da n'aloxo de'eda l-leuaxa co'ollaq qaiuaxanguet so npe'enaxaqui.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

Hebreos 9:22

Nachi de'eda lliquiaxac ne'ena nqataxacpi i'axat da huac da 'enauac nam qai'otpi iuen da qaÿauota'a naua ntago'q da huo'o ca qaiqui'itaxat. Qaq sa ishit da huo'o ca chochi qaÿapalaxat nasouaxashit da huo'otaq sa ishit da qaicoldeec naua ntago'q.