Juan 18:30 - Nuevo Testamento Toba Sur

³⁰ Nachi somayipi 'enapeco': –Damayi da sa ishíttaxa da qauemaic, nachi sa ishit da 'am sanaxau'a.

Nuevo Testamento Toba Sombrero Negro

³⁰ Qama'le jogaa'me 'yadeteguet: —Ta'le ja naqaeda jo'ne 'uo da'me laviyaĝajet qama'le ja am 'te jamaĝajoĝolegue.

La'aqtaqa Ñim Lo'onatac 'Enauacna 2013

³⁰ Nache somayepi 'enapeco': –Damaye da saishettaxa da qauemaic, nache saishet da 'am ñauegaxaua'a.

Juan 18:30 Iomraidhean Croise

Marcos 10:33

'Eeta': –Qami' qauaÿajñiita da nagui qomi' saxague da Jerusalén. Qaq huaña qome yimayi, nachi na shiÿaxaua llalec qoÿaneu'a na lataxala'pi na ntaxaÿaxanaxanecpi da qaitaxaÿapegue' ñi Dios qataq na dapaxaguenataxaatapeguec na nqataxacpi. Qaq namayipi qome nachi ÿauo'o ca ñalaataguec, qataq aÿim ÿaneu'a na chigoxouecpi.

Marcos 15:3

Nachi nam lataxala'pi na ntaxaÿaxanaxanecpi ÿataqta qalota nam ÿasaxalec lasouaxashitpi somayi.

Lucas 24:7

“Na shiÿaxaua llalec qoÿanoigui qome na 'itaxaloxoicpi, da yaqto' qaiuaxaneuo, qalaxayi qom mashi ivi' naua tres na'axa'te, nachi qaltaq nca'aleec qanqoÿin.”

Juan 18:29

Qaq ÿoqo'oyi so nta'a Pilato npa'auec co'ollaxa, nachi inattac somayipi, 'eeta': –¿Négue't cam qauasaqaitapeguelec da lasouaxashit qanqashiñi de'eda shiÿaxaua?

Juan 18:31

Nachi so Pilato 'enapego' somayipi, 'eeta': –Damayi qauaviqui, nachi qaudoilec nam nqataxacpi mayi qami' qoÿanema co'ollaxa da maichi qanmichi. Nachi somayipi 'enapeco': –Qalaxayi qomi' judío lashi' sa ishit da huo'o ca qan'aqtac, da yaqto' huo'o ca salauataq.

Juan 19:12

Huaña, nachi so Pilato nmittaique ca lataxac, da yaqto' ishit da isouec so Jesús, qalaxayi na judiopi ÿataqta i'alaqtagui, 'eeta': –¡Da 'am 'ai'axaneec damayi, qachi sa ishit qone' da 'anauochaxaua ñim lta'a na nta'alpi mayi neta'ague da Roma! ¡Cha'ayi ca camachaqca huotaique da maichi n'ojla't da nta'a, nachi camayi npa'aguenaxaua ñim lta'a na nta'alpi!

Hechos 3:13

Qalaxayi ñim nDios so hua'au qadta'a Abraham, qataq so Isaac, qataq so Jacob, ñimayi nachiñi ñi ÿanem da lta'adaic l'amaqchic so llalec Jesús, som qami' qai'añiu'a co'ollaxa na nta'alpi. Nachi so nta'a Pilato co'ollaq nshitaique da ÿaxaneec, qalaq qami' sa qauaÿamaxayiñi.

2 Timoteo 2:9

Qaq nachida da huo'o mshi huo'o da ñique'ejnaxac, chochi sovitta'a da aÿim qaicoñittai', shiita'am ca qalota na lasouaxashit. Qalaxayi da l'aqtac ñi Dios sa ishit da qaicoñittai'.

1 Pedro 4:15

Qaq da huo'o ca 'oonolec da qoñiita da huo'o da nque'ejnaxac, qalaxayi sa ishit qome da souaxat da laataxanaxaic, huo'otaq cachaxaic, huo'otaq cam i'ottac na qauem, qataq tatapegueu'a ca sa lalamaxat.