Juan 19:28 - Nuevo Testamento Toba Sur

²⁸ Qaq co'ollaq ime de'eda, nachi so Jesús ÿaÿaten da mashi ipacchigui 'enauac nam qai'axat co'ollaxa, da yaqto' ipacchiguilo naua nanettrañi n'aqtaqa. Nachi 'enapeco': –Huo'o na ÿaquip.

Nuevo Testamento Toba Sombrero Negro

²⁸ Ca'li yenoĝonegue da'me dojo', qama'le Jesús yayaten da'me joote yem ena'uac da'me chiyaqayilo jonaa'me Dios 'laqataqa, nataq'aen da'me qaedi eja da'me yepaquichigui naa'me nedii's jo'ne 'yaĝatetedac da'me dojo', qama'le enaac: —Jelinquip.

La'aqtaqa Ñim Lo'onatac 'Enauacna 2013

²⁸ Qaq So Jesús co'ollaq ỹaỹaten da mashe ipacchigui 'enauac nam ỹamaxalec Ñim Lo'onatac 'Enauacna. Qaq ỹoqo'oye da yaqto' ipacchiguilo naua nanettralec ana nere maye huetalec na la'aqtacpi Ñimaye, nache Somaye 'enapeco': –Huo'o na ỹaquip.

Juan 19:28 Iomraidhean Croise

Lucas 12:50

Qalaxayi aÿim saigui qome da ñique'ejnaxac, 'eeta'am ca qanachilaxan, qaq ÿoqo'oyi ¡ÿataqta huo'o da ÿaquicoxo da iyaxa da nal'en nachi ime!

Lucas 18:31

Nachi so Jesús iÿaxana so doce lapaxaguenatacpi da iÿotauga, nachi 'enapega, 'eeta': –Nagui qomi' saxague da Jerusalén, nachi huaña qome yimayi da ipacchigui 'enauac dam n'aqtaguec na shiÿaxaua llalec dam ÿiyiñi co'olloxochiyi som l'aqtaxanaxanecpi ñi Dios.

Lucas 22:37

Cha'ayi aÿim shinapec da ÿataqta ipacchigui qome da ñi'aqtaguec mayi i'axat naua ñiyigui'shi l'aqtaqa ñi Dios, mayi 'eeta': “Nachi qaÿalecnoigui nam 'itaxaloxoicpi camayi.” Cha'ayi 'enauac nam ñi'aqtaguec mayi qoÿittañi, namayi ÿataqta ipacchigui.

Lucas 9:31

Ÿataqta coleesopa so n'edaxa ÿataqta qaica ca 'en'am da lli'oxoyic. Qaq qai'aqtaxaatapeguem so Jesús da 'eetec da l-leuaxa qom huaña yi Jerusalén.

Juan 13:1

Qaq nachiso se'eso lÿa na'a'q so huetoigui so naponaxac da qaiuennate so na'a'q co'ollaq qanayica'ai yi Egipto. Qaq so Jesús mashi ÿaÿaten da ivita yi laloqo' da ca'ai ana 'alhua da ÿi'iguelaxa ñi lta'a. Qaq somayi nachi 'eetai' da lauotaxanaqtaic na lalamaxatpi mayi huetalec ana 'alhua, qaq nagui nachi ÿachaxana somayipi da 'eetec dam lta'adaic lauotaxanaqtaic.

Juan 17:4

Qaq aÿim ÿataqta 'am shi'oxodeetac nagui da soota'a ana 'alhua, qataq ÿataqta sematta da aÿim 'auamaxalec da so'ot.

Juan 18:4

Qalaxayi so Jesús, yi mashi sogote ÿaÿateetac 'enauac dam huaigui, nachiso mayi huaqata'aguet somayipi, nachi inattac, 'eeta': –¿Négue't ca qanmichiitaique?

Juan 19:24

Nachi soua ale't 'ena'po': –Sa ishit qome da secolaxataqa'ague anamayi. Chaqdata da ñallitaxagui, yaqto' saÿajnaq chaq negue't ca talec. Huaña, nachi ÿataqta ipacchigui da 'enapec naua nanettrañi l'aqtaqa ñi Dios mayi 'eeta': “Qanaloguilo qome naua aÿogo, qanallichiguilo, da yaqto' huo'o ca talec.” Qaq nachida da 'eetec co'ollaxa so allippi.

Juan 19:30

Nachi so Jesús nÿomgui se'eso lataxa 'iuaxaic. Ime, nachi 'enapeco': –Nagui ime 'enauac nam qai'otpi. Huaña, nachi naqchiguiñi na lqaic, nachi ileu.

Juan 19:36

Cha'ayi de'eda qanayiuaigui, damayi yi'oq, yaqto' ishit da ipacchigui da 'enapec naua nanettrañi n'aqtaqa mayi 'eeta': “Sa ishit qome da huo'o ca qainoxon naua lpi'inqa.”

Juan 4:34

Qalaxayi so Jesús 'enapeco': –Dam anoq, nachida da 'eetapeguec ñi ita'a mayi aÿim namaq, da yaqto' semat da l'onataxanaxac.

Hechos 13:29

Qaq co'ollaq ime da qai'otec somayi 'enauac nam i'axatta'a co'ollaxa naua n'aqtaqa mayi nanettrañi, nachi qanqateeguesop so npe'enaxaqui, nachi qailayiñi.