Juan 19:11 - Nuevo Testamento Toba Sur

¹¹ Nachi so Jesús 'enapeco': –'Am qaica ca qonec da huo'otaq sa ishit da 'am ÿanem ñi Dios ca 'ad'añaxac, da yaqto' ishit da huo'o ca qoneta'ac aÿim. Qaq ÿoqo'oyi cam aÿim ÿaneu'a 'am, camayi qome ÿataqta ÿacteec da lta'adaic da lasouaxashit, qaq saq 'en'am da qoneta.

Nuevo Testamento Toba Sombrero Negro

¹¹ Qama'le Jesús male 'yateguet joñe'me Pilato: —Ñe'me Dios jo'ne na'ague di'me piyem, nach'eñe jo'ne am yanem da'me adañoqotaĝanaĝac qaedi jayem anejaliaĝatelegue. Chane'eja ga'me jo'ne jayem yaneuo, nach'ega jo'ne yaguegue da'me laviyaĝajet jo'ne yajouaĝat, ja ena'am da'me am.

La'aqtaqa Ñim Lo'onatac 'Enauacna 2013

¹¹ Nache So Jesús 'enapeco': –'Am qaica ca qonec da huo'otaq saishet da 'am ỹanem Ñim Lo'onatac 'Enauacna ca 'ara'añaxac, da yaqto' ishet da huo'o ca 'auo'otec Aỹem. Qaq ỹoqo'oye cam Aỹem ỹaneua'a 'am, camaye ỹataqta ỹactec da lta'araic da lasouaxashet, qaq saq 'ena'am da qoneta.

Juan 19:11 Iomraidhean Croise

Mateo 26:65

Nachi som lta'a na lataxala'pi na ntaxaÿaxanaxanecpi, somayi icolaxata'aguelo naua alogo. Damayi naigui dam 'eeta lta'adaic. Nachi 'enapeco': –De'eda shiÿaxaua, damayi naua l'aqtaqa ÿataqta npa'agueneto ñi Dios. ¿Negue'tom ca lÿa shiÿaxaua seuenaq da da'aqtaxan? Cha'ayi qami' qau'aqaichigui da l'aqtac da ÿataqta npa'aguene' ñi Dios.

Mateo 27:2

Nachi qaÿauec somayi, qoÿaxatta'a't naua lhua'q, da qoÿaneu'a so nta'a Poncio Pilato.

Mateo 6:13

Sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi. Cha'ayi da 'ad'onataxanaxac, qataq da 'ad'añaxac, qataq da 'ayi'oxoyic nachi 'eetai' da qaica ca loga't. Aja', nachi 'eetec.

Marcos 14:44

Qaq so Judas mayi nachiso som demenaxan, somayi ÿan co'ollaxa da l'aqtac, 'eeta': –Cam aÿim ñapigoqot, qaq nachica qome ca qauacoñiu'a, qaucoñiyi. Ÿataqta qauaÿamaxachiitec da qauaviqui.

Lucas 22:53

Qami' soota'agueta soua na'axa'te añi n'onaxanaxaqui late'edai, qalaq ¿tá'ainco' yi sa ishito' da aÿim qauacoñiu'a? Qalaxayi mashi ivita yi laloqo' da qau'onataxañi qataq da do'onataxan da l'añaxac na napalaxa.

Juan 18:13

Ime, nachi qaÿauegueu'a so lma' so Anás. Se'eso Anás, somayi nachi lacho' so Caifás, mayi nachiso so lataxala' na ntaxaÿaxanaxanecpi se'eso vi'i.

Juan 18:3

Qaq so Judas nachi nateu'a somayi, nnaictague' so allippi qataq som huataxanaq mayi ilotague' aso n'onaxanaxaqui mayi lamaxashicpi na lataxala'pi na ntaxaÿaxanaxanecpi qataq na fariseopi. Qaq somayipi ÿataqta n'atchiguiñi na l'ogoxonaxatpi, qataq ÿachitac na lcoÿadaxanaxatpi.

Juan 19:10

Nachi so Pilato 'enapego' somayi, 'eeta': –¿Qalaq sa ishit da aÿim 'auasateguet? ¿Sa 'auaÿateno' peta'a da aÿim huo'o da shinec da samaxasoxoolec da 'am qaiuaxaneuo, qataq da seshit da 'am sesouec?

Juan 3:27

Nachi so Juan 'enapegalo soomayi, 'eeta': –Qaica ca shiÿaxaua maichi nalligoxottela't da huo'o ca i'ot, da huo'otaq sa ishit da ÿanem ñi Dios camayi cam i'ot.

Juan 7:30

Huaña, nachi qanshitaique da qaÿaconeu'a somayi da qaicoñi'. Qalaxayi sa ishit da huo'o ca nañoxota da ÿaconeu'a, cha'ayi somayi saxanaxa da ivita ca laloqo'.

Juan 9:41

Nachi so Jesús 'enapeco': –Qamí'ctaxa da sa qanauañiiñi, nachi qaica ca qadasouaxashichi. Qalaxayi qami' qoñiitega da qanauañiichiguiñi, qaq ÿoqo'oyi huo'o da qadasouaxashichi.

Hechos 2:23

Qalaxayi ñaqaiyita co'ollaq qami' qoÿaneu'alo, da yaqto' ipacchiguilo naua lapaxayiñi lhuennataxaco ñi Dios co'ollaq saxanaxa da ivita de'eda. Nachi qami' qauaviqui somayi da qaucoñiyi, qataq qaualauachi, qataq iuaxaneuo qanqashiñi nam shiÿaxauapi mayi qauemaicpi.

Hechos 3:13

Qalaxayi ñim nDios so hua'au qadta'a Abraham, qataq so Isaac, qataq so Jacob, ñimayi nachiñi ñi ÿanem da lta'adaic l'amaqchic so llalec Jesús, som qami' qai'añiu'a co'ollaxa na nta'alpi. Nachi so nta'a Pilato co'ollaq nshitaique da ÿaxaneec, qalaq qami' sa qauaÿamaxayiñi.

Hechos 4:28

Qaq de'eda i'ot namayipi ipacchiguilo 'enauaque naua 'alapaxayiñi 'adhuennataxaco co'ollaq ñaq taÿa'a de'eda.

Romanos 11:36

Cha'ayi 'enauac na huetalec na chigoqo'ot ñi Dios, qaq 'enauac l'onatacpi ñimayi, qataq maichi lalamaxatpi. Qaq ÿoqo'oyi ¡nachi 'eetai' da shi'oxodenaqtac ñi Dios! Aja', nachi 'eetec.

Romanos 13:1

'Enauac qome na shiÿaxauapi iuen da ÿalaxaguet da l'onataxanaxac na nta'alpi. Cha'ayi qaica ca nta'a da saq chigoqchigui ñi Dios. Qaq ÿoqo'oyi nam nta'alpi mayi do'onataxaatacpi nagui, namayipi chigoqchigui ñi Dios.

Santiago 1:17

'Enauac na ÿaÿamaqchiguiñi qataq nalochiguiñi mayi qomi' qoÿanema, namayi chigaqshiguem, chigoqtot ñi Dios ñim l'onata ana ishit da icoÿadelecna. Ñimayi sa ishit da nadalaxajla't, qataq sa ishit da nqochin, 'ico' ca lpaqal.

Santiago 4:17

Cha'ayi ca shiÿaxaua da ÿaÿaten ca ÿaÿamaqchiguiñi, qalaxayi sa ishit da i'ot, qanachi huo'o da lasouaxashit.