Juan 18:28 - Nuevo Testamento Toba Sur

²⁸ Nachi qaÿauec so Jesús, qaÿachigoxotchiguiña so lma' so Caifás da qaÿauega so nqasoxoc so nta'a Pilato. Qaq mashi yaqta'a co'ollaxa da yi'oxoñi, nachi nam judiopi sa ishit co'ollaxa da pa'au'a so nqasoxoc so nta'a, cha'ayi ivittaique da 'ico' da nshipaxan da nachaalataxac. Cha'ayi da nachi 'eetec de'eda, nachi sa ishit da dequi'iÿapegueu'a na nallic se'eso na'a'q mayi huetoigui da qaiuennate so na'a'q co'ollaq qanayica'ai so Egipto.

Nuevo Testamento Toba Sombrero Negro

²⁸ Joñe'me Jesús male qoyauega ga'me 'lachaqa' ñe'me Caifás qama'le yauedeta ga'me 'lachaqa' ñe'me jaliaĝanec jo'ne Roma le'ec. Queda'me yamta'le nete', jogaa'me judiopi lajoĝola'te ja yenoĝodoue ga'me emec jo'ne lejaliaĝaiqui ñe'me Roma le'ec, queda'me t'oida'aguet da'me qom naq'aeta qama'le 'uo ga'me lepatenaĝanaĝa'j jo'ne e'n paĝachiguilo naa'me lai'li jogaa'me, da'me qom naq'aeta qama'le ja yaqanate't ta'le yali'j ga'me niqui'yaĝanataĝanaĝac ga'me nolo' jo'ne Pascua.

La'aqtaqa Ñim Lo'onatac 'Enauacna 2013

²⁸ Nache qaỹauec So Jesús, qaỹachegoxotchiguiña so lma' so Caifás da qaỹauega so lma' so nta'a Pilato. Qaq mashe yaqta'a co'ollaxa da yo'oxoñi, qaq nam judiopi saishet co'ollaxa da pa'aua'a so nqasoxoc so nta'a, cha'aye ivittaique da nshepaxan da nachaalataxac. Cha'aye da nache 'eetec de'era, nache saishet da dequi'iỹapegueua'a na nallec se'eso na'a'q maye le'enaxat Lapascua.

Juan 18:28 Iomraidhean Croise

Mateo 27:27

Ime, nachi na nallippi se'eso nta'a ÿauec so Jesús da ÿauega ca lma' lta'adaic somayi. Nachi qalapona't 'enauac so allippi, da yaqto' qaicoleesop somayi.

Marcos 15:16

Nachi so allippi ÿauec so Jesús, ÿauegueuga ca nqasoxoc ca lma' so nta'a. Nachi qalapona't 'enauac na huataxanaqpi.

Lucas 22:66

Qaq co'ollaq mashi yi'oxoñi, nachi lapona't so lquedoxonecpi na judiopi qataq so lataxala'pi na ntaxaÿaxanaxanecpi qataq nam dapaxaguenataxaatapeguec na nqataxacpi. Nachi qaÿauegueu'a so nta'alpi mayi loicnatac na lataxacpi. Nachi qainattac, qoÿiita':

Juan 11:55

Qaq mashi sa qaÿauga so na'a'q mayi laponaxaqui na judiopi da qaiuennate so na'a'q co'ollaq qanayica'ai yi Egipto. Nachi ÿataqta qalota na shiÿaxauapi mayi nañalo naua lÿa't pueblo da taÿa yi Jerusalén, da yaqto' i'ot da n'onataxac da nqui'itaxat ca shiÿaxaua, da yaqta'a nvideuo se'eso na'a'q naponaxaqui.

Juan 18:13

Ime, nachi qaÿauegueu'a so lma' so Anás. Se'eso Anás, somayi nachi lacho' so Caifás, mayi nachiso so lataxala' na ntaxaÿaxanaxanecpi se'eso vi'i.

