Juan 19:20 - Nuevo Testamento Toba Sur

²⁰ Qaq ÿataqta qalota na judiopi na itaxaÿaxaatac se'eso nedec, cha'ayi se'eso 'alhua, mayi huaña co'ollaq qaiuaxaneuo so Jesús, somayi sa qaÿapeque so la ciudad. Qaq se'eso nedec qoÿittrañi naua l'aqtaqa na hebreo l'ecpi, qataq griego l'ec, qataq na latín l'ec.

Nuevo Testamento Toba Sombrero Negro

²⁰ Gaa'me nedii's jo'ne qoyedidiñe mach'e hebreo 'laqataqa nataq'aen gaa'me Roma laje' 'laqataqa choqogaa'me griegopi 'laqataqa. Qama'le qayoĝode' joga'me judiopi jo'ne yec'ate'n jogaa'me nedii's, qa'a ga'me jo'ne ua'ña da'me qoyep'enajeguem ñe'me Jesús nach'edi jo'ne yauaqa'a joga'me noic.

La'aqtaqa Ñim Lo'onatac 'Enauacna 2013

²⁰ Qaq ỹataqta qalota na judiopi na itaxaỹaxaatac se'eso nerec, cha'aye se'eso 'alhua maye huaña co'ollaq qaiuaxaneuo So Jesús, somaye saqaỹapeque so nỹecpi. Qaq se'eso nerec qoỹettrañi naua la'aqtaqa na hebreo qataq griego qataq na latín.

Juan 19:20 Iomraidhean Croise

Lucas 23:38

Qaq huo'o som nedec mayi qoÿittalec na pa'ashiguem, huetalguete naua l'aqtaqa na griegopi qataq na latinopi qataq na hebreopi, 'eeta': “Ñimayi nachiñi ñi lta'a na judiopi.”

Juan 19:13

Nachi so Pilato co'ollaq hua'axaÿa de'eda, nachi damaxasoxoolec da qanqateec so Jesús. Nachi somayi nso'ootaña som huaña da qai'ot na nasouaxashitpi, mayi qaÿamata'ac da l'enaxat Gabatá nam hebreo l'aqtaqa. Damayi naigui da ndoteec na coma' ca napiaqa'.

Juan 19:42

Qaq asomayi nachi qaÿachangui so Jesús, cha'ayi asa'aso huachiqui, asomayi sa qaÿapeque, qataq souaxat da mashi yaqta'a da ivita so laloqo' so nmataxaqui na judiopi.

Juan 5:2

Nachi se'eso la ciudad huo'o som lasom mayi qaÿamata'ac nasom ana qagueta. Qaq se'eso lasom nachi sa qaÿapeque asom laÿi' na 'etaxat mayi naua l'aqtaqa na hebreo l'ecpi ÿamata'ac Betesda. Asomayi ivi' cinco naua nqalaxaqui' naua laÿil.

Hechos 21:37

Qaq co'ollaq mashi huotaique da qaipa'axaneuo so Pablo, nachi somayi 'enapego' so lta'a na huataxanaq, 'eeta': –¿Peta'a ishit da huo'o ca i'aqtac? Nachi so nta'a 'enapeco': –¡'A! ¿Qachi 'auaÿate'no' naua l'aqtaqa na griegopi?

Hechos 21:40

Nachi so huataxanaq lta'a ÿashiitem so Pablo da detaqa. Nachi somayi nachajñi cam ñiguishiguem, nachi ÿachaxaashiguem na lhuaq da 'enapega na shiÿaxauapi da de'enaxaatai'. Qaq co'ollaq mashi ntochiguiñi, nachi somayi detaqa, huota'aisalo naua l'aqtaqa na judiopi. Nachi 'eeta':

Hechos 22:2

Qaq co'ollaq qai'axaÿa da detaxaiguilo naua judío l'aqtaqa, nachi ÿataqta ÿi'imaqtom so shiÿaxauapi. Nachi so Pablo 'enapeco':

Hechos 26:14

Nachi qomi' 'enauac da sanataxañi, nachi aÿim sa'axaÿa so n'aqtac aÿim 'eetega, huota'aisalo naua l'aqtaqa na judiopi, 'eeta': “Saulo, Saulo, ¿tá'ainco' yi aÿim 'aucaatac? 'Am maichi 'anque'emaqchittapeguela't, qoneta'am ca nauegaxanaxala' huaca da maichi ÿasottapeeguet aca n'adaxanaqte.”

Hebreos 13:12

Qaq nachi 'eetec nataq'en so Jesús da nalaataguec huaña so qaÿoqteuga so la ciudad, da yaqto' ishit da iÿouec na lasouaxashit na shiÿaxauapi, deÿoxonalo soua maichi ltago'q.

Apocalipsis 16:16

Nachi se'esoua n'eco leguemaxaiqa lapona't na nta'alpi da laponqa' naq'en so 'alhua mayi na hebreo l'aqtaqa l'enaxat Harmagedón.

Apocalipsis 9:11

Qaq asa'aso shiiquioxoi nachi lataxala' som ilotague' cam laponqa' na leuaxaicpi. Qaq se'eso nataxala', somayi l'enaxat Abadón nam l'aqtac na hebreo l'ecpi. Qaq nam griego l'ecpi, qalaq ÿamata'ac Apolión. Damayi naigui da laataxanaxaic.