Juan 18:15

So Simón Pedro qataq so lÿa napaxaguenatac, soomayi ca'attraueegue so Jesús. Qaq se'eso lÿa napaxaguenatac, somayi nauattonaxaua som lataxala' na ntaxaÿaxanaxanecpi. Qaq ÿoqo'oyi somayi nachi lÿateuo so Jesús da pa'au'a so nqasoxoc se'eso nataxala'.

Juan 18:33

Nachi so Pilato qaltaq ÿi'iguelaxaigui so lma', nachi iÿaxaneuga so Jesús, nachi inattac, 'eeta': –¿Peta'a nachi'am lta'a na judiopi?

Juan 18:39

Qalaxayi qami' huo'o naxa da qan'onataxaqui da qanshiitaique da sesouec ca ncoñitaguishic souaxat da qoñiita da iviteuga yi na'a'q mayi huetoigui da qaiuennate co'ollaq qanayica'ai yi Egipto. Qaq ¿qanshiitaique peta'a da aÿim sesouec ñim lta'a na judiopi?

Juan 19:11

Nachi so Jesús 'enapeco': –'Am qaica ca qonec da huo'otaq sa ishit da 'am ÿanem ñi Dios ca 'ad'añaxac, da yaqto' ishit da huo'o ca qoneta'ac aÿim. Qaq ÿoqo'oyi cam aÿim ÿaneu'a 'am, camayi qome ÿataqta ÿacteec da lta'adaic da lasouaxashit, qaq saq 'en'am da qoneta.

Juan 19:14

Qaq se'eso na'a'q nachiso so pa'aiguet som na'a'q mayi huetoigui da qaiuennate co'ollaq qanayica'ai so Egipto. Qaq mashi na'a'q laiñi co'ollaq so Pilato 'eetega na judiopi, 'eeta': –¡'Eda dam qadta'ai!

Juan 19:9

Nachi qaltaq taigui so lma', nachi qaltaq inattac so Jesús, 'eeta': –¿Chaq huá'ague ca ÿoqta 'auachigoqta'ague 'am? Qalaxayi so Jesús sa ishit da huo'o ca l'aqtac.

Hechos 10:28

Nachi so Pedro 'enapego' somayipi, 'eeta': –Qami' qauaÿajñi da na judío l'ecpi ÿasouaxat da l'amqajnataxanaxac, nachi ÿataqta sa qaÿashinguet da ÿaleeguet ca sa lauo' l'ec, huo'otaq da chochi pa'aigui ca lauo' camayi. Qalaxayi ñi Dios aÿim ÿapaxaguenec da sa ishit da huo'o ca samata'ac da nshipaxan, huo'otaq sa qaishiteguet.

Hechos 10:32

Qaq nagui 'auauo'o qome ca 'auamaxa yi la ciudad Jope, da yaqto' ÿi'iguena'a ñi Simón, da lÿa l'enaxat Pedro. Ñimayi hueta'a yi lma' ñi l'enaqteua Simón, l'oc l'o. Ñimayi neto'ot so loigue aso auaxai yi lma'. Qaq ñimayi qom noviyi', nachi 'am da'aqtaxanem.”

Hechos 11:3

Nachi qainattaco' somayi, qoÿiita': –¿Tá'ainco' yi 'anamaqtega nam sa ishit da judío l'ecpi qataq 'adqui'axauapi?

Hechos 3:13

Qalaxayi ñim nDios so hua'au qadta'a Abraham, qataq so Isaac, qataq so Jacob, ñimayi nachiñi ñi ÿanem da lta'adaic l'amaqchic so llalec Jesús, som qami' qai'añiu'a co'ollaxa na nta'alpi. Nachi so nta'a Pilato co'ollaq nshitaique da ÿaxaneec, qalaq qami' sa qauaÿamaxayiñi.

Hechos 4:27

Cha'ayi ÿataqta 'eesa da ñi nta'a Herodes qataq ñi Poncio Pilato, naamayi co'ollaxa lapona't, huetra'a ne'ena la ciudad, qaÿauaxaiguet nam chigaqhuec qataq nam maichi llalaqpi so Israel, da 'enauac qanpa'aguena som qui'itta 'ai'alec Jesús mayi 'ai'anagui da nta'a mayi qadca'alaxaqui.